كنتي حامل وولدتي ،،، تعالي وشاركي بتجربتك من ناحية عدد الأسابيع

ق

قمرهم 2009

عروس جديدة

25-12-2010 | 10:54 PM

السلام عليكم ورحمة الله وبركاته:

عزيزاتي الأمهات وأمهات المستقبل،

انا حامل ،،، وهاجس الولاده في بالي من اول ماحملت

والفترة الحالية من الثقل والتعب ،،، خلاااااااااااااااااااص ودي اولد من غير شر اليوم قبل بكره

بصراحه حابه ساأل كل ام هل كملت 40 اسبوع حمل والا اقل

كل وحده منكم ابغاها تكتب عن تجربتها وهل سبب ولادتها قبل 40 أسبوع كانت طبيعية والا بسبب

وفي نفس الوقت ايش سويتي علشان تسهل عملية ولادتك ،،،

حبيباتي ،،،، من جد رح يكون تفاعلكم معنا في الموضوع هاذا مهم ومفيد :::: خاصة لي انا واللي زيي

مشكورين حبيباتي مقدماً على تفاعلكم

ش

شجن الشجون

عروس ماسية

25-12-2010 | 10:57 PM

الله يسهل عليك الولاده
بعدني الحين في الشهرين

ا

التوت البري

عروس مبدعة

26-12-2010 | 01:55 AM

الله يسهل حملك وولادتك ......... بالنسبة لفترة الحمل ونهايتها فأعتقد انها تختلف من أم إلى أخرى .. وكل حاله لها وضعها
الصحي وتختلف بالطبع مواعيد الولادة حسب اختلاف صحة الأم والجنين وهذا ما يقرره الطبيب فنصيحتي بأن لا تشغلي ذهنك
بما هو في علم الغيب ولا تقارني نفسك بأي حامل ... ادعي الله يسهل ولادتك ويرزقك بطفل سليم معافى يا رب وحاولي تفكري
بتجهيزات الولاده والطفل وفرحة قدومه والله يوفقك ويقومك بالسلامه يا رب العالمين .........

س

سعدهـ

عروس متألقة

26-12-2010 | 05:23 AM

كلام التوت البري كلام سليم ...

وبعطيك تقرير مفصل عن حالتي ...

انا ولدت بالاسبوع 38 بولدي البكر ... انفتح الرحم لين 3 سم .. بعدين نزل ماي الجنين ..

يعني اتوقع انه عادي ... لاني سالت الدكتوره عادي ينزل الماي قالت ايه حنا نبيه ينزل بس نبي الرحم يفتح اكثر

عطوني طلق صناعي .. والحمدلله ولدت بالسلامه ...

اما وش كنت استخدم ... عشان تسهيل الولاده ... اولا واخيرا السهاله تجي من الله ...

نهاية الثامن رحت للعطار قلت له ابي كف مريم ... قالي كف مريم زين .. بس ورق التوت افضل منه عشان يسهل الولاده

وفعلا اشتريته ... وشربت منه كل يوم كوب لين انفتح عندي الرحم و صار ماصار

وبنفس اليوم الي حسيت بالام الطلق كنت اكل تمر كثيير

بوقت الولاده بصراحه حسيت بالامه بس ماحسيت بطلعة الجنين طلع الحمدلله بيسر وسهوله

يعني دفعت مرتين وطلع الراس والمره الثالثه طلع كله ... وبعدين المشيمه طلعوها الحمدلله

وربي يكتب لك السلامه و تكتبين لنا تجربتك ...

أ

أم لمااار

عروس ذهبية

26-12-2010 | 07:10 AM

في بنتي ولدت بالأسبوع 39

وفي ولدي الأسبوع 38

وبدون سبب جاتني ألام الطلق وبعدها ولدت والحمدالله

و

ورد محـمـدي

عروس نشيطة

26-12-2010 | 01:24 PM

انا بولدي كملت الشهر التاسع كله يعني اخر يوم بالاسبوع الاربعين ولدت

والحين حامل بالشهر الخامس ربي ييسر لي والجميع

ب

بنت امي و ابوي

عروس رائعة

26-12-2010 | 03:36 PM

اانا بووولدي تميت 40 يوم بالضبط و رحت 41 المستشفى و كان مفتووح 3 سم و هم فتحووو لي الماي و بدت الاااام تزييد لين ولدت بالسلامه

ا

الأمل الموعود

عروس جديدة

26-12-2010 | 04:06 PM

الله يسهل عليش و تولدين بالسلامه

عليش بالدعاء

ق

قفاز الحرير

عروس جديدة

26-12-2010 | 04:51 PM

بولدي 36 اسبوع 4 ايام من دشيت التاسع
وبنتي 36 اسبوع يومين من دشيت التاسع
واحين حامل والله اسهل لج ولي ان شاء الله
اما السبب من الله سبحانة ما استخدمت شيء ولا شربت شيء

أ

أحلااامي

عروس نشيطة

26-12-2010 | 05:14 PM

انا اكمل ايامي وازيدهاااا باسبوع!!

~

~¤ô_ô¤~ ام تومة ~¤ô_ô¤~

عروس مبدعة

27-12-2010 | 04:49 AM

انا بولادتي الاولى ببنتي 40 اسبوع ولدت بطلق صناعي....

وبحملي الثاني 33اسبوع و4 ايام!!طبعا قبل الموعد نزل علي الماي رحت للمستشفى كالو ولادة....

ماشربت اي شي بس بولادتي الاولي من كنت احس بوجع اجلس جلست القرفصاء قريت عنهة بالنت وكنت اسويهة او امشي لين ماولدت بالسلامة....

عقبال ماتوليدن وتجين تبشرينة....

ا

الدنيا 2005

عروس نشيطة

27-12-2010 | 04:42 PM

هلا اختي والله نفس الهاجس

اني دائما اكمل التاسع وكم يوم والحين اتوقع مثل الشي

م

ماسة الجمال

عروس مشرقة

27-12-2010 | 05:08 PM

انا دخلت العاشر وأخذت منه خمسه ايام وبدت مويه الجنين تقل في السونار واضطرت الدكتوره تولدني بطلق صناعي والحمد الله اخذت ابرة الظهر وماحسيت بالولاده بس حسيت بالطلق لين فتح اربعه سنتي

الله يسهل عليك ويقومك بالسلامه

*

*حبيبة زوجها *

عروس جديدة

04-01-2011 | 04:30 AM

الاسبوع 38

*

*(يلوموني بحبك )*

عروس مشرقة

05-01-2011 | 01:24 AM

بولادتي الأولى تميت 41 أسبوع وثلاث أيام
وولدت بتسمم غذائي
يعني وأنتم بكرامة من كثر الإسهال والأستفراغ

بولادتي الثانية 37 أسبوع ما كملت التاسع
والتساهيل من رب العالمين
بدون إستعمال شئ بس كانت شغالتي مسافرة وتعبت من شغل البيت

ر

روح همس

عروس رائعة

05-01-2011 | 02:07 AM

انا والحمد لله نزلت علي المويات والدم بس بدون الالام طلق وكنت 39 اسبوع و3 ايام وفحصتني الدكتوره ويوم تاكدت ان الرحم مفتوح 4 سم والمويات نزلت سجلتني دخول وكان مع اذان الظهر لصلاة الجمعه واضطروا للطلق الصناعي لان مافيني طلق ولان المويه كانت نسبتها نازله من دخلت التاسع وقعدت بغرفة الولادة الين العشاء وبدات الالام الطلق اللي هو 5 سم وشوي شوي الين ماولدت الساعه 3,46 فجر السبت والحمدلله واللي اخرني ان بنتي اعترضت بس الحمد لله الدكتور مررره شاطر بسرعه ولدت الحمد لله بيسر وسهوله بفضل من رب العالمين
وانا كنت اكل تمر ورطب واشرب ماي زمزم وعشبة كف مريم والحمدلله كنت مطمنه نفسي ان ربي معاي وكانت امي جنبي وان فيه الاجر وانتظر شوفة بنتي فكانت تساهيل رب العالمين
لاتخوفين نفسك ولاتحاتين والافضل انك تقراين عن الولاده وتستعدين نفسيا عشان ماتتعبين وصدقيني كله يوم ويعدي وبيصير ذكرى وصدقيني كله يهون عند السهر والتربيه
ربي يسهل عليك ويهون امرك

ن

نور رائد

عروس مبدعة

05-01-2011 | 02:15 AM

اللي الله كاتبه بيصير مافي شي يسرع الولاده في اشياء تحفز على الولاده خصوصا وقت ايي الطلق وتساعد على تسهيل الولاده وتخلي الجسم مرن مثل المشي، لكن حزه الولاده هاذي عند الله ، أنا سويت كل شي وتعبت من المشي واكل في المحفزات لكن ابدا ماولدت وطاف موعدي باسبوع وهاذي حسبته عدل لان الحمل كان مخطط له. توكلي على الله والله يسهل لج إن شاء الله

ج

جرحت قلبي

عروس جديدة

05-01-2011 | 06:45 PM

في بنتي الاولى 36 اسبوع
وبنتي الثانيه قبل موعد ولادتي بيومين

وهالحمل الله يعلم انا الحين في الثامن

الله يسهل علينا

*

*نبعة الريحان*

عروس مشرقة

11-01-2011 | 11:35 AM

الله يسهل عليكم إن شاء الله...
والفال لنا إن شاء الله توني بدش الثالث ودعواتكم لي بالسهاله ف يوم الولاده يارب.

*

*أميره بأخلاقي*

عروس رائعة

11-01-2011 | 11:43 AM

الله يسهل على كل حامل