صديقاتي بمنتدى عروس ادخلو وساعدوني موعارفه اتصرف من غيرتها (صحبتي تقارن نفسها فيا)

صديقاتي الاعزاء احب فينا التفاعل والنصايح اللي نقدمها لبعض وحبيت انكم تفيدوني زي ماافيدكم.....انا عندي مشكله مع وحده كانت من اعزززززززززز صديقاتي والله كنت احبها اكتر من صحباتي كلهم كنت اعزها ومايمر يوم غير ونتكلم مع بعض واحيانا اطنش محاضرات عشان نقعد سوا وكنا نقعد كتيييييييييييييييييييييييير مع بعض ومانمل ونشكي لبعض همومنا ومشاكلنا وكل شي نقولها اللي بعض ..نحنا انخطبنا بنفس الوقت تقريبا كان بينا 4 شهور انا انحطبت وهيا بعدي.....انا قبل مااتزوج كنت معجبه فيه هو معرفه من بعيد يعرف اهلي ...وهيا كمان نفس الشي انا الحمدلله اموري كلها اتسهلت من البدايه وكانو اهلي معجبين بزوجي وهيا اهلها ماكانو موافقين كان بس شوفه وماحددو موعد لقرايه الفاتحه وسافر الولد ....وكانت امها تقلها لا يمكن يجيكي احسن منه بلاش نوافق عليه وماكانت تبغاه امها بس طبعا قدرة الله وبالنهايه وافقت وانخطبت بس ماقالو للناس انها مخطوبه امها ماتبغا تقول لاحد عشان ماكانت تبغاه بس طبعا قدره الله فوق كل شي ....
من اول مانخطبت وهيا كانت معايا خطوه بخطوه بكل شي ....المهم انا ملكت وهيا بعد ماملكت بشهر انخطبت...بس صارت تسوي حركات استغربلها مره عزمتها ببيت خالتي ولقيت جات تسلم وخارجه اقلها فين تقول خارجه مع خطيبي (طبعا نحنا عندنا مانخرج مع الخطيب الا بعد الملكه او تخرج وقت الخطوبه مع احد من الاهل) هيا طبعا من ورا اهلها واخدتني غطا تقول من وراه انها عندي وجا عند بيت خالتي انا وقتها سويت مشكله معاها قلتلها ماتستغفليني وبيتهم مو بيتي لو شافو احد برا ايش بيكون موقفي وبعدين استأذني مني كان الاول عشان لاانحط بموقف محرج ...وطبعا نسيت المشكله وراحت ....صارت من بعدها تحاول تسوي حركات استفزازيه ولما سافرت الصيف مافكرت تدق ولا مره عليا وانا برا البلد ولا حتى بالاجازه حقت الصيف مافكرت تكلمني مع اني ارسلتلها رقمي بالبلد اللي كنت فيها حتى ايميل ماكلمتني غير مرتين طوال 3 شهور...المهم ماسويت شي انا وكان كل شي عاااااااااادي ....
جا وقت ملكتها وكانت بعد عيد الفطر وقعدت تعلق تقلي كيكتك يوم الملكه كان شكلهاا غريب قلتلها انا مسويته كدا بالعاني كان شكلها مره حلو جايه مايله كانها بتطيح ..قعدت تقول ماكانت ثابته ومدري ايش قلتلها هيا كان شكلها كدا صارت تضحك وتقول طيب طيب صدقتك!!!؟؟؟؟ المهم طنشت وماقلت شي ....ومشيت الحال...ورحت ملكتها انا كنت لابسه يوم ملكتها مستر وطويل فستان كان شكله زي فساتين الغجر صارت تعلق تقول ايش اللي كنتي لابسته ومدري ايش وتخيلي فلان(اللي هوا زوجها) يقول صحباتك مايستحو انا معاكي عالكوشه وشفت كم بنت تسلم عليكي ومو لابسه الطرحه ...انا والله لما جيت سلمت كان هوا قالب وجهه وكنت جنب ماما وقالتلي لاتلبسي طرحه سلمي بسرعه هو بعيد وقالب وجهه طبعا انا ماطلعتلها فوق الكوشه يعني من الطرف مع باقي البنات ووالله ماكان منتبه ولا شي...وصارت تقول يقولي كانت في وحده قليله ادب لابسه وردي اللي هوا لون فستاني قلتلها لا اكون انا انا كنت لابسه وردي بس ماكان منتبهلي لدرجه انو ماما قالتلي سلمي عليها ...وبعدين طلعت انا المقصوده وصارت تقلي انتي ماتخفي ربك تبيني كدا انتي ماتخافي على عرض زوجك.؟؟؟!!!! صرت اقلها انا مااسوي شي من وراه وترا قلتلها انه انتبهلي وقلتله كل شي انا مااخبي عليه((للمعلوميه هيا تخبي عليه وتسوي اشياء من وراه عشان مايرضالها تسوي اي شي وحارمها من اشياء كتير)) ومشيتها ومازعلت اخدت الموضوع بمزح وقلت يمكن اتضايقت انه انتبهلي بس معليش هوا اللي عينه طويله كيف انتبهلي وانا ماانتبهت انه طالع عليا ولا حتى امي ؟؟!!!!! وقلت مووووووووووووووووومشكله وسكت ماصار تكلمني زي اول حتى تكتب بالفيس بوك شكرا لصحباتي اللي احبهم وبلاش غيره يا بنات بعض الناس غيرانين ومن دا الكلام الاهبل؟؟!!!!!!!!! وصارت تقلي ايش رايك بملكتي وكوشتي ومدري ايش قلتلها حلو....قالتلي ايش رايك بفستاني قلتلها ناعم...قالتلي ناعم؟؟؟!!!!!!! غريييييييييييييييييبه كل الناس انبهرو بفستاني قلتلها ايوا حلو ((انا عن نفسي ماعجبني كان مخبوص بس صحبتي واحبها وقلتلها ناعم حلو مافيها شي لازم اقلها رهيب))صارت تقول انا مسويته بلبنان والمصمم مايصمم غير ليا وكلام ناس مريضيييييييييين وكلام اطفاااااااااال....المهم انا مشيت الموضوع وعاااااااااااااااااااااااااادي ...صارت دايما بالفيسبوك تقول بطلو غيره بطلو قر ....ومره كتبت انا ((ومن شر حاسد اذا حسد)) صارت تقول ايش تقصدي على مين؟؟؟قلتلها الواحد حلو يحصن نفسه بأي مكان....ومشي الموضوع وبعدين قطعت عني وماصار تكلمني مررررررررررره ...هاذي البنت تحب تكلم عن البنات من وراهم تقعد تحكي فلانه فيها ويخطيها ومدري ايش واناخايفه تكون بتتكلم عني من ورايا وتقول للبنات اني مقهوره منها والهبل حقها....مو عارفه ايش اسوي مره من قهري قعدت ابكي لوحده من صحباتي ....احسها احيانا طفله وسخيفه واحيانا اقوللا هاذي صحبتي احبها....وتخيلو اخر شي انها اتعرفت على بنت كانت تتكلم عليها دايما تقول فلانه ماتعجبني ومانكلمها احسن ومدري ايش واكتشف انها صايره تخرج معاها وتعزم صحباتها وانا لا وانا اقول يمكن لاني تخرجت خلاص من الجامعه بس هيا وصحباتها لا وصرت بعيده شويه بس حتى ولو ؟؟؟!!!وكل يوم والتاني اشوفها كاتبه بالفيسبوك شكرا صحباتي على العزومه حقت بيتي وشكرا عالمطعم وشكر مدري ايش وانا مقهوره ليش ماتعزمني...وحده من صحباتي تقلي خليكي منها شكلها تغار منك...ودااااااااايما احسها تقارن نفسها بيا انا وخطيبي تقلي زوجك ايش يقلك عادي يخليكي تسوي كدا وعادي كدا ومدري ايش ....خلاص صرت انزعج وصرت احس انها صايره سخيفه من يوم ماملكت واخاف اقلها فين بسوي زواجي واخاف اقلها اي شي عن تجهيزاتي عشان لاتحسدني احس انها تغار اذا سويت شي احسن منها...حتى يوم ملكتي تقول ليش سويتي كوشتك كبيره وليش وزعتو عالناس ماكان ليها داعي الاشياء اللي وزعتوها وفستانك كان كبير بزياده كانه فستان زواج...تخيلو انا بعد ملكتي نزلت كم صوره ليا انا وخطيبي ليا ..دقت تزعق عليا و تقول انتي كيف تحطي صورك انا صحباتي قالولي كيف صحبتك كدا تسوي..قلتلها اولا ماعندي احد غريب كلهم ناس مره قريبين عليا ..تاني شي ماعندي شباب بحسابي...تالت شي زوجي عارف وماقال شي وانا مااسوي شي من وراه..وبعدين خلاص صرت اتضايق منها

اسفه طولت بس تصدقو انها اول مره افضفض....شورو علي اخليها...ولا احتاط منها ومااقلها كل شي...ولا مااخد في بالي ؟؟!!!!:!!::!!:
بنات اللي بتشوروه عليا بسويه فبليييييييز حطو مكانكم مكاني