بنتي ضعيفة

ادا على الاكل انشالله بتاكل لا تحاتين بس انه احس فيج لانه ولدي عنده نفس المشكله بس كان يبيله صبر
و على الوزن ادا وديتها المستشفى شوفي شيقولون لج عن وزنها يمكن اهيا ضعيفه بس وزنها على المعدل.
والمشي انشالله بتمشي وايد يهال يمشون عقب السنه لا تحاتين

معليش حبيبتي حاولي معاها حطيلها بصحن لو تاكل خي اي شي وانت عطيه اذا كانت ملتهية
والمشي عادي انا بنتي مشت وعمرها سنه و3 شهور واخت زوجي بعد سنه واربع شهور

حبيبتي ماتقلقيش
خير ان شاء الله
بس انا من راي تروحي بيها لدكتور يشوف هي مش بتاكل ليه
وان شاء الله تاكل وتكبر وتشوفيها عروسه قدامك

مثل حال ولدي

عمره سنه ونص وكلش ماياكل وضعف عدل من مشى ومعتمد بس على الرضاعه من عندي

واني تعبانه .. يقولون ليي فطميه وبياكل

وصحيح كلامهم لانه ولدي الكبير كان مثل الشي .. معتمد على المرضعه ولا يرضى ياكل شي

بس قطعت عنه المرضعه صار ياكل بس هاذة هو جسمه ماسمن .. يمكن هو طبيعت جسمه جدي

اغلب الرضع الي يعتمدون على الرضاعه مايهتمون بالاكل لانه اهم شي عندهم الحليب
بنوتتي كانت نفس الشي وكانت تكره حتى المراضع
بس بعد الفطام يضطرون يأكلون
فخففي الرضاعة وقت الاكل
يعني قبل وجبة الغذا لاترضعينها
وشوي شوي قللي عدد الرضاعات وخلي مكانها وجبه خفيفه اكل
وهذا بسهل عليج الفطام
ماعليها شر ان شاء الله

ترى عادي حبيبتي .. في اطفال هم طبيعة اجسامهم جدي .. يعني اهم شي تكون صحتها زينه ودمها زين ... بنتي بعد كبر نتك ,.. وضعيفونه ... وكله يقولون لي طالعه عليج يعني بتاخد المتن من وين !! مع انه ساعات احاتي ابيها تاكل .. تتعبني في الاكل واجد اشياء ما تعجبها .. مو اي نوع فواكه تحبه .. على مزاجها يعني ..

بلنسبة للمشي بعد في اطفال يتأخرون .. بس اني وديها دكتور بس عشان تطمنين انه دمها وصحتها زينة :)

ربي يسلمكم خوواتي
بس اني وديتها الى الدكتور اعطانب دواء ومشهي لاكل وماكو اي تغيير

خواتي انا ما اقدر افطمها الان لانهاا ماتمشي وما تاكل شي واذا فطمتها امين تاخذ الكالسيوم لكي تقدر تمشي

ررررررفع

للأسف ما اقدر أفيدج لأن بنتي بعد ضعيفة وكل ما يجي ليها شهيتها تقل عن الأكل أكثر :(

نفس حال بنتي

بس الاخت ام علاوي نصحتني استخدم بدياشور وهو مكمل غذائي
وسمعت ناس واااااااااااجد جهالهم استفادو منه

وقلت بجربه وانشالله ينفع
جربي انتين معاها بعد وانشالله تصير احسن

الله يخليها لك العروسة ..

حاولي تقللي عدد الرضعات في اليوم وبتظطر تاكل ان شاءالله ..

والكالسيوم تقدرين تعوضينها بأشياء ثانية ..

زبادي - جبن - بيض - اي شي فيه كالسيوم .. بس طبعاً مع الرضاعة لأنها ضرورية ..

شكرا عزيزاتي بس مصيبة بنتي انها ما تاكل شي غير صدري
والله قلقانة عليها جدااا

هذي مهاناتنا مع بعض
اني بعد ولدي ما ياكل
وكل ما جا ليه يضعف زيادة
وعن المشي ما مشى الا سنة و3 اشهر بالظبت

طيب قللي رضاعتها
واكليها بيض واجبان واعطيها فيتامين د يساعد على امتصاص الكالسيوم

حبوبه المشي مو من نقص الكالسيوم بالنسبه اللي يرضعون طبيعي هو من نقص الفيتامين دال

أنتي تعطيها فيتامين دال

إذا لا أسألي الطبيب عنها

وطلعليها فالشمس داااايما

وعن الأكل مثل ما قلتي نفس ولدي تماااام معتمد عالرضاعه الطبيعيه

إذا هو أكله قليل أكليه كل ساعتين كمن لقمه يعني بدال الثلاث وجبات خليها أكثر

والله يكون فالعووون

ربي يسلمكم خواتي
اليوم اخذتها الى الطبيب وقال اللثة بنتك كلها مورمة الله يساعدها من الوجع هي لاتقدر تاكل ولا شي
وبالنسبة للمشي قال عندها نقص كالسيوم واعطاني دواء الكالسيوم لمدة شهر اعطيها
واعطاني مشهي
وان شاء الله يجيب نتيجة