ومثل ما خبرتكم قبل معاناتي مع أولادي والألعاب وطبعا اولادي هم اللي كسبوا لأني مازالت كل ليلة اثناء كنسي للصالة اتخلص من الألعاب التالفة والمرمية في انحاء الشقة كافة .
و لقيت لوحة الأحرف بهذا الشكل
هذي جريمة حسن ملا مواقع الحروف خرابيش
وهذا اللي بقى من الحروف ، كمية كبيرة من الحروف ضاعت
والأهم اني طلعت هذا من فم غفران ! !
وهذا عمل من صنع ايدي كنت مسويتنه حق اولادي في موضوع الدروس
وهني جبت لاصق وزينت الصور بالحروف بهذا الشكل
وهذا الجدار اللي زينته بصور أولادي وبعد ما شلت لوحة الفلين اللي كانت موجودة من قبل لأني حسيت
التزيين صاير زحمممة !
وهذا شكل الجدار قبل ما أشيل لوحة الفلين .
والحمد لله قدرت أستفيد من تعليمهم للحروف بشكل افضل بدل ما كان حسن يحط الحروف من غير ما يعرف تسميات كل الحروف الصحيحة ، ومثل ما كلنا عارفين ان الأطفال يحبون يشوفون الصور صاروا كل ما يشوفون صورهم يسمون ليي الحروف او يسألوني عن أسماء الحروف اللي ما يعرفونها.