ولدي مطلع لي قرون

اختي انا ولدي نفس عمر ولدج بعد عانيت وياه من نفس المشكلة كل يوم طايح مكان ويلعب في الكهرباء كان بس امي نصحتني اخذ ألعاب تشغل تفكيره مثل المكعبات والبازل القطار اللي مكانه يمشي ..وبعد خذيت له الخيمة اللي فيها كور ..ارتحت الحين صار يقعد شوي وبعد اشغل له قنوات اطفال مثل براعم والاناشيد في البداية ما كان يعطيها اهتمام الحين صار هو بنفسه يقول لي شغليه .. الله يساعدج

انا ماقول لج لما احط له مكعبات بيقعد يلعب بس دقاسق وبيقوم يركض ويعفس

الله يكون بالعون

حبيبتي
انا ولد اختي كذا وودته لدكتور وقال عنده فرط حركه اذا تبغين شيء يخليه يهدأ بعطيك دواء بس يسبب له بالمستقبل ضعف بالذاكره >>>>ياقوي عينه
ورفضت اختي كلششش
كان مرررره متعبها لدرجه انه مره يلعي وطاح واسنانه الاماميه تكسرت كلها ماعدا واحد !!!! وصار سكله تحفه بس وش تسوي صبرت وتحملت والحين عمره 3سنوات وبدأ يهدأ

بس ودي اقولك شيء يفرحك ((ولدك ان شاء الله بالمستقبل بيصير الاول بكل شيء ماشاء الله لان هالنوعيه اذكياء :) ))
الله يحفظه لك ويهدي طبايعه ويصلحه ولاتنسينه من الدعوات حبوبه


موفقه خير

الله يخلي لج اياه
جربي خذيه له بيت وداخله كور ..
وخذي له الكيبورد اللي يعلم الحروف هو من عمر سنتين بس ممتع
غير عن العاديين يعني يعلمه على نطق الحرف والحروف وكلمه بنفس الحرف ويقدر يعزف موسيقى بالحروف
من مركز التعليم المبكر .. ولا سايسيه يوم قولي لي حبيبي تبي العاب يديده ..
طبعا بيقول لج يس ..
قولي له ما باخذ لك لانك ما تقعد تلعب ..
اذا شفتك تلعب بوديك نشتري العاب يديده ..

وخليه اهو يختار مثلا لعبتين او لعبه على حسب اللي تقدرين
وجربي ..

وخذيه له السياره اللي تمشي وتطلع موسيقى وليتات
ولما تصدم
تنقلب وتكمل طريجها
خل يلاحقها
انا ولدي لين غربلني اشغلها له

الله يهديهم لنا

الله يعينك ويعينا

الحين كل الاطفال جذي يتعبوون بس لازم نصبرر

اهم شي خففي الحلاوة والكاكو لاتعطينه وتحملي

الله يخليه ويحفظه من كل شر

الله يخليه لكي اختي الكريمه
ويباركلك فيه
واستحملي حبيبتي شويه
الاطفال بطبيعتهم كدا

ثلج ونار;14025271:
الله يعينك ويعينا

الحين كل الاطفال جذي يتعبوون بس لازم نصبرر

اهم شي خففي الحلاوة والكاكو لاتعطينه وتحملي

الله يخليه ويحفظه من كل شر

:thumbs_up::thumbs_up::thumbs_up:

كل الأطفااال كذااا وكل من كبر زادت شطااانته ...

انا أحس ولدي مايلهيه لالعب ولا غيره .... بس وش نسوي الله يعين ...

الله يعينكـ أختي ... ومايصير نصير أمهااات بــ بلاش ... لازم تعب والأجر على الله ....

الله يهدي ان شاء الله

اختي اغلب الاطفال هل شكل

انتي لاتاكلينة اشياء اتزيد عندة الطاقة مثل الحلويات وغيرهة

اني بنتي نفس الشي ماتكعد مكان بس من فترة افتحلهة الاب توب وخليلهة اناشيد اطفال تحب تشوف وبعد سجلتهة بالحضانة لان اذا هية موجودة بالبيت مااكدر اشتغل او اطبخ

ومثل ماكالت احدى الاخوات ان شاء الله ابنج من يكبر يطلع ذكي وبعد يصير هااااااااااااادئ

نفس العمل ونفس المشكله

الله يهديه انشاء الله

خليه يلعب مع الاطفال واشتري له العاب حق الذككاء مثل ماقالوا البيوت اللي فيه كور وانتي مثلا حاولي تشتري هاي السيكل البلاستيك وتلعبي معاه انتي شاركيه باللعب اهو صغير تبينه مايلعب ولا يعفس بالله عليج هذا يفهم تبينه يقعد يمج اهو ولد مو بنت والاولاد دوم حركيين

والله كل اللي قلتو لي عنه عنده ماخليت لعبه ماشريتها له مسويه له غرفه خاصه كلها العاب

انزله يلعب مع عيال عمه

اوديه كل اسبوع ملاهي يلعب

ماياكل حلاوه كلش ولا كافي الا نادرا

عادي عندي لو يتشيطن بس مشكلتي اني لما اروح معاه مكان مايرضى يمشي معاي كل يبي يركض بروحه

تيب ليش ماتخلينه ساعات يطلع مع ابوه ترى الولد اغلب الاحيان حتى وهو صغير يعاند الام خلي ابوه يلعب معاه يحمله

هلا خيوتي
كانك تتكلميييييييين عن ولدي ربي يخليه و يحفظه
ولدي بعمر وولدك كااااااااااااااااان حركي بشكل مو طبيعي
الله وكليك ما اقدر اقعد على الارض بس اراقبه من مكان لمكان
و اذا اطلع معها اروه بيت جده مثلا
يرررروح سيده الى كولر الماي وكم مره يصيده الماي الحار اتققوولين يتادب ابددددددددد
و اذا اطلع مكان اتسوق مسسسسسسسسستحيل يقعد في القاري
يركض من محل لمحل

و اني و ابوه
نركض وراه
غير عن اخته كلشششششششششش

كان مريض مره و خبرت الدكتوره
قالت لي الولد طبيعي الف بالميييييييه
الولد ذكي
و اتحسينه اكبر من عمره
هو بمرحله الاستكشاف يبغي يعرف كل شي

و التلفزيون ما يفيده بقدر ما انتي امه اتفيدينه
قالت لي اخذ له مجموعه كتب طفوليه برسومات تلفت انتباه
الى فواكه خضار حيوانات وووو
و اني اقعد معاه

و فعلا اخذت الكتب
و قعدت اعلمه ما شاء لله ما شاء لله عليهم
كان يعرف اسم الحيوان و بعدها اخذت له صوت و صوره
وكان يرقد شوووي

الحين ولدي قريب بكمل الثلاث سنوات
وديته الرووضه
وما شاء لله عليه اتغير شووي
هدا شووي احسن من اول

بتحسسينه كل ما يكبر شوي تتغير شخصييته

اذا بتطلعين معاه برى البيت حاولي تحملين له شي يسليه
كتيب حلو لعبه يحبهاا اكل مفيد فواكه يحبها او بسكويت
اني جذي قمت اسوي لازم احمل له شي
و احاول اسهييه وما اخليه يقوم من القاري
و ربي يهديه و يخلييه ليش ياااااااااارب

كلامج عدل انا الحين بديت احس ان تجذبه الصور يعني في مجلات ولا في كتب

ف خذت له كتاب فيه صور حيوانات

ف الحين اشوفه كل شوي يجيني يقولي ماما ابي سمكه ولا ميو يعني احط له صوره السمكه ولا القطوه

يقعد شوي بس يتملل عقب

بحاول انوع له بشوف ان شاء الله الله يهديه

الله يكون بعونك


بس احس ما فيه اسلوب تتعاملين معه الا لما يكبر شوي