كيف

مرحبا أختي،،،
أنا من رايي تعملي شوية حدود بينكم يعني عشان يبقى الاحترام موجود وبكذا ماتقدر تغلط بالكلام عليك!
أما حكاية الدراسه والغش فهذي بعد سالفه كبيره شوي!
اساسا الغش إثم و منهي عنه بأمر من رسولنا الحبيب يعني يكفي تقولي لها،،،))من غشنا فليس منا((
والحر تكفيه الإشاره.

محبتك في الله: دنياالألم.




‏

الله يعينج حبيبتي

أنا من رأيي تقولين لها : أنتي ليش يايه المدرسه أصلا دامج ما تدرسين ؟

وحاولي أنج ما تنقلينها أبدا لأن الغش حرام وبعد بيني لها أنج متضايقه من تصرفاتها




انا اقول أنج تبتعدين عنها شوي شوي لأني حسيت أنها واااااااايد مهمله وبعدين بتصيرين نفسها

يا سلام على هالصديقة المصلحة افترضي غششتيها في الامتحان وشافتج المدرسة وحطت لج صفر وحطتي من عينها شنو بتفيدج صديقتج

ما يعورج قلبج على التعب اللي تتعبينه والدراسة اخرتها بارز مبرز تفضلي غشي

سمحي اذا انتي تسوين جذي فانتي انسانة ضعيفة وراح تنخدعين طول حياتج مو بس من صديقتج كل الناس راح يخدعونج وانتي السبب

صديقة ما عليه بس كل شي له حد ما خفتي ان وحدة من البنات تفتن عليج اكو فلانة تغشش او معلمة تراقبج

واذا هي تسب فيج على قولتج شمعنى حق مصلحتها تعرفج بالها هالصداقة يا ما تحترمج وتدرس ياما تتركينها لانك مو مسؤلة عنها

لا تغششينها

خلج قويه وقولي لها سوري هذا جهدي بروحي

مشكورين على الردود الحلوة وأنشاءالله أقدر أسوي جذي بس هيه ربيعتي من زمان

حبيبتي قوي ارادتج
من غشنا فليس منا
ولو انها ربيعتج وصديقتج صدق
ما كانت بتسوي جي وبتسب وغيره
وقفيها عند حدها
خلي ما بينكم حدود
ولو قالت لج مره ثانيه ابا اغش منج
قوليلها اسفه انا ما راح اغششج مره ثانيه
تبين تنجحين انجحي بمجهودج الخاص
ولا تسكتين عن حقج ابد ..

ربي يوفقج ياارب

يعني هي تتمسخر عليك .. وتعيب عليك .... وتغش منك؟؟؟؟؟؟؟؟
هذه تعرف انك طيبة وماتقولين لها لاء ولا تزعلين من كلامها ولاتردين عليها ... ومستغلة الموقف


قوي شخصيتك واول شي حطي حدود بيناتكم
ولما تقول لك غششيني قولي لها الله يشوفنا ... ولما تغلط عليك او تجرحك بالكلام او تعيب على بنت عندها نفس عيبك ...قولي لها احسن ما نتكلم عن عيوب الناس لان كل واحد عنده500 عيب وانا ما احب النميمة

الله يهديها .. هذي مصلحجية نمبر ون ....!!

وش تبين فيها هذي ؟ وهي بس تسب فيك وتغش منك بعد ؟.!

والله حالة .....!!!

وقفيها عند حدها اليوم قبل بكرى لا يصير لك مشكلة بالمدرسة وهي السبب .. هي تطلع منها بكل سهولة وانتي اللي تتورطين ....!!!

احمي نفسك منها .. وحاولي تقللي الاحتكاك فيها ..

لو سبت أحد سكتيها ولا تخافين منها .. قولي ترى اللي يعيب على الناس بكرى الناس تعيب عليه ....!!!

واذا على الغش .. ابداً لا تسمعين لها .. لو صوتت لك بالقاعة او حاولت تتكلم معاك .. طنشي .. سدّي أذونك عنها ما كأنها موجوده .. وورقتك غبّيها لا تشوفها بأي طريقة .. ولو اعترضت عليك بعد الامتحان انك ما غششتيها .. قولي لها بالحرف الواحد .. انا اللي اذاكر واتعب عشان انجح وانتي تبين كل شي بسهولة .. ما يحصل ذاكري مثل ما انا اذاكر وتنجحين .. واتركيها وامشي بطريقك .. وخليها فتره تفكر بنفسها باللي صار لها ومصيرها بتعرف انها غلطانة .. وبتجي ان شاءالله تعتذر منك ..

طوفيلها وابتعدي عنها شوي شوي
لسانها طويل وتبا تغش منج بعد
انت هب محتاجتها
خلاص خليها تولي

خيتو لا تعليميها وخليها تعتمد ع نفسها
شكلها ما تمشى وياش الا بس عشان مصلحتها
ام اذا تركتينها وما عششتينها في الامتحانات هيه بنفسها ما بتى وياش الان بجوف
ما منش فايده بنسب اليها
خليش قوى لا تكونى ضعيف في هذا الزما ما في مجال الى الضعف