بعض الابيات تعادل بقيمتها عشرات القصائد ..

ابيات مختارة ..

بعض الابيات تعادل بقيمتها عشرات القصائد ..
وهذه باقة من الابيات الرائعة من هنا .. وهناك .. ..

نأمل ان تنال استحسانكم ..







أنا ماشير بالفرقا ولا أحدّك على المقعاد
.......... تخيَّر في طريق الوصل وإلا درب هجراني

بدر بن عبدالمحسن




من شفايفها .. صباح الخير شكل وطعم ثاني
......... آآآه .. لو تدري وش تسوي صباح الخير فيّا

فهد عافت



كل ما فكرت بأزعل منك واعتب و اتضايق
............... ضاقت الدنيا علي و جيت لك زعلان راضي !


محمد الحويماني




قال أنا كني غريبٍ ضيّع دروب المدينه
................ قلت أنا كني مدينه تنتظر رجعة غريب


فهد المساعد




مااقول عن فعلك و عن غيبتك تب
............. بالعكس .. جرّب كيف تحيا بدوني

غريبة الدار




اعـذر العـقل لامن الجـنون استبـاحك
................. ماعشـقت الجنون إلا على شـان ليلك


فيصل بن طواله



الله إنه يـقـطـع الشـعــر كـان إنـه هـبــل
.................... حطني مـســرح هـبـاله وحبـيـت الهـبـال


مانع القبع




وكان للهقوات باقي بين جزمك واحتمالي
..................... اعرف اني مانسيتك ؟ بس نفسي مرغمه



سعد الدوسري




خليت قلبي معك والله يصبـّرني
............... مبطي وانا اقول قلبي وين خلـّيته !!

عطاالله فرحان



وجهمت اسوق الخطا في الدرب واهذري
........... ( تكفون ياللي خذوا خلِّي تردونه )
أبطى .. و خلّى سؤال ٍ يلهث بفكري
............. مدري يصون الغلا .. مدري هو يخونه؟
ويوم إني أسجّ بين أدري .. وما أدري
........... عقب البطا .. جاء يقول: الدار وشلونه
قلت أنت : دارك هنا .. وأشـِّر على صدري
........... قال أنت : دارك هنا .. وأشـَّر على عيونه

محمد الدحيمي



لاتجبرون الروح غصبٍ وتخويف
............. ماشوف غيـره لاتـقــولون شوفي

البندري البقمي




إيه أنا بنتٍ ولا بي نقـْص منها أو خساره
................ دامِـني بنتٍ لأحمد ، بأفتخر بإنـِّي بنيـّه
عبير بنت أحمد




أبملى العمر بالتوبة .. بنوح و هود و الأحزاب
............ متى كانت سنيني عمر؟ أنا عمري فـ ركعاتي


عبدالرحمن بن مساعد





وهذا حـنا يالـعرب من فقدنا عـزنا
........... وسـلاحنا صـاير حـبر في كتاب ماضينا


تذكار الخثلان




تخلينا عن العـادات واصـبحـنا بلا عـنوان
............ نسـينا اللي مضى واصبح لنا التقليد عـنواني

الأكلبي




كاني خسرت الهوى بأسباب زلاّتي
............ آدم خسر جنـّـته من أجل تفاحه


ولهان –1




ماجيت صادق بالوعد ولاجيت حتى تعتذر
………. الحب جابك بالغلط وشلون حظي أعدله
عنود الساحه



المشاعر يا حياتي لو تشاف
........... كان شفتي لهفتي .. صارت حزن

عبدالرحمن الربيّع





شفتها مثل الجريمه وابتليت ابها بليه
.....................غلطةٍ جيت آتحاشى ظلمها قلت أرتكبها

حامد زيد




أصون حبك وانت تقسى علي ليش
........... أجود لاجلك وانت نفسك منوعه

عكاشه




إلى صفا لك زمانك علّ يا ظامي
......... إشرب قبل لا يحوس الطين صافيها

خالد الفيصل




يقول : بس الزين فيني عيوني
........... واقول أنا هذا بلا بوك يا عقاب !
خالد المريخي




الخجل كنـّه نهب كبريا صمتك نهيب
........... و البراءه كنها ضيف وانت معزّبه

الحرّ




من غلاك الدرب ما يغري مراحه
........... غير درب ٍ لا مشيته .. ينتهي لك

حمد الشطي



لو عيوني غيم و اهدابك محاجر
............ ما ظمى رمشك تحت دمع ٍ بكيته

نايف صقر




أمشّ دمعي في طواريف الأكمام
............... أخاف تسقط هيبتي و احترامي

ابونوت



حظي اللي تمايل مثل عود الجريد
............. لو شرب حظي الما من رداته شرَق

جذاب




أخاصم أنفعل أزعل .. طبيعي ما تواسيني
............ برود أعصابك أتعبني .. قتل طفل الفرح فيني

همس النسيم



فراق الروح وفراقك ترى واحد و هنّ إثنين
............ عشانك أنت روح الروح حياتي .. مابها منــّه


راعي العنود






على اني ما اعرف اقصد ولو اني قليلة ميز

...............( همومي ) تجبر كسور القصيد .. وينولد باقي


الجوهرة