أرحوكم ساعدوني! فرح إسلامي في مصر؟؟؟

انا اعرف يا اختي اماكن كتير كويسة في القاهرة بس ممكن تقوليلي امكانياتك في حدود كام مثلا وعاوزاه في منطقة ايه مثلا
وعلى فكرة ممكن اي نادي تحجزي فيه قاعتين او قاعة تكون ملحقة بجنينة يعني الاماكن كتير بس بتتوقف على امكانياتك

متشكرة على الرد :)

بالنسبة لامكانياتي، لو أقل من 15000 يبقى كويس أوي. أما المنطقة يفضل مصر الجديدة أو مدينة نصر بس عشن أنا desperate ممكن أي مكان  :D

فكرة النادي و قاعة ملحقة بجنينة حلوة بس ينفع في شهر 1؟ خيفة ليكون برد...

انا اسفة اني اتاخرت عليكي في الرد عشان كنت بمتحن بس
ماشاء الله المبلغ ده حلو جدا بصي انتي تعرفي نادي الغابة اللي في مصر الجديدة انا حضرت فيه فرح اسلامي لواحدة صاحبتي وبصراحة كان جميل جدا كان البنات في قاعة لوحدهم وماشاء الله ترابيزات وكراسي مكسية ونجف عالي وكوشة رائعة ولوحدهم ده غير ان القاعة بتطلعيلها بسلم مدور كده وبيبقى متزين من تحت لفوق عشان تتزفي عليه شكله جميل اوي وكانت جايبة فرقة اسلاميه عملت جو حلو ولو عاوزة فرقة تغنيلك وترقصك انا عندي برضوه تلفونات كتيرة
اما الرجال كانوا في قاعة اكبر وبيقولوا عليها احلى بكتييييييييير انا مشوفتهاش بصراحة واسمها القاعة البانوراميه
بالنسبة للأكل بقى كل تربيزة عليها عدد 2 تورته او 3 مش جاتوه وبس ده غير ان العشا كان رز وكفته ودجاج كل واحد ليه وجبة بتيجي لحد عنده

كل ده بقى يا ستي بكام ب 10 الاف
ولو عايزة اي حاجة تاني يا جميل انا تحت امرك وفي عندك مثلا نادي شركة مدينة نصر للتعمير ده برضوه بيقولو قاعاته شيك اوي وبيعملوا افراح اسلامي عادي والقاعتين بالاكل هيكلفوكي اقل من 10 الاف كمان