عادي واذا يعني عشيري هجرني.... ما همني لا هو ولا اللي يقولون

عادي واذا يعني عشيري هجرني .... ما همني لا هو ولا اللي يقولون

كم واحدن قبله وفيت وغدرني .... ما قامت الدنيا ولا صرت مجنون

وان قصدك بالخساره تخسرني .... وان كان قصدك بالعطايا يولون

محدن على ذيك العطايا جبرني .... وشرواي لا منهم عطو ما يمنون

شي خذيته من ابوي وشهرني.... الطيب اللي حي لو كان مدفون

وبالشده اذكر بالرخا من ذكرني .... واجيه انا من اقصاي لا صار مغبون

واتعب على اللي لا جرحته وعذرني .... وامسك عليه اليا خطا كلمة تمون

واشكر كرم منهو عطيته وشكرني .... والله يسامح من خذا وقال ممنون

رح للذي تو ما عرفني وخبرني .... وقله ترى نصار كلمني هاللون

كل الجفا اللي منهم ما عسرني .... صارو معي ولا علي ما يهمون

لي الشرف غير الزمن ما كسرني .... اطيح واضحك له وانا كلي طعون

حتى ولو طيبي ذبحني ودمرني .... اموت لي منه ولا اموت ممنون

صحيح انا طيب وعقلي كبرني .... لاكن اذا ضاقت علي صرت مجنون

مما راق لي
للشاعر المبدع / نصار الظفيري

اتمنى ان تنال على اعجابكم