3 أطفال !

السلام عليكم ورحمة الله وبركاته


كيف حالكم جميييييعا



امممم
اولا
ادري ان صار لي فترة ما ادخل المنتدى مثل السابق ..

ثانيا
حبيت اشكر كل البنات اللي كانوا يبعثون لي رسايل ع الخاص ويسألون عن اخباري ..
واكثر من وحدة كانت تسألني بالذات بخصوص هالموضوع
http://forums.3roos.com/showthread.php?t=505441

وتسألني هل تأقلمت مع الوضع وكيف الامور ماشية حاليا ..


طبعا اولادي الثلاثة كبروا اللهم صل على محمد وال محمد

حسين صار عمره 6 سنوات و9 شهور تقريبا
أحمد عمره 4 سنوات وكم يوم
علي عمره 10 شهور تقريبا

في البداية حصلت صعوبات كثيرة ، خصوصا واني اضطريت اقعد عند اهلي اسبوع واحد فقط ورجعت شقتي وانا احس ان جسمي ما زال تعبان ومحتاج راحة .. وزوجي كنا مخططين انه يطلع اجازة لما ارجع الشقة بس وقتها ما قدر يطلع الا اسبوع واحد يعني تعبت كثيرررر في البداية ..
لكن الحمدلله الامور صارت ابسط مما توقعت وفرحتي بمولودي الجديد كانت كبيررررة :D

ولدي الكبير عدت اموره الدراسية على خير ..
والولد الثاني الى الان ما نحسه يغار من اخوه بس هو بطبعه حرررركي كثير من صغره وهو متعبنا وكل يحب يحمل اخوه ومأذينا وياه وفي شهر رمضان اللي فات غافلنا وحمله وراح به غرفتهم وما سمعنا الا البيبي يصحي ورحنا الا اخوه مطيحنه على طرف السرير وجرح جبينه ونزف دم والحمدلله ان الجرح ما احتاج خياطة :worn_out:

وبسسس
حاليا اعيش ايام حلوة وايام مرة وياهم هههههههههههههه
طبعا الولد الثاني دخلته المدرسة السنة ( KG1 ) والولد الكبير في صف الاول وخليتهم اثنينهم في نفس المدرسة علشان يونسون بعض هههههههه ونص اليوم رايح في تدريسهم :confused:
ومتعبيني من كثر المصارعه اللي يسوونها :thumbs_down:
والولد الصغير حركي بعد وما يخلي ادراج ما يفتحها ولا يخلي الله يعزكم سلة زبالة ما يروح يلعب فيها وكل شي يحطه في بوزه او انه بيقعد يصيح علشان احمله طول الوقت :|


الله يهديهم ان شاء الله ونعيش دايما ايام حلوة وهنية ههههههههههههههه


ايي نسيت اقول
بعد ولادتي امور كثيرة تيسرت وكان وجه السعد علينا والله رزقنا من حيث لم نحتسب وما بننسى هالشي واللي بيكون مصدر تغييير كبيييير في حياتنا ان شاء الله ..




ان شاء الله تكون تجربتي مفيدة للامهات الجدد :o

والحمدلله رب العالمين على كل حال ..