لا تقولولي روحي عند الطبيبة

o

om hind

عروس جديدة

06-09-2003 | 07:28 PM

مرحبا بنات...

والله بنات من ربيت وانا اعاني.......
هذي قصتي ارويها لكم..بعد اسبوعين من الولادة حسيت بالالام في منطقة الشرج..فشكيت انه البواسير... ورحت عند الدكتورة وقالت لي مو بواسير...والله ما اخبي عليكم فرحت وايد لأني كنت خايفة ...المهم ما طاع الالم يروح واستحملت شهر ونص وبعدين رحت عند طبيبة ثانية وقالت لي من قوة الزفرة وقت الولادة استوالي شرخ في منطقة الشرج- الله يعافي السامعين- المهم عطتني دواء بس بعد مافي فايدة...انا الحين صار لي 4 اشهور اعاني................والله اتمنى القى الحل ...

ويزاكم الله الف خير...

ر

راميا

عروس نشيطة

07-09-2003 | 01:22 AM

حبيبتي لازم تروحين الطبيبة لان قريبتي كان عندها شرخ وسوت عملية والحمد لله تعافت وحملت ولاحصل له الاكل خير:o

ن

نور الهدى

عروس ماسية

07-09-2003 | 03:44 AM

أختى الغالية اشلون ما انقول لج اتروحى على الطبيبة

ما في حل غير أنك تروحى

علشان ما يزيد الأمر

وأهم شي في وضك أنه ما ايكون عندك امساك

لأن الأمساك راح اصعب الأمر

f

fatma

عروس ماسية

07-09-2003 | 10:32 AM

الله يشفيج ويعافيج اختي وطمنينا عليج :pain:

م

مرموم

نائبة المشرفة العامة

07-09-2003 | 05:05 PM

أختي om hind...

أنا عارفة إنو الواحدة بتفكر ألف مرة قبل ما تروح عند الدكتورة...

و الله صعبة على الواحد إنو يكشف نفسه قدامهم هيك...

لكن هي بتشوف أكتر من 30 واحدة في اليوم...و هادي هي وظيفتها...

و ساعات لما نروح عندها بعد ما الحالة اتأخرت نندم و نقول ياريتنا كنا رحنا من الأول...

نصيحتي لك توكلي على الله و فوضي أمرك له...لأنه كمان الله ما يرضى إنك تهملي في صحتك...و هادي نعمة راح يسألك عليها...

طمنينا عنك...

تحياتي...

K

KiM

مشرفة سابقة

07-09-2003 | 05:42 PM

صديقتي صارت لها نفس الحاله
وشكت في البدايه أنها بواسير
وماطلت أربع سنوات وهيه تبكي أحياناً من شدة الآلام
وبعد طووووووووووول محاولات الأقناع
زارت الطبيبه
وأخبرتها بأنه شرخ في فتحة الشرج
والحل الوحيد هوه "عمليه"
وفعلاً قامت بعمل العمليه
وصار لها ألحين 6 شهور من عملت العمليه
وصارت تقول لو كنت أدري أني برتاح كذا
كان عملت العمليه من زماااااان

ب

بنت ابوظبي

عروس نشيطة

07-09-2003 | 08:11 PM

حبيبتي توكلي على الله وسيري عند الدكتورة كاميليا .. شغلها نظيف وبترتاحين ان شاء الله

n

nadaziz

عروس جديدة

07-09-2003 | 08:39 PM

الاخت أم هند تحياتي لك أنا والله عانيت نفس الشي لكن الله
يجزاها الف خير وحدة دلتني على دواء رهههههيب من مكونات
طبيعية 100% مرةوزيت زيتون واشياء اخرى ماادري وشي ابسألها
انشاء الله.....والحمدلله بعد استخدامه لمدة 4 ايام راحت تماما..أصلا هي اللي تسويها لكن لانك بعيدة انشاء الله ترضى تعلمني اياها لانها تسويها وتتصدق فيها حتى ماترضي تبيعها.........؟؟؟؟

o

om hind

عروس جديدة

08-09-2003 | 04:48 PM

اشكركم كلكم على الردود الطيبة والتشجيع...واعتقد اني قررت اسير عند الدكتورة ....والله كل خوفي انها تقول لازم عملية...بس شو اسوي اذا كان هذا هو الحل الوحيد....

اختي nadaziz اتمنى انك تييبين لي الطريقة..... وسلامة ممكن تقول لي وين عيادة الدكتورة كاميليا؟؟؟...

المهم بنات...ما اطول عليكم
دعااااوويكم معايا ...وان شاء الله بطمنكم...

ويزاكم الله خير....

ب

بنت ابوظبي

عروس نشيطة

08-09-2003 | 05:25 PM

عزيزتي ... شلي عنج الخوف وتوكلي على الله سبحانه وتعالى.
الطب والعلاج مافي منه مستحى وخجل ... وهالأطبا شايفين كل بقعة في جسم الانسان وما تفرق عندهم اذا وعالجوا مريض :) المهم انتي بشرينا عنج ..

عيادة الدكتورة كامليا فوق الهيبر ماركت الطابق الثاني .. وتلفونها هو 026330440
حاولي اتسيرين الصباح من وقت ... او بعد الظهر تكونين هناك الساعة خمس الا ربع .... ليش .. انا اقولج ... دائما اول ما تفتح العيادات .. وحتى الاسنان مثلة .. تكونين انتي متطمنة ان الادوات معقة ونظيفة لانج اول وحدة تدخل ... وبعد يكون الطبيب توه فرش ومزاجه رايق ... ونفسيته مرتاحه.. وبعد عشان ما تنتظرين وايد :)

حبيبتي ربي يعافيج ... ويريح بالج

اختج سلامة