ابروح لبريطانيا ارجوكم ساعدوني

مافهمت :eek:
شالمطلوب بالضبط

السلام عليكم..

الغاليه.. اهم شي تعرفين شو الجو في الفترة اللي بتروحينها.. يعني اذا برد خذي ثياب للبرد.. واذا حر.. طبعا لبس للحر.. :)

خذي معاج عبايات تكفي. يعني 2 او 3.. اذا تلبسين عبايات هناك..
اذا حجابات.. خذي الوان مختلفه غير الاسود.. يكون افضل..
خذي معاج ثياب.. تكفي للمدة اللي راح تقضينها.. بس اذا كانت مده طويلة .. خذي الاشياء الاساسيه... بناطلين جينز.. وتنانير.. وهالاشياء الاستهلاكيه.. اللي تقدرين تستخدمينها وايد..
وعليج بالقمصان القطن.. والصوفيه في حال البرد.. :)

للعيال.. اتأكدي انج تاخذين لهم ثياب متنوعه.. خفيفه وثقيلة.. (اكرر على حسب الجو)

جاكيتات.. اهم شي.. خذي جاكيتات لج وللعيال.. :)
ودلاغات.. كثري منهم.. مفيدين وايد في البرد..
الاحذيه لا تكثرين .. خذي احذيه مريحه جدا جدا للمشي.. ترى في بريطانيا حلات المشي.. وطبعا ما يهتمون بالكشخه هم.. يعني احذيتج واحذيه الاطفال خليها مريحه جدا.. للمشي..
مادري اذا قدرت افيدج بشي.. :)

واذا في اي شي ثاني.. انا حاضره. وانا اذا اذكرت شي بخبرج..

اشكرك اختي ملاك الامارت

لكن انا مااعرف الجو يمكن راح اروح في رمضان او شوال وراح اجلس هناك سنه بالنسبه للحجاب راح البس حجاب كامل ان شاء الله والملابس ساتره وان والحمد لله ماالبس بناطيل ولاضيق ولا عاري ولافتحه ملابسي (ســـــــــــــاتره) ان شاء الله
سوى في بلادي او اي بلاد اخرى

ابغك تفيديني في المنطقه واللباس والجو والناس والعيشه

اسم المنطقه( بورمنث)



الله يعافيكم ساعدوني :confused:

اختي في الله حفيدة اسامه
انا اقيم الان في بريطانيا والتزم بحجابي الشرعي كاملا ومعي الكثير من الاخوات ولله الحمد نرتدي العباءه السوداء والنقاب وبامكانك ارتداءاي لون
اخر ولكن يفضل ان تكون من الغوامق كالكحلي والبني والزيتي
وبالنسبه للملابس ففترة قدومك رح تكون في عز الشتاء لذلك انصحك بان تكثري من الملابس الشتويه ومعها الجاكيتات (واحد يكفي لكل فرد عشان ما يعفش عليك واذا احتجت لزياده فالاسواق مليانه بكل الالوان والموديلات حتى في السوبر ماركات يبيعوها)

وانا قلتلك كثري من الاصواف والاقطان بالنسبه للملابس الداخليه عشان الشتاء عندهم طويل جدا يستمر قرابة 9 شهور ولو تشتري من هنا احسن سواء ملابس او احذيه لانك رح تلاقي تشكيله واسعه وبكل الاشكال والالوان ارجو اني اكون قد افدتك والسلام ختام

السلام عليكم اختي..

الاخت المغتربه ماشاء الله افادت الكثير بما انها هي في بريطانيا..

انا اختي ما سمعت عن هالمنطقة اللي قلتيها..
بس بيكون شتى اكيد في هالوقت..

واعتقد مثل ما قالت اختي المغتربه يفضل انك تشترين من بريطانيا..
خذي الاشياء الاساسية المهمة من هنا.. والباقي من هناك اذا احتجتي اي شي.

فصلي لك جلبابات سودا والوان اخرى ساترة.. راح تفيدك كثير هناك.. :)
وكثري من الحجابات.. واذا انتي منقبة خذي نقابات معاج.
وللاطفال كثري لهم الثياب الشتويه عن البرد ..

شوووو بعد؟؟؟

مادري اذا اذكرت شي بخبرج الغاليه.

أختي حفيدت اسامه

كل شي راح تحتاجينه تقدرين تاخدينه من هناك حسب أحتياجك

هناك حتى صيفهم بارد وأنتي رايحه بعز الشتا

فلازم تكثرين اللبس الشتوي

وأحسن تاخذين لكم جاكيتات (جلد) أو الأقمشه إللي ضد المويه

وتكون بقبعات

لأنها هناك تمطر على طوووووول

يعني راح تحتاجون مظلات بعد

بس هذي أكيد راح تاخدونها من هناك

طبعاً بتلاقينها في كل السوبرماركتات

يعني أي يوم وأنتوا طالعين تقدرون تشترونها

طبعاً الجزم أخذي جزم رياضيه

لأنها مريحه وعشان تلبسونها مع جوارب عن البرد

وأخذي قبعات صوف لعيالك

أذا عندك بيبي خذي له عربيه

واذا تحبي تاخذيها من هناك عشان أخف لك في الأغراض إللي راح تسافرين بها

الحجاب بعد تقدرين تشترين أيشاربات من هناك

بس أفضل أنك تاخدينها من هنا على حسب آلوان لبسك

وعلى فكره أحس الملون والألوان الفاتحه في الحجاب هناك أفضل

لأنها ما تلفت أنتباهم لك كثر الأسود والألوان الغامقه

ولا تنسين سجادة الصلاة والقرآن

والله يوفقك وتروحون وتردون بالسلامه يا رب

جزاكم الله خير ووفقكم الله

واشكرك اختيKiMعلى تذكيرك لي بالقران وسجاده الصلاه والقران

والله يوفق الجميع لما يحبه ويرضاه........
اختي المغتربهم مادري بالنسبه للمنطقه الي انتي تقيمين فيها قريبه لمنطقتي (بورمنث)

علميني الله يعافيك علشان استفسر منك على الي في بالي:confused:

الاخت حفيدة اسامه
انا اقيم في مدينة ليستر وللمعلوميه هذه المدينه يقطنها كثير من المسلمين وبها عدة مساجد ولله الحمد اما المدينه اللي ذكرتيها فلا اعرف عنها شيئا لكن رح اسال لك عن مدى بعدها او قربها من مدينة ليستر واوافيك بالجواب ان شاء الله

الله يجزاك خير ولاتتاخرين علي انا بانتظارك:( :( :confused: :confused:

السلام عليكم
اذا كنت تقصدين ان المدينه اللي بتروحين لها هي مدينةbournemouth
فكل اللي اعرفه عنها انها في جنوب لندن ومطله على البحر يعني بعيده مره عن المدينه اللي انا ساكنه بها وهذا كل اللي اقدر افيدك به لكن اذا الاسم مش صحيح اكتبي لي اسم المدينه بالانجليزي عشان اقدر احدد موقعها بالنسبه لمدينتي وشكرا

والله اختي اتوقع هي نفس المنطقه الي كتبتيها


زوجي الان ليس موجود حتى اتمكن من سؤاله

لكن بحثت في الاوراق وجت الاسم نفسه


لاني سالت احد الذاهبات معنا فقالت انها بورمنث فلا اعلم هل نطقها سليم او لا فااتوقع انها نفس الاسم الذي كتبته;) ;)

كم المسافه بينا؟
وانتي اي منطقه؟
وهل العرب كثيرين؟
وهل منطقتكم اكثر سياحه من المنطقه التي ذكرتيها؟
والله لايهينك تسالين لي عن الجو هناك في رمضان؟ وش احسن منطقه
.نتمشى فيها ايام الاجازه؟
ومعليش اختي تعبتك معى؟
وان شاء الله تقومين بزيارتي بعد قدومي لبريطانيا؟





اختك(ام عبدالله)







:cool: :cool: :)

اختي ام عبدالله
بالنسبه للمسافه اعتقد انها اكثر من 500 كم وانا سبق لي ان ذهبت الى مدينه مجاوره لها للسياحه وان جيت للحق بريطانيا كلها للسياحه الطبيعه فيها خلابه وبها اماكن كثيره جدا تستحق المشاهده لكن قد تحول برودة الجو من الاستمتاع بها فالبرد صاقع هنا وفي كل انحاء بريطانيا وهم ايضا يغلقون الكثير من المنتزهات المشهوره حتى نهاية الشتاء الطويل ولكن هناك شركات تملك منتزهات جميله وبها كرفانات للاستئجار وتعطي خارطه لكل المواقع الجميله التي يمكن زيارتها حول هذا المنتزه اما عن وجود عرب هناك فلا علم لي بذلك ولكن يبدو لي انهم قليلون جدا لانا كنا نلفت انظارهم جدا بحجابناهههههه عموما اذا باستطاعتكم النقل الى مدينه اخرى يكثر فيها العرب والمسلمون فانصحكم بليستر اومانشستر او نوتنجهام او برمنجهام ارجو ان اكون قد افدتك والسلام عليكم

السلام عليكم ورحمة الله وبركاته
شكراً لك اختي الكريم على هذالااستطيع ان ابتعد عن مدينه بورمنث لان زوجي ملحق هناك

السلام عليكم ورحمة الله وبركاته ولا تنسي البوصلة و طباعة مواقيت الصلاة من الإنترنيت لمدة سنة وذلك قبل السفر , أيضا عليكي أخذ الأكل الغير موجود هناك وهي الأشياء الخاصة بنا كالتمر و البهارات والقهوة العربية و الأرز (اذا كنتم تحبونه) و القرصان الناشف والجريش وحافظة شاي صغيرة (زمزمية) وصابون قليل و ولكل طفل لعبة معة في الطيارة عشان ما يزعجونكي وأكل لهم في الطيارة لإنه يمكن ما يعجبهم أكل الطيارة ولا تنسي فرش الأسنان والمعجون وبعض الأدوية اللازمةمثل خافض الحرارة (فيفادول) وكريم جلد مسكن للحساسية و بنادول وأي علاج تستخدمينه مثلا للربو لا تقولين إني موسوسه و لكن هذا من تجربة لانة في الأيام الأولى ما يعرف الواحد وين يروح لأي مستشفى خصوصا إنه عندهم التأمين الطبي. وكاميرة القيديو لإنها أيام ما راح تنسينها وأيضا خذي محفظة هلل معاكي أي محفظة فلوس معدن لأن أكثر تعاملهم بالهلل وإذا تذكرت شي راح أقول لكي وأنا ما أريد إلا الدعاء لي .