من الغلطان

مرحباااااا بنات مااطول عليكم

من شوي كنت قاعده البس بنتي كنا بنطلع انا وزوجي واولادناا المهم جا علق على لبس بنتي وقال ليش يعني كل ماتبين نطلع حتى لو طلعة عاديه لازم تلبسينهااا ثياب اوفر كشخه انا عاد من التعب والقهر قلت له بصراخ يعني ماتبيني البسهااا شي عدل لما يصغروون عليهاا وتميت معصبه واقول حجي بخفيف بحيث هو مايفهم واخر شي من القهر قلت له بروحي هالايام مو طايقتك خير شر(( طبعا هالشي مو صحيييح احبه والله احبه )) المهم هو تنرفز من الكلمة الاخيره وطلع بره انا خلصت تلبيس بنتي وحسيت اني غلطت فرحت له بحضنه توني بس قلت عمري سوري الا انفجر فيني يصارخ انا تسبيني ليش اصغر عيالج نزين بصووووت عالي كلش واحنا مو عايشيين بروحنا مع اهله في البيت يعني اكييد سمعوه الصراحه اول مره يهيني بهالطريقه واخر شي طلع وقاعد عند امه في صالتهم صار له الحين 3 ساعات شسوي وياااه امه كل حين تجي عندي وتقول لي الله يهديكم زين جذي يعني ماكان له داعي لصراخ صوب الناس

والحين هو مازال قاعد بره عندهم مو مفتكر فيني شسوي ساعدوني :'(:'(