متملله من زوجي عديم الاحساس

حبيبتى اللهم سخر قلب زوجك لكى دون عن نساء العالم وحببه فيكى ويعطيكى كل الحب اللى تريدينه.انا غير متزوجة لكن بدعيلك من قلبى ربى يريح قلبك عن قريب.

كلهم الرجال كدا في بداية الزواج ياحلوهم وبعدين شوفي ايش سووا
وبالنسبة لمسكة الايادي في الشوارع والبحر ماااتوقع الرجال يسووها يخافوا من الهيئة عند البعض الحركات هادي في الاماكن العامة معناها علاقة غلط لكن لمن يمشي مبوز وانتي تلحقي وراه على طول يعرفوا انو زوجك بطلي الرومانسية فترة في حياتك فترة وشوفي يحس بتغيرك عليه والالا واذا فاتحك قوليلوا اللي في نفسك كله والله يوفقك وان شاء الله يتغير

ماقدر اقولج خيتي غير الله يعيييينج
ويهديييه لج ويسخر قلبه

حسيت ان زوجك مختلف عنك يمكن هو يعاملك كذا بسبب البيئة الجافة اللي عاشها

لا تنسين بالذات اهل الخليج والسعودية نادرا نشوف زوجين يمسكون يد بعض حتى بعض الازواج يقولون عنها عيب وكثيرين من الازواج مو بس زوجج ينسون عيد زواجهم وعيد ميلاد زوجاتهم وياريت على جذي بعد حتى كلمة طيبة ما يقولها

وايد بنات مشكلتهم مثل مشكلة زوجج بعضهم ما يأسوا حتى لو ما ذكرهم بشئ هي تحاول وتحاول تقول يمكن يتغير والبعض يأسوا وخلوا ازواجهم على راحتهم واللي تعودت على اسلوب زوجها سوت والا ما سوت نفس الشئ

يا عمري لا تضايقين روحج واضح زوجج ما يحب هالاشياء ويعتبرها رسميات مثل الهدايا ومسكة اليد دام انج تعرفين ان ما يحب نصيحة لا تجبرينه حلوة تجي منج انتي دائما الرجل يحب زوجته تكون سابقة للرومانسية

طبعه جذي وما راح يتغير وصدقيني لو غصب نفسه مو حلوة لان راح يبين انها تصنع مثل ما جاب الهدية وانتي زعلانة في بيت اهلك مو من نفس خاطر وكان واضح التصنع

هاذي الحياة الزوجية المرأة تكون الضحية وهي اللي تضحي صيري احسن منه واذكريه واغرقيه بالهدايا حتى لو ما جاب شي ولا تذكر يكفي ان زوجته حبيبته تذكرته لا تدققين وايد في تصرفات زوجك خلي الحياة تمشي كذا بتعبين الا سواه الا ما جاب الا والا , من عرفتيه وهو كذا حاولتي ما فاد يعني تزعلين وتتضايقين وانتي توك صغيرة بالعكس عيشي حياتك وفرفرشي

اكيد في اشياء حلوة في زوجك استغليها اذكري ايجابيات لا تذكرين السلبيات

عزيزتي .حبوبة البحرين الحلوة ما قصرت .يختلف الرجال عن بعض فيهم الرومنسي والجدى وفيهم اللي ممشي ع النية .طولي بالج وبين فترة وفترة ذكرية باي مناسبة وبدون مناسبة وذكرية بس بدلع .الله باكر اخر الاسبوع شوة بتهدينى .شوة رايك اعشيك لو بتعشيني.اذا قال عشية شوي سندويشات وقوليلة تعال نطلع بناكل برع مل تعطينة مجال يكسر من عزيمتج.انتي تقدرين تطلعينة وتغيرينة.ولدج ع ما تربينة وريلج ع ما تعودينة

شوفي حبيبتي ان الرياييل طبيعتهم مب مثل الحريم الرومانسيه يعتبرونها كلام فاضي مشي حياتج من غير هدايا وشكلج ما عندج عيال عشان يملون حياتج الله يرزقج بالذريه الصالحه ان شاء الله وبتشوفين حياتج كلها تغيرت

حبيبتي ليش الزعل؟!!!!

لازم تقتنعي ان اغلب الخليجين كذا

مش الكل لكن الأغلب

عندهم الرومانسيه شي فاضي ومامنه فايده

وموجود حتى عند النساء وبكثرررررره
كثير نساء هاملين ازواجهم ومايسمعو اي كلمة حلوه
والزوجه الي كذا غصب غصب غصب اولادها يصيرو مثلها
لأن الأم هي الي تربي وعليها المسؤليه الكبرى
وبعد مايكبرو الأولاد ويتزوجو تشوفي نفس اسلوب البيت الي عاش فيه يعيشه في بيته

فمايهتم لا بكلام حلو ولا برومانسيه ولا ولا



بعكس الطفل اذا عاش في بيت مليء برومانسيه حب

تشوفيه ينعكس عليه تماما في بيته بعد مايتزوج

وابسط مثاااال

عندك السوريين

كلهم لساااانهم واااااااحد ينقط عسل

حتى لو مو من قلبهم بس هم تعودو على كذا

ليش؟

لأن مجتمعهم تربى كذا بخلاف الخليج كل شي عيب وممنوع من الصغر


........


اذا انتي مهتمه كثير فيه لدرجة انه يضيع بدونك

اقطعي الإهتمام و الدلال فترررررره لمدة شهر

وراح يفقد الدلال ويبدأ يلاحقك بحثا عن الاهتمام

واتفق مع الاخت بحرينيه حلوه وحساسه حيل

.....

مثلا لو تابعتو فلم و البطل قبل حبيبته قولي له ياحظها

قبلها حبيبها

لو اهداها هديه قولي الهديه من الحبيب لها طعم ثاني وترد الروح

ابغى هديه بوفلان هي مو احسن مني حبيبها يعطيها وتستانس

حتى انا ابغى استانس مثلها بهدية حبيبي

ادخلي معاه بها الطريقه


لا تدخلي معاه بطريقة انت ماتهديني انت ماتسوي لي

انت ماتحبني انت و انت وانت

.........


ولازم تقتنعي بإنك لاتنتظري مقابل من زوجك

يعني بتسوي شي بتهديه بتعزميه اعزميه لراحتك ووناستك

لاتعزميه حتى يحس على دمه ويعزمك لأنك راح تنتظري العزيمه منه

وهو موحاس بشي و بتحترقي مليوون مره وهو مستانس مايدري عن شي

..........


بخصوص المول زوجي مايحب ينزل المول

اذا نزل بضغط مني اطلع متضايقه

بسبب تعليقاته وعدم اهتمامه اذا طلبت رأيه

فيفضل انه ينتظرني في السياره او يروح يخلص له كم شغله

ويرجع يآخذني
........

لاتخافي اذا وصلتو فوق الخمسين هو الي بيتفرغ لك

وبيشبعك من الكلام الحلو وبيتلزق فيك

عندي جدي وجدتي اكبر من ال 60 اعمارهم ياعيني

وخبرك زمنهم ماكان في كلام حلو

والحين جدتي فديتها تقول لزوجها ( تئبرني ) عن حساب سوريه

ويضحك جدي عليها و يمشي وهو مستانس ههههههههه


......

بخصوص الشك اي زوج في الدنيا مايقبل زوجته تشك فيه

لازم تعطيه الثقه

الا اذا حسيتي ان في شي وعندك دليل

هنا تعطيه الثقه با الظاهر بس من وراه

استبحثي وراقبيه

فلا تهدمي ثقتكم تحت الشك الله يسلمك

كل الي يريحك ويحسسك بسعاده سوووويه لنفسك

قبل لايكون لزوجك حتى انتي ترتاحي وتعيشي حياتك

انا برده كده مع جوزى دايما اجيبله هدايا بدون مناسبه و هوه فى اغلب المناسبات مش بيجيبلى اى هدايا و يقولى بس كل سنه و انتى طيبه.فى الاول كنت بزعل منه لكن بعد كده مبقيتش اهتم ولما باخرج معاه و بشوف حاجه تعجبنى بقوله اشتريلى دى و هيه دى هديتى اللى انت نسيت تجيبهالى و لقيت رده انه كان عايز يجيبلى هديه بس هوه بيحتار و بيبقى مش عارف يجيب ايه. بعد الجواز كل الرجاله بتتغيرو مبيبقاش فى رومانسية زى ايام الخطوبة يمكن لا نه خلاص اتعود انك موجوده دايما معاه فمبقاش يتعب نفسه فى انه يحاول يكسب رضاكى . متزعليش و الحمد لله أن مفيش مشاكل كبيرة بينكم . ربنا يقرب بينكم و يسعدكم يا رب

طيب معليك منه هذاهم الريجيل
لا تروحين اتقوالين ليش كذا وكذا
اتركيه يسوى الى يبيه ونتى طنشيه و
الله اليتبعك وكثرى من الاستغفار
والله التغير كثير وحرام نضلايمتهم
والله عندهم محاسن كثيره

كأنك تتكلمي عن حالتي والله حاسه فيكي وباللملل والروتين اليومي مهما احاول اغير بالنظام اليومي مافي فايده لكن الفرق اللي بيني وبينك اني اكتشفت السبب اللي مو مخليه يحاول انه يكون رومانسي معي ويتذكرني بهديه في أي مناسبه تمر علينا هو ان زوجي طلع اهتمامه وكلامه الحلو لغيري وعاطفته كلها لوحده ثانيه واجهته وانكر لكن حسبي الله ونعم الوكيل احاول اشغل نفسي مع اولادي واي شي ثاني غير التفكير فيه يمكن تقولي هذا استسلام وضعف مني لكن من تجربتي ماراح يتغير والله يسخر لك زوجك يارب ويجعلك قرة عين له

أحسن حل ...

ان ماتطلبي منه شي ابداااا .... وسوي نفسج مو مهتمة ... وانتي بعد لا تجيبين له شي وشوفي بيحس في فرق

صدقيني اذا طلبيتي شي من الريال بيعاند ماعرف ليش في ناس جذي

حبيبتي الله يحننه ويرق قلبة لج بس والله لو فكرتي او استمعتي ان في حريم ازواجهم مايسمعونهم كلمة حلوة مابالج هدية ؟؟؟؟؟؟
انا اعرف وحدة اول ما تزوجت اتفكر اشلون تسوي ليلة رمانسية او تعزمة على طلعة حلوة نهاية الاسبوع ومرة حجزت في فندق وغير الهداية في عيد الميلاد اوووو وهو ولا اهنية الاخ مطنش مرة يقول حرام يوم الميلاد ومرة نسى لين صدمها و قال لها بلا خساير احنة متزوجين ونحب بعض بلا هل مجاملات الحين بطلت وتعبت منة تطلع مع خواتها او خوات زوجها مرة تعزم ومرة تنعزم او تروح السينما مع صديقاتها وهكذا تقول لو زعلت ما يهمة ولا يطيب خاطري بهدية او عزومة بسيطة فقالت بونس نفسي وهو ما يمانع من خروجها مع خواتها او اخواته هو او صديقاتها يعني زوجك افضل من ازواج اخرين

يلا اختي هونيها و تهوون حمدي ربج ما بينكم مشاااكل تضيق الخلق و خلافات .. ان على الهدايا .. الهدايا ما تعبر عن الحب و الاهتمام ..
اهم شي قايم فيج و مو مقصر عليج بشي و لا باخل عليج بشي ..
و يعطيج حقوقج خلاص شتبين اكثر من جذي ..
و ان على الحب و الاهتمام ، اغلب الخليجين جذي دامج خذتي خليجي الرومانسية نااادرا ان بتجوفينها برره ..
اهم شي يعاملج باحترام و حب دااخل البيت و الراحه النفسية هاي اهم شي ..
بره البيت مو مهم اهم شي ان يطلعج حتى لو قلتي ما ينزل وياج السووق اهم شي اهوه الي يقضي مشاويرج ما يقطج على غيره .. !!
و انتي لا تقطعين الحب و الاهتمام و الرومانسية له ، الرياال يحب المرة اهيه الي تبادر بهالشي ، الريال مثل اليااهل يحب يتدلع و يدلعوونه ..

و الله يوفقج وياه ان شاء الله حباابة :)

ماعندي كلام زايد على كلام الاخوات ماقصروا ربي يعافيهم بس ادعي لج من كل قلبي ربي يهديه ويسخره لج الظاهر انتي وايد رومانسيه الله يعينيج يارب ويهدي زوجج ويحس بقيمتج

الله يعينك انشاءالله ويصبرك والله مني عارفه أش اقلك على هدولا الأزواج يلي يرفعوا الضغط ويتعبوا النفسيه
أه أه انا بأعاني من نفس المشكله والله زوجي نفس زوجك وعلى اكتر كمان
في البيت مايقعد معايه ولايتكلم معايه الا في نطاق الطبيخ والتنضيف يعني بأختصار شغاله أنا أحس نفسي شغاله لانو حياتنا متوتره دائماااا من كترة المشاكل عشان كده أحس مافيه بهجه ولا أستقرار نفسي يختي حتى الكلمه الحلوه يستكتروه علينا رغم أنها تعنيلنا الكتير وتقوينا وتفرحنا لكن أش نقول على قولك ماينقصنا شي ولله الحمد
رغم اني زيك فرفوشه مررره ومسالمه وعلى نياتي بس زوجي نفس زوجك جفاء وجمود الله يعينك ويسخر زوجك لكي ولي يارب ولكلي زوجه
حسيت انو حياتك تشبه حياتي مررره بس انا عندي اطفال صغار
انا برضو كاتبه مشكلتي في نفس الصفحه ههههههه بأسم المشاعر الصادقه
ايوااا او في حاجه ذكرتيها انا دايماا أفكر فيها وحارقه قلبي أني لساعي في عز شبابي وصغيره وكأننا عجايز كل مين يقعد لحالو ولافي بيننا اي أمور حلوه نتشاركها فمنجد الواحد مقهور على عمرو يلي بيعدي من غير أحاسيس حلوه
الله يحنن قلبو عليكي يارب

حبوبة البحرين الحلوة;13988950:
حسيت ان زوجك مختلف عنك يمكن هو يعاملك كذا بسبب البيئة الجافة اللي عاشها

لا تنسين بالذات اهل الخليج والسعودية نادرا نشوف زوجين يمسكون يد بعض حتى بعض الازواج يقولون عنها عيب وكثيرين من الازواج مو بس زوجج ينسون عيد زواجهم وعيد ميلاد زوجاتهم وياريت على جذي بعد حتى كلمة طيبة ما يقولها

وايد بنات مشكلتهم مثل مشكلة زوجج بعضهم ما يأسوا حتى لو ما ذكرهم بشئ هي تحاول وتحاول تقول يمكن يتغير والبعض يأسوا وخلوا ازواجهم على راحتهم واللي تعودت على اسلوب زوجها سوت والا ما سوت نفس الشئ

يا عمري لا تضايقين روحج واضح زوجج ما يحب هالاشياء ويعتبرها رسميات مثل الهدايا ومسكة اليد دام انج تعرفين ان ما يحب نصيحة لا تجبرينه حلوة تجي منج انتي دائما الرجل يحب زوجته تكون سابقة للرومانسية

طبعه جذي وما راح يتغير وصدقيني لو غصب نفسه مو حلوة لان راح يبين انها تصنع مثل ما جاب الهدية وانتي زعلانة في بيت اهلك مو من نفس خاطر وكان واضح التصنع

هاذي الحياة الزوجية المرأة تكون الضحية وهي اللي تضحي صيري احسن منه واذكريه واغرقيه بالهدايا حتى لو ما جاب شي ولا تذكر يكفي ان زوجته حبيبته تذكرته لا تدققين وايد في تصرفات زوجك خلي الحياة تمشي كذا بتعبين الا سواه الا ما جاب الا والا , من عرفتيه وهو كذا حاولتي ما فاد يعني تزعلين وتتضايقين وانتي توك صغيرة بالعكس عيشي حياتك وفرفرشي

اكيد في اشياء حلوة في زوجك استغليها اذكري ايجابيات لا تذكرين السلبيات

انا مع رأي الاخت, الطبع يغلب التطبع وانتو عايشين في مجتمع يحرم على الرجل اظهار اي مشاعر رومانسية لزوجته امام الناس ولو حتى انه يمسك ايدك امام الناس

انا رأيي استمري في المعاملة الحسنة لوجه الله وادعي ربك يحنن قلب زوجك عليكي

بالتوفيق حياتي

اهمليه لفتره وراح يرجعلج

ما قلتي شي غريب .. ترى معظم الرجال الشرقيين جذي.. ونادرا ما يكون العكس.. والرجل عموما طريقة تعبيره عن مشاعرة مختلفة .. هذا ان عبر

واحنا معشر النساء صعب نفهمهم.. ولكن علينا ان نقبلهم كما هم ونحاول ان نتفهمهم..واكيد في مواقف في الحياة تظهر هذه المشاعر بطريقة او اخرى..

اقول لج احسن شي لا تجعلي زوجج الشغل الشاغل وانشغلي عنه لتحصلي على اهتمامه