السلام عليكم
انا مني صغيره يعني تجاوزت ال32
دائما والحمد لله احلامي حلوة وبيها بشاير خير وحتى الناس كمان تشوفني برؤيا حلوة
مشكلتي جزئين
اولا انا اي شخص يتقدم لخطبتي تتعسر اموره او يصير شي مابيخلي الموضوع يتم وكنت اصلا مااهتم واعتبره مسالت نصيب
بس الموضوع زاد انه اي شخص يكون ناوي يتقدم تظهرله مشاكل وعراقيل واحيانا بدون سبب هو يغير رايه مع العلم انه كان مقتنع فيني تماما
واتذكر مره من زمان خدامتنه حكت ان ناس تشتغل عندهم كانو ناوين يزوجون ابنهم وحكتلهم عليه تكول انه وصلو للبيت ومانزلو من السياره ورجعوا وكلولها انه كليلهم ليكون البنت بيها شي وصلنه للباب ومانزلنه
وبصراحه مهتميت للموضوع ولاخليته ابالي واعتبرت انه هذا تكبير للموضوع من عدها
والحمد لله اي موضوع ميتم ممكن احزن شوي بس عندي ايمان انه خلص مو نصيبي وان شاء الله يكتبلي رب العالمين الاحسن واكيد قسمتي موجوده ورب العالمين يمنع اي قسمه حتى يجي صاحب النصيب
هذه المشكله
اما الجزء الثاني من الموضوع
هو احلامي
احيانا اشوف احلام اعوذ بالله محلوة واتعوذ واقرا المعوذات واتف عاليسار
من هذه الاحلام اشوف سحليه احيانا واكثر الاحيان اشوف كلب اسود يكون واكف كدامي ويريد يتقرب واخاف ليعضني او يخرمشني ويكون كانو يلعب معايه بس يريد ياذي ومياذي واخر مره شفت انه كانو يلعب او شي وعضني من ايدي اليسرى ونزل الدم وكنت لابسه قميص ابيض وتلوث بالدم وكنت مهمومه كيف حصلي واني نزل الدم وراح الوضوء وكنت ادور مي ومالكيت غير شاي غسلت ايدي وتوضيت بيه
هالحلم ظل ابالي لان تكرر الكلب الاسود اكثر من مره
ومرة كان يتقدملي عريس وصليت استخاره ونمت
شفت انا على شط بحر والسمك طايف على وجه المي وكل سمكه اخذها الكي فيها عيب واتركها مع انه عيب بسيط لغايه ملكيت السمكه الي عجبتني ومن اخذتها تغير شكلها لماعز عدها قرون وخفت من شكلها ونقرفت ورميتها والعريس الي اخذت عليه الاستخاره اختفه
هالحلمين خلوني اربط انه هل ممكن يكون اكو سبب انه يبتعدون العرسان وميتم موضوع الزواج والحلم اله علاقه بهالشي؟
ام هي صدفه
اني بصراحه ماامن بشغله العمل والسحر ودائما اضحك واحكيلهم منو فاضيلي ديعملي عمل مثلا
فياريت يابنات تجاوبوني انه حصلكم او سمعتو بحالات مشابهه او لا ورجاءا لتدخلوني بحلال وحرام وتحسسوني اني كفرت لاني ربطت تاخر الزواج بحلم او احتمالية انه سحر او جن
وياريت تشورون علي اروح شيخ لو انسه الموضوع واخليه للقسمه والنصيب؟
انا مني صغيره يعني تجاوزت ال32
دائما والحمد لله احلامي حلوة وبيها بشاير خير وحتى الناس كمان تشوفني برؤيا حلوة
مشكلتي جزئين
اولا انا اي شخص يتقدم لخطبتي تتعسر اموره او يصير شي مابيخلي الموضوع يتم وكنت اصلا مااهتم واعتبره مسالت نصيب
بس الموضوع زاد انه اي شخص يكون ناوي يتقدم تظهرله مشاكل وعراقيل واحيانا بدون سبب هو يغير رايه مع العلم انه كان مقتنع فيني تماما
واتذكر مره من زمان خدامتنه حكت ان ناس تشتغل عندهم كانو ناوين يزوجون ابنهم وحكتلهم عليه تكول انه وصلو للبيت ومانزلو من السياره ورجعوا وكلولها انه كليلهم ليكون البنت بيها شي وصلنه للباب ومانزلنه
وبصراحه مهتميت للموضوع ولاخليته ابالي واعتبرت انه هذا تكبير للموضوع من عدها
والحمد لله اي موضوع ميتم ممكن احزن شوي بس عندي ايمان انه خلص مو نصيبي وان شاء الله يكتبلي رب العالمين الاحسن واكيد قسمتي موجوده ورب العالمين يمنع اي قسمه حتى يجي صاحب النصيب
هذه المشكله
اما الجزء الثاني من الموضوع
هو احلامي
احيانا اشوف احلام اعوذ بالله محلوة واتعوذ واقرا المعوذات واتف عاليسار
من هذه الاحلام اشوف سحليه احيانا واكثر الاحيان اشوف كلب اسود يكون واكف كدامي ويريد يتقرب واخاف ليعضني او يخرمشني ويكون كانو يلعب معايه بس يريد ياذي ومياذي واخر مره شفت انه كانو يلعب او شي وعضني من ايدي اليسرى ونزل الدم وكنت لابسه قميص ابيض وتلوث بالدم وكنت مهمومه كيف حصلي واني نزل الدم وراح الوضوء وكنت ادور مي ومالكيت غير شاي غسلت ايدي وتوضيت بيه
هالحلم ظل ابالي لان تكرر الكلب الاسود اكثر من مره
ومرة كان يتقدملي عريس وصليت استخاره ونمت
شفت انا على شط بحر والسمك طايف على وجه المي وكل سمكه اخذها الكي فيها عيب واتركها مع انه عيب بسيط لغايه ملكيت السمكه الي عجبتني ومن اخذتها تغير شكلها لماعز عدها قرون وخفت من شكلها ونقرفت ورميتها والعريس الي اخذت عليه الاستخاره اختفه
هالحلمين خلوني اربط انه هل ممكن يكون اكو سبب انه يبتعدون العرسان وميتم موضوع الزواج والحلم اله علاقه بهالشي؟
ام هي صدفه
اني بصراحه ماامن بشغله العمل والسحر ودائما اضحك واحكيلهم منو فاضيلي ديعملي عمل مثلا
فياريت يابنات تجاوبوني انه حصلكم او سمعتو بحالات مشابهه او لا ورجاءا لتدخلوني بحلال وحرام وتحسسوني اني كفرت لاني ربطت تاخر الزواج بحلم او احتمالية انه سحر او جن
وياريت تشورون علي اروح شيخ لو انسه الموضوع واخليه للقسمه والنصيب؟