أنقذوني من هذا الزوج ياأهل الخبره ....

السلام عليكم ورحمة الله وبركاته

أخواتي الحبيبات أهلااا بكم جميعااا
انا حبيت أفضفض شويه لأني من جد مخي تعب من التفكير في حياتي المتوتره دائمااااا وكلها مشاكل بيني وبين زوجي بسبب أمور تافهه جداااا بس هو لازم يكبرها مرررررره ويسوي جنان مررره وصريخ وأهانات وسب لا وكمان يكلم أهلي والله لو اقلكم على التفاهات يلي يخلق منها المشاكل أنكم تضحكوا مثلاااا منها أذا شافني على النت وبكلم صاحبتي على الماسنجر أو مابدأت ذاكرت لولدي يلي في سنه اولى طبعاااا لازم يسويلي جنان كأننا عبيد تحت أمرو يعاملنا طيب انا حره اذاكرلو في الوقت يلي احب انا امو وتهمني مصلحتو والله أني تعببببببببببببت تمامااااا من زوجي:mad: على طول نضارب بسبب امور غبيه زي كده لا ونقعد بلأسبوع مانتكلم ابداااا لانو مرررره يبالغ في رداة فعلو ولسانو سليط وزي السم فمن قهري خلاص ماأبغى أكلمو دفاعاااا عن نفسي وكرامتي لأنو ببهدلني ويكلم أمي وبربر عليها ونكد عليهم وياريت في سبب محوج
انا خلاااااااااااص فاض بيه على الأخر من أسلوبو ومن جفاءو ومن قساوتو :badly: وتعببببت كتر مااحبس نفسي وابكي وافكرررر
والله احساسي الأن بي زوجي صفر وهاده الشي يلي بفكر في الان كيف حأقدر أكمل معاه وانا سار أحساسي بزوجي كره وبغضاء ماأطيقو أبداااااااااااااا
قلبي مليان منو نفسي أبرد قلبي من ناحيتو بس مني قادره كل ماأحاول أبردو تسير مشكله تانيه ويقول كلامات زي السم ويهينني قدام الشغاله واولادي الصغار وأرجع احقد عليه من جديد
والأن وصلت لمرحله مني متقبله منو أي شي نهائي ولا أطيق اطالع في وجهو أبدااااااا وأفرح سعادة الدنيا لمن يروح الدوام أحس بيننا بعد كبير محنا قادرين نلتقي بنقطه مع بعض حتى ماأقعد معاه ابدااااا هو مجنون كوره وانا أشرد في غرفه لحالي او مع أولادي حياتنا أحس مالها معنى مافيها أي حب ولا موده بس علاقتنا ببعض مرتبطه بلأولاد والطبيخ وأذا يبغى أي شي يعني بلأختصار طباخه ومربيه وشغاله ولكن أنو تتخللها أي كلمه حلوه أو معامله لينه طبعااااا مايقدر
أنا احس انو كاني عبده معاه مو زوجه كلو اوامر وأنتقادات
انا متحمله جنانو عشان خاطر اولادي لانهم صغار انا متزوجه ليه تمنيه سنيين ومني قادره اتأقلم عليه وعلى طبعو المتسلط المسيطر الشي هاده والله مخليني على طول متوتره وأعصابي تعبانه
بالله قولولي كيف أقدر أكمل معاه وانا ماأطيقو نهائيااااااا ولا اطيق اطالع في وجهو ولايهمني امرو كيف اعيش مع واحد قلبي رافضو أكمل معاه عشان أولادي ولا المفروض طالما هذا شعوري أتجاهو أسيبو انا كان نفسي تكون علاقتي بزوجي علاقه حلوه فيها حب وأنسجام وتألف وقلوبنا على بعض
لكن للأسف الشديد العكس تمامااا ودائمااا أي شي أقولو يفسرو بسوء نيه أو شي غلط وهذا الشي يتعبني مررره لأني مرررره صادقه وحقانيه
وعلى نياتي هو شخصيو قويه وماكر
ويحب أهلو جداااااا وبار لهم
والله اني دائماااا ادعي لنفسي واولادي هو لا مني قادره :'( نفسي احبو نفسي اتكلم عنو كويس قدام الناس نفسي احطلو اسم حلو في الجوال بس مني قادره هو يلي كون الكره والبغضاء في قلبي
حتى لمن يتفرج على التلفزيون بالساعات على البرامج الرياضيه نفسي ولو يخصصلي من الست ساعات كوره عشر دقائق فقط يناديني ويتكلم معايه في اممور تخص حياتنا مو عن البيت والأولاد والأكل ليش يحكم عليه كاني عجزت وانا لساعي في صغيره وفي عز شبابي والله أتمنى يوم يقلي تعالي نتفرج مع بعض نتابع فيلم او اي شي يحسسني أنو في انسانه عايشه معاه مو عبده
وألف مررره ناقشتو بداه الموضوع والله وبأسلوب حلو بس يقبها مشكله وانو أنا نكديه وبدور شر مخو غريب أه أه أه
نفسي بزوج يفهمني ويحس بيه ويطبطب عليه
معليش مرره سامحوني على الأطاله بس قلبي مليان
ماأقول غير يارب