تحليل الحصبة الالمانية anti- rubella

هلا ام شهووووده ماعليج شر يالغلا

انا اللي اتذكره يوم اسوي فحص زواج مارضو يعطوني ورقه الفحص مع ان نتايجي ونتايج زوجي تمام بس قالو لي لازم ابره الروبيلا اقووول لهم شلووون اخذتها اتوقع يقولون تحليل الدم مبين مناعتش ضعيفه والحل قالو لي عيدي التحليل وتاخرت خطوبتي بهالسبب وعدت التحليل بس زوجي اصر اني اخذ الابره ورحت اخذتها وقالت لي الدكتوره لاتحملين الا بعد 3 شهور لان لاسمح الله يسبب تشوه في الجنين زوجي حده خاف قال لي تاخذينها تاخذينها ماعليي منج


هذا كل اللي اعرفه عن الروبيلا ... ماحبيت امر على الموضوع ومارد عليج وان شاء الله مافيج الا الخير ويطلع كل شي طبيعي

مشكورة حبيبتي

اي قريت انه التطعيم لازم يكون قبل الحمل بفترة لان يسبب تشوهات وجدي

وقريت انه اللي مناعتهم ضعيفة لازم مايخالطون مصابين لحد الولادة

وبعدين لازم ياخذون الابرة بعد الولادة .. الحين بقعد اوسوس الين قالت لي الدكتورة ماعندج مناعة ولازم ماتخالطين ناس فيهم او صادهم من فترة قصيرة خصوصا اني اشتغل يعني ناس رايحة وراجعة وخايفة احد يعديني لاسمح الله :( .. من اخدت النتيجة واني احاتي وبكرة موعدي,,, اتذكر بولدي كانت نتيجتي اوكي ,, واستغربت الدكتورة قالت لي مايحتاج تسوينه اذا عندج نتيجتج القبلية مال الحمل بولدج ,, قلت اشوة اني ضيعتها لان اتذكر كانت اوكي النتيجة لو ماضيعتها جان الحين خبر خير اني ..

لاتحاتين ياقلبي ان شاء الله ماكو اله العافيه انا مثل ماقالتك اني سويت تحليل قالولي ماعندك مناااعه وكنت باخذ الابره بس بعدين عرفت اني حامل ربك ستر علي الحمدالله ماخذيتها وله النيرس كانت مجهزه الابره وبتغزني بس ربك حفظني وحفظ النونو لان الي تاخذها لزم موحامل ولزم بعد ماتفكر تحمل اله بعد سنه تقريبا الحمدالله ماصار شي مع انه بنت اخوي صار فيها وامها كانت حامل ايظا بس ماظرها اتكلي على الله ماكو اله الف عافيه

للاسف ماعندي اي خلفيه

ربي يسهلك حملك ويثبته

ويبعد عنك كل سوء

اختي روز ترا الحصبة الالمانية غير عن جديري الماء

وانا كنت احاتي الجديري الحين بحاتي الحصبة الالمانية :(

من معلومتها انها تنتقل عن طريق افرازات الجهاز التنفسي اما العطس او المخاط انتي خليك حذره حيل من هاي الناحيه ولاتحاتين ياقلبي..

انشاء الله مافي الا كل خير


الله يثبت حملش يارب

ما عندي فكرة
الله يبعد عنك انتي والبيبي كل شر

مشكورين ع المرور خواتي والدعوات الحلوة

الحمد لله رحت لدكتورتي وطمنتني قالت لي مافي خوف لان هالمرض مو منتشر هني وعقب الولادة لازم تاخذين تطعيم ليه ...

وقالت جديري الماء مو زين تقربين من مصاب لان في احتمال يعديج وهو ضار بالحامل والجنين ..

اتكلي على الله ولاتتصرفين كانه صايبك شي الربط حافظ يارب انا خايفه من الزجام والحمى لاني سقطت منهم قبل بس اتكل على الله واقول انه الله بيحفظني يارب واقري معوذات وخذي مطهر دايما وماعليج الا العافيه

الحمد لله انك اتطمنتي وربنا يفرح قلبك برؤية النونو سليم معافى ويكون احلى من اخوه ومنك ومن ابوه هههههههههههههههههههه
وابقي خدي بالك وحاولي ما تخطلتيش كتير بالناس

حبيبتي الله يكومج بالسلامة ويرزقج بطفل سالم معافى تام الخلقة ليس به اي زيادة او نقصان