اليوم كان غدانا رز بالدجاج المتبل عن جد رهيييب
المقادير:
صدور دجاج مقطع صغار وحطيتها بالتتبيله التاليه:
ليمون+فلفل اسود+زيت زيتون+بابريكا+ملح+بهارات مشكله +ثوم+صلصة الصويا للدجاج
وخليته بالثلاجه من الفجر للظهر
وجبت قدر وقطعت بصله قطع صغار وشوحتها بالزيت لين ذبلت
وبعدين حطيت قطع الدجاج واحتفظت بالصوص للخطوة الاخيره
وقطعت فلفل رومي وبشرت جزر على حسب الكميات اللي تحبيها انا سويت شويه
وبعدين بعد ماقلبت الدجاج كويس وتحمر شوي حطيت الصوص المتبقي من التتبيله وحطيت بقدونس وشبت وكزبره وبهارات مشكله وبابريكا وماجي وشوية ملح وفلفل اسود وشوية صبغة الرز او كركم
وكبيت المويه فوق الدجاج عشان ينضج بس لاتكثري لاننا راح نحط الرز عليه
وبقدر ثاني سويت رز نص استواء وحطيت قرفه وقرنفل وفلفل اسود حبوب وملح وكزبره حبوب
وانتي براحتك:)
ولما صار الرز نص استواء حطيته فوق الدجاج ووطيت النار وسكرت عالقدر
وبعد مااستوى رشيت صبغة الرز وبخرت الرز بالجمر والزيت وكتمته
وهذا شكله النهائي
ماتتخيلو قد ايش الدجاج كان طري ومتبل
ولذييييذ
ولابد من السلطه:adore:
والفلفل الحار
واللهم لك الحمد عالنعمه
اللي تعجبها غذانا تدعيلي دعوه حلوة:o
الله يسخرلي زوجي ويهديلي بنتي ياربF:
تحياتي