ضروري اللي تبي الخير وتدعي للاسلام تساعدني

السلام عليكم ورحمه الله وبركاته
انا حطيت الموضوع علي العام لانه اكثر حضور من ركن قضايا دينيه لاني ابي تفاعل ومساعده في الامنيه اللي طول عمري اتمنها ان ادخل احد للاسلام
بنات جوني امس حريم مبشرات للمسيحيه بحكم اني عايشه باستراليا فهذ امر طبيعي تشوفينه قبل اعيادهم فقلت في بالي هم م عندهم الشجاعه يدعوني لدينهم فخلني اصير اشجع منهم وادعيهم للاسلام المهم تكلمت معاهم تقريبا ربع ساعه عند الباب وبعدين دخلتهم داخل علي شان اعطيهم
فكره عن الاسلام وقعدوا يسالون عن المعجزات اللي صارت عند المسيح
فقلت لهم رغم الاختلافات اللي كل وحده تؤمن فيها احنا عندنا المسيح نبي مو ابن الله
وان مريم عندنا منزهه عن الخطايا وحملت باذن رب العالمين وكانت اول معجزاته عليه السلام انه تكلم في المهد
واشوف اسالتهم صارت مثل المطر علي والحمد لله عندي معلومات عن اليهوديه والمسيحيه
اظنها كافيه بس عيالي الله يهداهم يسولفون وماخلو كتاب في غرفتي ما جابوه لهم وكل شوي يقاطعونهم المهم طلعوا من عندي وعندهم علامات استفهام وقلتلهم يزوروني مره ثانيه وهم قالولي اكيد بنرجع لانهم يبون يعرفون انطباعي عن الديانيه المسحيه وبصراحه ظحطت عل ان المسيح عليه السلام حظر عرس وماكان عندهم خمر وامر الخدم يجيبون ماي فعقب ما عبوا الجرات تحول الماي لخمر المهم سالوني عن يوم قيامه وان عدد بسيط اللي يروح الجنه قالتلي اللي يروحون عددهم 165 الف المهم العدد مقارب والله اني ماتذكرته بس لما سالتها العدد قليليل
قالت اي بس هذول اللي يدشون الجنه لانهم يصيرون خدم بالجنه وقلتلها وباقي الناس قالت يظلون علي الارض وقلتلها انزين الناس اللي اجرمت شنو مصيرهم قالت ما ادري بس يظلون علي الارض
انا الحين قاعده اقرا كتابهم والله جني قاعده اقرا قصه
مافيها من امور الدين بشي كله عن المسيح واكثر جذب بس طبعا ما اقدر اقولهم هذي خزعبلات وان الله عندهم نفس الانسان استغفره واتوب اليه وانه اسمه جوهوفا وقال حق جبريل عليه السلام خلنا نختبر حال الارض بارسال المسيح لاهل الارض وانهم يقصدون طبعا اليهود عذبوا ابن الله وانهم
والقصد عندهم في الكتاب الجديد ابن الله يعني المخلوق اللي الله خلقه لاهل الجنه والارض لانهم ماعندهم جهنم وا المسيح هو اول مخلوق فقلتلهم ان اول مخلوق هو ادم وفي كتابهم نوح وسليمان وايوب وزكريا ومريم واليزا بيث علي قولتهم زوجت زكريا كلهم في وقت واحد وانه اقارب المسيح وان المسيح كان مظلوم وقبل لا يقتلونه كان الدنيا جنه وبعدين تحولت الا خطايا وكلام كثير
المهم الله يرحم والدينكم اللي عندها معلومات عن المسيحيه غير اللي ذكرتها واشلون ارد عليهم
تذكرني انا والحمد لله متابعه للي اسلموا وشنوا الاسباب اللي خلتهم يتركون المسيحيه وعندي معلومات علميه لاني متابعه للدكتور زغلزل النجار والدكتور الغزاوي لان الاجانب احاورهم بالعلم يظلون مستغربين علي شان اخلي عندهم فظول ويبحثون بانفسهم
المهم تكلمنا عن الحجاب وقلتلها انا لما امشي في الشارع واشوفج ما اعرف انتي شنو جنسيتج او شنو ديانتج بس انتي لما تشوفيني بتعرفين علي طول اني مسلمه لان هذي هي هويتي صح وبعدين قلتلها انا ما احب احد يشوف شعري او رقبتي او اي جزء من جسمي لان هذي خصوصتي والمضحك انها قامت تنزل تنورتها شوي بس بدون ما تلفت انتباهي وانا مركزه معاهم واعرف حركاتهم جان تقولي زوجج تلبسين حجاب جدامه فجاوبتها لا زوجي ولا اخواني ولا ابوي هذول عادي البسه بس عن الغرب قالتلي انزين اذا احد دق الباب قلتلها البس حجابي شنو المشكله
المهم تكلمت وايد عن الكل وغيره بس الحين ابي مساعده ومعلومات الله يخليكم