السلام عليكم ورحمة الله وبركاتة
هذا اول موضوع لي في هذا القسم
أولا مشكلتي حيل متعبه نفسيتي :'(
اعرفكم على نفسي عروس صار لي 5 شهور ونص الحمدلله الله رزقني بالحمل وانا الآن في الشهر الثالث .. علاقتي مع زوجي الي اجوفة انه يحبني كثير بس مثل ما يقولون اسمع كلامة افرح اجوف افعالة استعجب .. من حملت قال لي قعدي عند اهلك وطبعا اريح لي لأن شقتي في الطابق الثالث وليس هناك مصعد .. الحمدلله هو ما تركني ولا يوم كل يوم اول ما يرد من الشغل يكون عندي وطبعا في الليل لازم يروح عند ربعه يقعد معاهم ساعتين ويرد ويقول ان هو كثير تعبان ويحتاج يروح الشقة ينام وطبعا انا ما امانع ,, بس اكون ما شبعت من جوفته لأن يجي يقعد مع اخواني وينام الظهر ويطلع المغرب .. :sick: بس معقولة يابنات في رجال ما ينام ويا زوجته تقريبا شهرين ونص ما يشتاق الها ولا حتى يقول اني اشتقت لك .. قصدي في العلاقة الحميمة وغيرة :-# وكل يقول لأن خايف عليك اوكي خايف بس ع الاقل وضح انك مشتاق بس ما تقدر يعني ما احس بهذا الشعور تجاهه ابدا .. وكل ما اقول له الحمدلله عدا الخطر خلني ارجع الشقة يتحجج بألف شي الشقة وسخة السرير ريحته فكس لأني كنت ماسح ظهري امس تعب عليك الدرج :'( وانا اتحطم من داخلي :thumbs_down: المهم امس قويت عيوني قدام امي وقلت خلاص برجع شقتي هو حسيته من كثر اصراري قالي اوكي ورجعت وعلى طول نمنا يعني حتى ما سولفنا ولا شي واول ما قعدنا الصبح انا متعودة عليه ان اول ما يقعد بداية العرس يبوسني قبل ما يقوم اقول ليه اليوم ما بستني ؟ قال اوووف قومي قومي فعلا تحطمت كثيييييييييييييير احسة يقول ارتحت منها كم شهر شجابها هذي وعقب حس لروحة وجا يتلصق بس انا كنت مطنقرة شوي وعقب نسيت الموضوع ورحنا بيت ابويي .. اليوم المغرب كنت معاه في السيارة انا وهو وامي واخويي يسئلني جدامهم ها اليوم بتنامين في الشقة ولا بيت ابوك ؟ ^o) في احد يسئل مرته هالسؤال قلت وانا معصبة بيتنا وهو حس قال لا لا بس تعالي انا قلت لأني بطلع وبرد متأخر وحتى اخويي حسني معصبة ويبي يلطف الجو وبدل ما يطفي النار زادها مسكين عن مزحة يقول ليي مافي اليوم نومتك في البيت ما تروحين بيت رجلك :( والحين انا في بيت ابويي وهو للحين ما رد من طلعته ومتحيرة اذا جا اروح ولا لا؟؟ انا حيييييييل منقهرة وقلت ما برد الشقة الا اذا عرف قيمتي بس مشكلتي ان حيييييييييل اموت فيه يعني من يجي يقول لي قومي مرة مرتين يكسر خاطري واقوم بس حسيت الشي زاد وابيه يعرف قيمتي شوي شيروو عليي بنات بليز شسووووي ؟
ممكن لنه توك حامل و تتحسسي من اي شي كون المرة ببداية الحمل تتحسس من اقل تجاهل او قله اهتمام ،
و هو باين خايف عليج من جذي يباج جدام عيون امج .. منها تباريج و تداريج ..
صحيح ان وجوده و سؤاله عنج شي مهم يفترض ان ما يقطع عنج و يكون مهتم فيج اكثر بالاخص و انتي بهالمرحله ..
و تعوذي من ابليس و رجعي معاه الشقة ، و حاولي تقعدي معاه بهدووء و تفضفضي باللي قلبك له ..
و تبيني له انج متضايقه من اسلوبه معاج االي تغير خلال فترة الحمل ..
والله يووفقج يارب :)
%
%حزينه حتى بكلمتي%
عروس مشرقة
16-12-2010 | 12:11 AM
أم هـادي;13964955:
ممكن لنه توك حامل و تتحسسي من اي شي كون المرة ببداية الحمل تتحسس من اقل تجاهل او قله اهتمام ،
و هو باين خايف عليج من جذي يباج جدام عيون امج .. منها تباريج و تداريج ..
صحيح ان وجوده و سؤاله عنج شي مهم يفترض ان ما يقطع عنج و يكون مهتم فيج اكثر بالاخص و انتي بهالمرحله ..
و تعوذي من ابليس و رجعي معاه الشقة ، و حاولي تقعدي معاه بهدووء و تفضفضي باللي قلبك له ..
و تبيني له انج متضايقه من اسلوبه معاج االي تغير خلال فترة الحمل ..
والله يووفقج يارب :)
الله يسعدك وويوفقك انا مع كلام الاخت رجعي معاه
السلام عليكم ورحمة الله وبركاته
اول شيء مبروك الزواج والحمل وربنا يقومك بالسلامه ويفرح قلبك
بعدين اختي نصيحه ماتنامي برا بيتك يعني ماتخليه يتعود ينام لوحده من زمااااااااااااان قرأت موضوع لاحدى الاخوات ان زوجها كان يتعود يسهر ويسافر وتحسه بعيد عنها لكن عودته ماينام الا بحضنها يعني تنيمه مثل الطفل (تلبس حلو وتتعطر عطر حلو وتحط راسه على صدرها وتنيمه ) حتى لو كانت تعبانه ومشغوله تيجي عند زوجها وتنيمه مثل الطفل بعدين تقوم تشوف شغلها اذا كانت مشغوله وقالت من سنين الطريقه هاي متبعتها حتى صار لما يقرر يسافر مايقدر يسافر لوحده لانه تعود عليها ,,
وبصراحه ماله لزوم النومه عند اهلك لانه بهالطريقه هو تعود على بعدك
وطبعا لما يجي روحي معاه وحاولي تتعاملي طبيعي معاه ونصيحه ماتبيني له انك تنتظري منه الحنان لانه بالهالطريقه هو راح يبعد
والاهم من هذا كله قوي صلتك بربك وداومي على الاستغفاااااااااااااار بتشوفين اللي يريح بالك ,,
ادعيلي الله يفرج همي اختي
الله ييسر عليك حملك وولادتك هذا اولآ_
الشي الثاني لو كنتي ساكنه في مدينه بعيده عن اهلك كان جلستي في شقتك مع زوجك صح ؟
وبصراحه احس انه صعبه تتركين زوجك بلحاله لفتره طويله (ولوكان هذا طلبه) بيصير يتعود على غيابك وماراح يحس بألآمك وخصوصا انتي محتاج له في فترة الحمل ...
يعني بالمختصر ارجعي شقتك وحاولي تشوقين زوجك للبيبي (يعني قولي البيبي يسأل عنك مره وحشته وهيك شغلات) ولاترجعين بيت اهلك إلا زياره او ضروره قصوى _ ومثل ماقالت ام هادي الله يعطيها العافيه انتي في هالمرحله من الحمل راح تتضايقي من اقل شي _لكن مومشكله اذا صارحتيه باللي في خاطرك لكن باسلوب ذكي وهذا اهم شي
والله يفرج همك
واااااااااااااااااااااضح جدا جدا انه خايف عليش وعلى البيبي..
زوجي قبل ما احمل كان دائما يقول لي اذا صار حمل اول ثلاث شهور بخليش في بيت ابوش لأنه اخاف عليش وعلى البيبي من الدرج ومن التعب ويوم حملت كنت متضااااااااااااااااااااايقة لأنه يجي لي كل يوم زيارة ولا حتى يقول لي كلام حلو ولا يدلعني
بس تدرين ليش حبيبتي..لأنه هو في هالفترة بعد متضايق مو بس انتين يحس انه مو متعود على وحدة على طول تعبانه ومتنسيه ولايعة جبدها بسبب الحمل وفي نفس الوقت متضايق لأنه يخاف يخليش تجين الشقة وتتعبين ولا سمح الله تخسرون البيبي ويخاف يخليش في بيت ابوش وتزعلين ومو عارف وش يسوي..!!!
هو يحبش أكيد وواجد ومشتاق بس لازم يخاف عليش من الدرج والتعب..هذا شي طبيعي ولازم تكونين فرحانه انه خايف عليش
ونصيحة لا تصرين عليه أبي أرجع الشقة وأبي أرجع الشقة بحسش ما تقدرين الوضع
بعدين عقب ما تكملين ثلاث إلى أربع شهور اهني روحي الشقة ولا تتركينه يوم واحد وكله دلعيه وعوضيه الفترة اللي غبتين فيها بعدين بحس انه وجودش شي كبير وما يقدر ينام بدونش يوم واحد..عن تجربة أتكلم..
لكن إذا أصريتين بينقهر منش في داخل قلبه وبيحس بعدم التقدير للظروف..عن تجرررررررررررربة
أكبر غلط تسويه المرأة انها تنام في بيت اهلها لو مرة في الاسبوع لان الرجل يتعود على بعدها ومن ثم يعيش جو العزوبية ويحن اليها اكثر
وبقولش شيء ترى اغلب الرجال في حال حمل الزوجة يخافون من انهم يسوون شيء تتأذى منه الزوجة او يخسرون الطفل ويعيشون في صراع نفسي
ومايدرون ان العلاقة آمنة خلال فترة الحمل
R
Rabea3 al-ward
عروس مبدعة
16-12-2010 | 03:00 AM
مادري شقولج ياختي
بس الله يهديه لج ويرجعكم احسن من الاول
ادعي ربج واستغفري
ان شاء الله بتتيسر اموركم خيتي
انا اقول يمكن يبغى مصلحتك اول شي لاتسمعي كلام المنتدى استشيييييييييييييييري امممممممممممممممممممممممممممممممممممككككككك احسن شي واذا متضايقه مره حكي مامتك وهيا بتتكلم معاه وتوصل لحل انا اشوف كدا احسن يمكن هوا مو داري انه بيجرحك؟؟؟!!
ياقلبي أنت أستعيذي بالله من الشيطان الرجيم أنتي بفترة الحمل وهالفتره معروف الوحده بتزيد حساسيتها كتير وبتحتاج لحمايه ورعايه زايده من زوجها يمكن مضغوط بالشغل والرجل بدك تراعي ضغوطه ما هي ضغوط جسديه وبس لا ونفسيه كمان واضح جدا أنو خايف عليكي وبحبك بس أكبر أكبر غلط أنو الوحده تنام ببيت أهلها بعد ما تتزوج لأنو الرجال بيتعود وبصير سهل عندو كلشي بس هالحكي ما بيعنو ما ما بيعود بحب مرتو متل الأول لا بالعكس بحبها بس هالعاطفه ما بتعود حميمه متل الأول الرجل طفل أذا فارق حضنك ليله خلص ما بيسأل بعدها بيقول عادي وكونه عميطلع مع أصدقائو فهاد شي طبيعي عميملى الفراغ لحط نفسو فيه كونه وافق تروحي عند أهلك ولقى هالشي عادي عندك فعودي عاده وبطلي عاده بتخلق معاده لهيك أستهدي بالرحمن ياقلبي وأرجعي لبيتك ولزوجك ما تفكري أذا بعدتي عنو بيعرف قيمتك لأبالعكس بيعرف قيمتك وقت بتقعدي ببيتك ملكه وبتدفيه بحبك وحنانك ولو نسي بعض الأمور الرومنسيه بينكم أنت بتذكريه فيها وأظهريلو حبك الحب يا قلبي عطاء متبادل أذا نقص بيختفي الله يهدي سرك ويسخرو قلك وأنشاء الله ألف مبروك عالزواج والحمل
السلام عليكم ورحمة الله وبركاته
اختي العزيزه
الله يتمم الحمل ان شاءالله ويرزقكم الذريه الصالحه
غاليتي
نامي في شقتك ولا تتركين بيتك
لا يتعود الزوج على عدم وجودك
يعني ماتفرق معاه كنتي جنبه او لا
خليك دائما في بيتك والحمدلله الله هو اللي يعيين على السلم
ماشاءالله تبارك الرحمن
اعرف بنات والله لي الشهر التاسع واهما صاعدين ونازلين من ثالث دور
الله يعينك مثل ما اعانهم
ولاتتركين زوجك يالغاليه
اجلسي معه
اعملي عشاه
سهروا سولفوا انتم في بداية زواجكم معاريس جدد
الله يهنيكم ويصلحكم ان شاءالله ويؤلف مابين قلوبكم اكثر واكثر اللهم امين
دمتم سالمين
اختكم شريفة
حبيبتي
مبروك عليك الزواج ومبروك الحمل ... والله يسهل عليك وتقومين بالسلامة
اختي الغالية ... في ازواج يخافون فعلا على زوجاتهم ... ويصبرون عليهم حتى تكمل حملها وتقوم بالسلامة ... وصدقيني ... هم بس يكونون ما يعرفون فعلا تاثير العلاقة على الحمل ... يعني يتخيلون افكار غريبة ما اقدر اقولك عليها يمكن على الخاص ... بس اصبري عليه
ولاتخلين موضوع صغير مثل هذا ياثر عليك في بدايه حياتك ... استغلي الفرصة وقوي علاقتك فيه ... سولفو ...احضروا برامج .. العبوا العاب خفيفة ...بلاي ستيشن ....
خليك قريبة منه ولا تضغطين عليه... ترى الرجال اول ما يحس ان حرمته تضغط عليه يقوم يعاند....
وانا متاكدة ان هو يحبك ويخاف عليك وعلى الجنين
اخوي من عرف مرته حامل ما قرب منها الا بعد ما ولدت ... وانا وهو وايد اصدقاء ...مرة قال لي ان هو يشتاق لها وايد ومو قادر يمسك نفسه بس خايف عليها ... فطرشت له ايميلات عن ان الموضوع ما له خطورة....شفتي شلون هم ما عندهم خلفية عن الموضوع ... بس اصبري ... وعيشي حياتك واشغلي نفسك باشياء ثانية ... احفظي قران وقوي علاقتك بربك
اسفة طولت عليك
ا
الحاضره .. الغائبه
مشرفة سابقة
16-12-2010 | 10:50 AM
ســالــي;13965093:
السلام عليكم ورحمة الله وبركاته
اول شيء مبروك الزواج والحمل وربنا يقومك بالسلامه ويفرح قلبك
بعدين اختي نصيحه ماتنامي برا بيتك يعني ماتخليه يتعود ينام لوحده من زمااااااااااااان قرأت موضوع لاحدى الاخوات ان زوجها كان يتعود يسهر ويسافر وتحسه بعيد عنها لكن عودته ماينام الا بحضنها يعني تنيمه مثل الطفل (تلبس حلو وتتعطر عطر حلو وتحط راسه على صدرها وتنيمه ) حتى لو كانت تعبانه ومشغوله تيجي عند زوجها وتنيمه مثل الطفل بعدين تقوم تشوف شغلها اذا كانت مشغوله وقالت من سنين الطريقه هاي متبعتها حتى صار لما يقرر يسافر مايقدر يسافر لوحده لانه تعود عليها ,,
وبصراحه ماله لزوم النومه عند اهلك لانه بهالطريقه هو تعود على بعدك
وطبعا لما يجي روحي معاه وحاولي تتعاملي طبيعي معاه ونصيحه ماتبيني له انك تنتظري منه الحنان لانه بالهالطريقه هو راح يبعد
والاهم من هذا كله قوي صلتك بربك وداومي على الاستغفاااااااااااااار بتشوفين اللي يريح بالك ,,
ادعيلي الله يفرج همي اختي
ايييييه صح هذي الحركه صجججج خطيييييره وعن تجربه ..,,
الله يفرج عن همك ياااارب ..,,