جدول عناية بسيط

والله الجامعة عائق كبير بالنسبة للكل

شوفي حبيبتي بالنسبة لليدين اهتمي دائما بترطيبهم وانه افضل كريم دوف



هذا كل ماغسلتي يدج استخدميه ترطيبه روعة وريحته خفيفة وحلوة

وسوي تقشير ليدج بالسكر والملح وزيت الزيتون والليمون مرتين الى ثلاث مرات بالأسبوع
وانه اسوي لي كريم خاص لقبل النوم استخدمه سواء نومة الظهر او الليل وهو عبارة عن
نشا ونص ليمونة وماء ورد واي زيت متوفر عندج انه احط زيت الزيتون وزيت اللوز والخروع وجنين القمح و الجلسرين وخلطيهم عدل
وحطي عليهم كريم الجليسوليد الدائري الصغير و ملعقة او 2 فازلين بيبي جونسون او العادي و ملعقتين الى 3 كريم بالمرز بزبدة الكاكو وفيتامين E
وخلطيهم عدل اذا حبيتي تكثفين الكريم ضيفي نشا واذا تبين تخففينه ضيفي ماء الورد والله روعة الكريم وريحته حلوة وخفيفة والكريم بتم عندج مدة طويلة يمكن شهرين

ودائما قبل ما تطلعين حطي لج واقي الشمس على يدج وانه احب بايوديرما استخدمت هذا والحين عندي SPF 50 ومعاه واقي للشفايف بعد ووايد مرتاحة معاه



اما الوجه فلا تبالغين في العناية لان البشرة تتعب

الصبح غسلي ويهج بأي غسول يريحج بعدها نضفي ويهج بالتونيك وخلي عندج بخاخ فيه ماي ورد بالثلاجة وبخي وخلي بشرتج تتشربه بعدها حطي اي كريم مرطب تحبينه
انه احب فيتامين e من البودي شوب وحاليا استخدم QV من الصيدلية خلي بشرتج تتشربه جذي 5 دقايق بعدين حطي السن بلوك وانتظري بشرتج تمتصه بعدين اذا حبيتي حطي لج بودرة خفيفة

واذا رجعتي من الجامعة اخذي لج مناديل ازالة المكياج او ملك التنظيف ونظفي ويهج عن المكياج بعدين غسليه بأي صابونة تحبينها مثل دوف الخضراء ورشي ويهج بماي الورد وحطي كريم مرطب

قبل النوم سوي مثل الصبح بس حطي كريم ليل او اذا تحبين زيت اللي يريحج

ومرتين او 3 مرات بالاسبوع سوي تقشير بالمقشر اللي تفضلينه انه احب ستيفز وبعدها حطي الماسك اللي تحبينه وعلى حسب نوع بشرتج وكل اسبوعين تقريبا غيري الماسك لان اذا بشرتج تعودت على ماسك واحد ماتستفيد منه بعدين
بما ان احنا في الشتا حطي لج ماسك مرطب حتى لو بس عسل تحطين ربع ساعة
او روب وعسل وحلب بودرة
او نشا وماي ورد وحليب بودرة

وسوي لج حمام بخار مرتين في الشهر يعني كل اسبوعين


بالنسبة للجسم انه ايام الجامعة وايد اصير خايبة

بس مرتين في الاسبوع اسوي لي تقشير عندج مقشرات وايد ستيفز كريم كاب او حتى زيت زيتون وليمون وسكر وشوي ملح
وفي بعد مقشر جربته حلو وايد بس من الخيابة مااستمريت عليه بس برجع له ان شاء الله شوفيه في هذا الرابط
http://forums.3roos.com/showthread.php?t=571047

واذا عندج وقت مرة في الاسبوع او كل اسبوعين سوي لج حمام مغربي سوي بحث في المنتدى بتشوفين وايد مواضيع عنه
واهم شي ترطبين بشرتج بأي كريم او زيت يوميا وانه وايد حبيت كريم بالمرز بزبدة الكاكاو وفيتامين هـ وبيبي جونسون بعد روعة او فازلين

واذا تحبين خلطات عندج الخلطة الصابونية استخدميها كل يوم
http://forums.3roos.com/showthread.php?t=494974

وبسسسسسسسسسسس تعبت وانه اكتب لج
اذا تذكرت بعد شي بكتبه واي استفسار حاظرين لج :)

افا عليج يالغلا
والله انه اتكلم عن تجربة لان وايد جربت ماسكات وكل يوم شي ولا استفدت
بس دائما اسمع بالتلفزيون ان 3 مرات بالاسبوع تقشير وماسكات كفاية
والبشرة عناية من خارج من دون داخل مايفيد
يعني اهتمي بشرب الماي اقل شي لتر .. وكثري من العصيرات الفريش .. واكلي الخضروات الخضراء اهم شي للبشرة و فاكهة 2 الى 3 حبات في اليوم كفاية
وكوب حليب .. هذي الاشياء اهي اللي تساعد على نضارة البشرة وحيويتها

اما العناية الخارجية فأهم شي نظافة البشرة لان تراكم الاوساخ فوقها يسد المسام ويسبب مشاكل
والماسكات اهي لمجرد التغذية والترطيب والتفتيح والله جربت وايد بس نتيجة مؤقته لان اساسا البشرة مستحيل تصير افتح من اللون اللي ربنا عطانا اياه

اذا بشرتج جافة فتقشير مرة بالاسبوع كفاية وتبتعدين عن الصابون اللي يجفف والماي الحار
اذا عادية الى مختلطة مرتين
اذا دهنية 3 مرات وغسليها بماء دافي

بالنسبة للماسكات اهم شي تستخدمين اللي يناسب نوع بشرتج
انه مالي ماسك محدد احب اللي كتبتهم لج اكثر شي وبشوف لج اللي عجبوني بالمنتدى وبحط لج روابطهم
وماعليج من اللي يقولون حطي ماسك كل يوم مثل مايقولون كل شي يزيد عن حده ينقلب ضده

انه عندي ماسك على افوكادو اشتريه من الصيدلية روعة بس مو دائما احصله وايد حلو ينظف مسامات البشرة وتحسين ان بشرتج نظيفة بعده
بدور لج صورته وبحطها لج

وصدقيني ماسكات حتى لو بس حليب تمسحين ويهج فيه روعة للتغذية والترطيب والحفاظ على لون البشرة هذا اذا كل يوم مابظرج لانه يعتبر منظف للبشره
والروب لوحده او العسل مع دارسين هذا حلو يعطي نظارة ويسوي تقشير
شوفي اشياء بسيطة وماتخسر لكنها نتائجها حلوة

هذي بعض الماسكات وخلطات الجسم اللي جربتها وعجبتني واللي البنات في المنتدى جربوها ونقلو تجاربهم وبعض الخلطات ابي اجربها لكن الخيابة لها دور

بشرتك تعبانه؟ باهته؟مسمرة؟ بنت عذاري عندها الحل!!
http://forums.3roos.com/showthread.php?t=94618

عدم توحد لون البشرة ( رد عذوره بالداخل )
http://forums.3roos.com/showthread.php?t=242588

عيدية بنت عذارى 2006 ( 1 )
http://forums.3roos.com/showthread.php?t=206011

عيدية بنت عذاري 2008 ( 2 )
http://forums.3roos.com/showthread.php?t=382270

كراميل بنت عذارى ( هذا المقشر روعة قليلة بحقه )
http://forums.3roos.com/showthread.php?t=217396

وصفة بنت عذارى ليدين ساحرتين....لكل اللى طلبوها.. ( خاطري اجربها )
http://forums.3roos.com/showthread.php?t=172017

ملف للخلطات الخاصة بتفتيح لون الجسم وتبييضه ونعومته الرجاء المشاركة من الجميع
http://forums.3roos.com/showthread.php?t=71326

والله والله والله العظيم انو بشرتي بيضت بعد ساعه مضمونه على تجربتي انا والله ادخلو>>> طبعا لا تصدقين ان بساعة ممكن تبيض البشرة
http://forums.3roos.com/showthread.php?t=369015

أحلى خلطة للجسم .. تبيض تنعم لا !! .. وتضعف بعد ( جربتها حلوة لكن مااستمريت عليها لان ماعندي قهوة تركية اورها وما احصلها )
http://forums.3roos.com/showthread.php?t=468236

هام //الطريقة الأصلية بالخلطات للحمام المغربي ....
http://forums.3roos.com/showthread.php?t=482032

وجه صافي؟ناعم؟أبيض؟منور؟ريحته حلوه؟حياااكم(مجرب)
http://forums.3roos.com/showthread.php?t=151151

~ خلطه [ baby face ] لوجه مثل البيبي :/ ( هذا الماسك روعة اول ماتغسلين ويهج تحسين بنظارة )
http://forums.3roos.com/showthread.php?t=520115

احصلي على بشره صافيه ونقيه مع حرمان
http://forums.3roos.com/showthread.php?t=500990

وعندج بعد ماسك الطين المغربي
اخذي طين مغربي عصري عليه شوي ليمون وعجنيه بماي ورد ( هذا الماسك حلو لتفتيح البشرة وتنظيف المسام ) وتقدرين تستخدمينها لكل الجسم