ولدي يمص اصبعه تعبت من كثر ما امنعه ساااعدوني الله يخليكم

السلام عليكم ورحمة الله وبركات

بدخل في الموضوع على طول وان شاء الله تلاقولي حل

ولدي الله يحفظه من وهو نونو يمص اصبعه بس عالخفيف اذا كان جوعان او اذا يبي النوم
بس ما يمص الا في هالاوقات

كل مره اقول بحاول امنعه من اصبعه عشان ما يتعود بس ما سويت شي كلام في كلام

الصراحة انا كنت مرتاحه من جهة النوم ينام وهو يمص واذا قام في اليل يمص وينام بروحه
والحين كبر بيدخل الحين 9 شهور وهو يمص قليل

بس صارله من اسبوع ما ينزل اصبعه من فمه احاول معه بس مو راضي كأنه يعاند
ابعد اصبعه من فمه وهو بالقو يردها ومرات اضربه على ايده ضرب خفيف وهو يضحك ويرد الاصبع في فمه

سويته مره فلفل دخل اصبعه وبعدين ضحك بصوت عالي وكمل مص

وسويتله زنجبيل وبعد كرر نفس الحركة

وسويتله الصلصة الحارة سومطرة وصاح شوي وكمل مص

ومرات اسويله قفازات او زلاقات بس يتضايق ويبكي لانه متعود يلعب بايدينه واذا لبسهم ما يقدر يمسك اي شي

ومن بديت في محاولاتي الفاشلة وانا حسيته كل ماله ويزيد على المص

بنات الله يخلليلكم عيالكم ويهديهم ويحفظهم لكم عطوني طريقه اقدر اخليه ينسى هالعاده

لانه تعرفون اذا بقى يمص بيخرب ضروسه والولد اللي يمص تحسينه غريب وناقص حنان