.. .. يـــوم فـي حــــياة عــــيالــــي مع العابهم المفضلة .. ..

بسم الله الرحمن الرحيم

السلام عليكم ورحمة الله وبركاته


.. :L:.. يـــوم فـي حــــياة عــــيالــــي .. :L: ..
مع العابهم المفضلة


أمس رجعت من الدوام ... كالعادة يبدأ مع عيالي الجهاد في البيت
أأكل عواشة .. وسلمان اسوي له الأكل وياكل بروحه فديته
واقعد ويا أم زوجي شوي وبعدين اروح شقتي :clock:

طبعا بنتي أو لما اكتشفت ان عند اخوها غرفة العاب .. خلتها وياه 50 /50
تحب تقعد تلعب وياه ..
لكن تستملك كل الألعاب .. ماياخذ لعبة الا صرخت تبيها منه :D
فناخذها بالحيلة .. والا نعطيها البديل .. ونمشّي اللعب ;)

المهم ..
حبيت انقلكم ويانا .. وأراويكم الألعاب المفضلة عندهم اللي لعبو فيها
والا حتى اللي ما لعبو فيها :p

وعندهم العاب صغيرة ثانية احطها في سلة وكيس كبيرة ..
بس ماصورتها .. تعبت :worn_out:



وياليت تشاركوني بيوم في حياتكم مع عيالكم ..
وتراوونا ألعابهم المفضلة
F: عسى الله يجعلهم من الذرية الصالحة يارب F:



هاذي الله يسلمكم شنطة صغيرة شرتها له والدتي علشان الروضة
لكنه شافها بنص عين .. وولا عجبته مع ان يحب بن تن
يقول لها (صغييييييييييييييييرة)
وهو صاج .. ما تكفي علبة الأكل والعصي روالماي
فخلاها لألعابه



ويحط في الشنطة : ألوان .. أقلام .. صمغ .. مقص بلاستيك
مرة ضاع مقصه فشريت له ثاني .. وعقب لقيت الأول
ويحرسهم (ساموراي جاك) :D



ألوان شمعية



أونو .. بتة (جنجفة) على سبايدر مان
بس يصفهم .. وينثرهم .. ويرجع يحطهم في علبتهم
وبس هاذي لعبته فيهم



تنس .. ما تخيلت ان بتظل عنده هالمدة .. يمكن الحين 3أسابيع
لأن مصنوعة من بلاستيك خفيف
والله يحفظه يضرب الكرة كل ضربة من بلد ..:mad:



حديقة حيواناته




حصالة ولدي الفخار للعملات المعدنية



وهني صورة ثنائية .. مع حصالة الفقراء
فكرة اخذتها من احدى العضوات
واطبقها ولله الحمد من مدة طويلة .. اخلي له حصالة وللفقراء حصالة
واحببه ان يحط فيها .. عشان الله يحبه .. والناس تدعي له بالخير
وساعات ياخذ كل الخردة (الفكة) اللي عندي ويحطها للفقاره :adore:



يسميها خيمة .. ما خلوني اصورها صورة مضبوطة
هو يدخل واخته تطلع .. وكل شوي ينطون لي جدام الكاميرا



رفيقة الدرب .. خذيتها من هوم الكترونكس
نعطيه اياها في السيارة والا اذا طالعين مكان يتملل فيه
ما اخليه يلعب فيها وايد




الكرسي الهزاز ..



عشق ولدي ...واااايد وايد يحب يجمع (السامان) صندوق العدة
مطارق .. مناشير .. مسامير .. وتوابعهم (من البلاستيك طبعا)
يعني تقدرون تسمونه (بوب ذا بلدر ) والا (هاندي ماني) :adore:



سيارته .. يفحط فيها في الصالة:lol:



تراكيب (مكعبات) .. يحبهم ..
صورتهم قبل التركيب ..



وبعد التركيب



مكونات هـ الصورة (بادية) شريتها للغسيل بس تحولت بقدرة قادر إلى لعبة
وبنتي كانت مصممة الا تقعد داخلها بس ماقدرت .. :)






بناية ولدي .. فديته على طول يبني لنا بنايات وشقق ويوزعها علينا
فديته مادري بيصير يا مهندس والا وزير اسكان ..
بس مهندس احسن له :cool:



لعبة سيارة من هارديز



الألعاب اللي يحصلهم في البيضة (كيندر سربرايز)
يحطهم بعلبة ويحتفظ فيهم



المفروض تكون هاي ساعة ..
بس يعني انسدحت من المصايب اللي تطيح عليها كل يوم 8o|



لعبة عواشه ماخذتها لها يدتها



هاي اللعبة بنتي تحبها ساعات .. وتكرهها ساعات :mad:



هدية عواشة بيوم ميلادها من زوجة عمها





بعض هدايا عواشة في يوم ميلادها








ومابي منكم الا دعوة طيبة بظهر الغيب لعيالي
الله لا يحرمني منهم ويبارك لي فيهم.. آمين F:



F: