شلون أخبر صديقتى او ما اخبرها!!

والله ياقلبي
الموقف صعب
والله يعينك
واضح من كلامك انها ماراح تصدقك لو قلتي لها
والله ياقلبي
الصراحه مادري وش اقولك
لو قلتي لها وانكر زوجها راح تصدق ممكن زوجها
وتفهمك غلط انك تبين تفرقين بينهم

وان سكتي ممكن زوجها يتمادى وتصير الضعيفه الماء يمشي من تحتها وهي ماهي داريه

بس انتي شوفي صديقتي حاولي تسالين ان لو لاقدر الله زوجك
بالصدفه لقيتيه وش بيكون موفقك؟؟

وشوفي وش تقول ...

وانتي حاولي تمهدين لها او تخلين مثل وحده من خواتها تقولها لان
اهلها راح تصدقهم...

والله يوفقك ويسر امورك

مسكينه صديقتج تكســر الخـــاطر ..


بس يمكن ينكـــر ويقلب الموضوع عليج اذا قلتي لها ..


من الافضل انج ماتقولين والايــــام بتكشفه لها ...

انا وجهة نظري ان اذا قلتي لها يمكن تصير بينكم حساسية وخصوصاً إنه جاء يبرر لج الموقف ويمكن يقول انج تبين تسببين مشاكل بينهم او شي
حاولي تنبهينها بس بطريقة غير مباشرة يعني مثلاً كانك تسأليتها عن زوجها وعلاقتها معاه وحياتهم شلون" طبعاً اذا كانت كلوز" وفي نفس الوقت تقولين لها ان الرجال مالهم أمان ومن هالنوع وحطي بالج على زوجج من باب النصيحة

والأفضل من وجهة نظري حتى لو هي تعور قلبج وتكسر خاطرج إن هي تكتشف بروحها ... والشي بيتخبى يوم ويومين وسنة وسنتين مو أكثر بينكشف بينكشف بس لايصير هالشي من صوبج

والله يهدي الرجال والحريم يارب ويتقون الله في السر والعلن

الموقف صعب حيييييييييييل الله يعينج والله شلون بتصرفيييييييين


بس باقولج حرام ان رفيجتج يصير لها جذي


تخيلي ريلها المحترم ينقل لها مرض !!! بتقولين لي مو لذي الدرجة بقولج لا

يطلع مع بنات تالي الليل واشكالهم هلون شيبي منهم ؟؟؟؟ بالعقل يعني


فحرام اذا تحبين رفيجتج خلها تعرف.... على الاقل لو ما تعرف منج تعرف من حد ثاني وبطريقة انج ما تدخلين بالموضوع


يعني ماعرف شلون بس دوري لج طريقة انها تعرف بسوالف ريلها بس بدون ما يكون من طرفج ابداااا


الله يعينها.... الريايل صار ما يملي عيننهم غير الحرام

موقفك صعب بالمرهـ
ومالك إلا تدخلين طرف ثالث
بالسالفه وهو يفهمها بطريقته
وإنتبهي من زوج صديقتك
لايحاول يشوهـ صورتك
عندها حتى مايكون لك عليها
طريق،لان الاشكال هذي توقعي
منها كل شي.

مسكينة ما أصعب الوحده تكون مأمنه لزوجها ومطمنة وهو يلعب من وراها

قلة ضمير والله ..

شوفي اذا بدك ابعتليها فاعل خير ..

يعني وحده تتضل فيها تقلها انتبهي من زوجك

وهي حتى اذا ما صدق حيصيبها شك وتفتش وراه واكيد حتكشفه

وهيك انتي ما بتكوني بالصورة .. ما بعرف بس صعبة انو انتي تخبريها !!

انصحج نصيحة لا تخبرين صديقتج ولا تقولين لها

اولا ما راح تصدقج ويمكن زوجها ينتقم منج وتصير مشاكل وبلاوي انتي غنية عنها

وانتوا صديقات تحبون بعضكم فاذا قلتي لها علاقتكم ببعض راح تنتهي بسبب شي انتي مالج علاقة فيه

اللي يبي يسويه خله يسويه خايف منج ما خاف من الله بيخاف منج ما يدري ان الله يفضح يمهل ولا يهمل

مالج علاقة فيهم شدعوة بتصدقج اكيد بتقول غيرانه مني لاني متزوجة وعندي عيال ومستانسة او بتسمعج كلام جارح وحتى لو صدقتج شدعوة زوجها بيقول الصج

يالله الله يعييييييييييييييييينك ويعينها بعد
بس شووفي افضل شي انك تقولين لوحده من خواتها وحاولي تثبتين لها صحة كلامك عني مثلا تدقين ع زوج صديقتك وتقولين لي انا راح اسكت عشان غلاتك صديقتي بس احلف انك ماتكررها وحاولي انك تقولين له اهي مو مقصره معك ماله داعي تسوي كذا >> وبهالووقت خلي اخت صديقتك موجود وتسمعه .. او شووفي اي طريقه ثانيه بس المهم تثبتين لهاا صحة الشي اللي بتقولينه عشان اختها تعررف تصرف من دوون مايجي شي منك ولاااتنسين ان الساكت عن الحق شيطان اخررس والعياذ يالله وانتي معك حق بس وصليه الطريقه الصحيحه

قسم عوررني قلبي عليهاا

مووفقه وتكفين خبرينا بأي جديد يصير بالموضووع

الله يستر عليها صديقتك والله حزنتني :(والله العظيم الرجال حرام عليهم يسون كذا بقلوبنا حرااام
هاذي اخره العشره :(واسفاه ياحيف على هالرجال:(:(
يبي اسره وزوجه وعائله سعيده ويبي ياكل ويشرب ويعيش متهني وحرمه تتدلع فيه فوق هذا مايملي عيونهم شئ :(:(:(

والله الواحد مايدري وشيقول بس :(:(:'(




حطيت نفسي مكانها صراحه قويــــه تجي اعز صديقه عندي وتقولي ياكادي انتبهي لزوجك شفناه بالمطار مع بنات اشكالهم قرررف :'(
وش راح تكون ردت فعلي جدااا قوويه واتفشل بعد من صديقتي وش اقول لها :'(
بس انا اصدق صديقتي صراحه لاني عارفه هي مين ؟ واعرف معزتي عندها واعرف خوفها علي :'(
يعني لو قالت بيكون بيني وبينه شجاار قووي قووي لانه الامر مو بس انا الي عرفته كمان الناس عرفوه يعني فضيحه :'(:'(
ممكن نتصالح بس بيبقى شئ بنفسي انو يوم من الايام صديقتي قالت لي عن زوجي شئ :'(


بس راااح اعذرها لانو خايفه علي اكييييييد وتحب لي الخيييييير :'(

فاتوقع انك لابد تقولي لصديقتك وتبري ذمتك:(

بس بعد ماتسأليها وين كان زوجك ذاك اليوم واسأليها بعض الاسئله
وقولي طيب بحكي لك حكايه عن وحده من المعارف من الاهل وقولي لها القصه ع اساس انو مو هي ولا زوجها
وخليها هي تنصحك برايها وبعدين قولي واذا قلت لك هذا الرجل زوجك وهاذي القريبه الغاليه علي والي احبلها الخير صدقيتي انتي

وشوفي هاذي الطريقه تقلل شوي من الصدمه لانو مو هين تبلغيها بشئ مثل كذا اخاف تنهار
فمهدي لها بالبدايه والله يهديه زوجهاا لها ويسخره لها


وخليها ماتقوله او تبين له بس خليها تحط بالها لانو اخاف لو دري انها داريه يتمادى ومايخاف منها:(
فخليها تراقبه الاول لين يطيح بشر اعماله والله يخليهم لبعض ويبعد عنه بنات الحرام ياااااارب:(F:F:F:

هلا والله عزيزتي..
انا من رايي ماتخبريها..لانه احتمال تنقلب السالفه عليكـ..
ولكن حرام إنها تظل مغشوشه..بس بعد حرام بعد نكران زوجها تنفصل صداقتكمـ..
انزين حبيبتي انتي لما شفتيه وسلم عليك وتدكرتي صاحبتك ليش مارحتي مكان شوي بعيد؟؟
وصورتيه من بعيد..
علشان تروحي تقولي لزوجته ولو نكر ع طول تعطيها مقطع الفيديو تبعك؟؟
يمكن مافكرتي فيها..
عموما حبيبتي لاتخبرينها ببشي احسن لك ولها تريح بالها بعد
وادري انك مالك قلب تشوفي صاحبتك مع ريلها وبكل راحه وهو من وراها اعوذ بالله
بس انتي مالك دخل في علاقتهم الزوجيه..
لانه لو صار ماصار مثلا الله لايقولها وتطلقت بيقولوا السبب.."صــاحــبــتهــا"
فخلك بعيدهـ عن هالاشياء وكأنك ماشفتين شي..
ولاتخلي الشك يدخل في راسها..
وهو انسان زفت صحيح..لانه ادا هالمره
طالع وياهم مكان عام..
الجايات ماتدري وين بيروح وويش بيسوي..
الله يعينها عليها يارب..
والله يستر عليها وعليكـ.
ويبعد عنه هو بنات الحرام..
ولو انتي تكلميه عن هالشي..
إن الا يسويه حرام..ويكلم بنات من ورى زوجته وهي موب مقصرهـ معاه..
وقولي له ترا عندي مقطع فيديو وانت مع البنات او من هالكلامـ..
جيبيه بإسلوب التهديد..
ووهو بيخاف من المقطع او كدا ان شاء الله..
لانه الظاهر هو يحب زوجته مره لكدا قال لك لاتخبرينها علشان لاينفصلوا عن بعض..
الله يخليهم لبعض ويوفقهم يارب..
اتمنى افدتك في شي عزيزتي؟

:confused:والله الله يساعدصديقتك على هذا الزوج الخاين والله اعلم
بس انا راي تخبريها تقوليلها بالاول :I:شفت زوج صديقة ليه ....للاخر ولاتخبريها هي:I:
وشوفي ردت فعلها شو؟واذا كالت كوليلها بصراحة :L: حلفيها تتصرف بحكمة وتخبر زوجها على اساس زوج وحدت من صديقاتها او اختها هي الي شافته لان اكيد عند غيرطلعات وهذه مو اول مرة متـــــــــــــــــعـــــــــــــود:mad:

تقدري انك تتصلي بيها عن طريق اي شخص ويخبرها بصفة وحدةثانية وياريت هي تراقب زوجها لاسبوع:thumbs_up:
وهل حالة تكوني خبرتيها وانت مرتاحة:thumbs_up:

اني من راي لاتخبرينها وخليها مرادها بتعرف وبتكشفه وحتي لوا صادته لاتقولين جفتينه سكتي علي الموضوع لاتفتحين لش ابواب الله يهديهم اهلها والكل لوا انهدمت حياتها بقولون انتي السبب الله يهديه

من ستر مؤمنا في الدنيا ستره الله يوم القيامة ...
اسكتي عن الموضوع ...ولاتقلبين حياة صديقتك ... ولا تهدين بيت اساسه مو ثابت ... خلي الامور بايد ربك الكريم الرحيم

يمكن بعد ما شافك يتوب ويخاف ... والله يعينها صديقتك ... صدق الرجال ما لهم امان

لا دخلين نفسج في مشاكل وكانج ما شفتي شي والله يستر عليهم

حرام ما تقولين لها
وذيل الكلب ما يعتدل
موقفك صعب صعب حييييل
بس لو كنت مكانج بخبرها والي فيها فيها اهم شي انها تحط هالشي في بالها وتتصرف قبل لا اهو يتعود على هالاسلوب اكثر واكثر ويصير مدمن وما يخلي البنات
واكون جذي ريحت ضميري واهي لازم بتعرف وافضل لها تعرف وما تظل مغشوشه
الله يهدي القلوب

والله يهدي زوجها ..

حرام ما تقولين لها
وذيل الكلب ما يعتدل
موقفك صعب صعب حييييل
بس لو كنت مكانج بخبرها والي فيها فيها اهم شي انها تحط هالشي في بالها وتتصرف قبل لا اهو يتعود على هالاسلوب اكثر واكثر ويصير مدمن وما يخلي البنات
واكون جذي ريحت ضميري واهي لازم بتعرف وافضل لها تعرف وما تظل مغشوشه
الله يهدي القلوب

والله يهدي زوجها ..

لا تقولي لها, و اذا الله اراد انها تعرف بيخلق لها الاسباب. لا تورطي نفسج و تتسببي في مشاكل بينكم و بتخرينها و بتكسبي عداوة الرجال. يمكن الله يهديه, على الاقل انه مو مقصر معاها مثل ما قلتي

موقفك كثيييييييير صعب

اذا افكر فيه اقول الاحسن ما تخربي بيتها ويمكن يتغير م نفسه خصوصا بعد ما نحط بهذي الموقف وفي احد شافه

وبجهه ثانيه اقول ليش تخلين صديقتك مو داريه بشي وهو يغلط بحقها

بس اظن الاحسن لا تخبريها ولا تفتحي الموضوع مع زوجها نهائيا اهو بيخاف بيقول ممكن انتي خبرتيه وزوجته تحاول تمسك الدليل بعينها ف عشان كذا يمكن يتوب وما يعيدها لا تخربين بيتها اكيد راح يصير كثير مشاكل بينهم

الله يهدي زوجها ويسخره لها