تغير وضعية الجنين في الاسبوع ال34،، ساعدوني

السلام عليكم

عندي موضوع شاغل بالي ،، فبدخل بالموضوع على طول:o

القصة تقول ، اني حامل في الاسبوع ال34 و5 أيام، يعني على مشارف التاسع
وكان راس البيبي تحت وكل شي عندي اوكي، وحتى تأكدت من الدكتورة عن راس الجنين قالت تحت، بعدها باسبوعين الا هو امس رحت موعد الزيارة الا تقول لي الدكتورة الجنين بالعرض ، وعلى طول حولتني على مستشفى السلمانية بس عطوني موعد بعيد 3-1، فقالت مايصير لأنك بتكوني 38 اسبوع، فقالت لي روحي الطورائ افضل ، يمكن تحصلي موعد قريب، رحت و جيكت الدكتورة بالالتراساوند الا راس الجنين فوق، في البداية قالت لي كل شي اوكي وطبيعي انه يتحرك في هالفترة ومايستقر، بعدها راحت تحدد لي موعد لقيصرية من غير حتى ماتخبرني!! تقول اي لأنه مانضمن حزة الولادة تكون تكون وضعية الجنين مناسبة لولادة طبيعية، وحددت العملية قبل موعد الولادة الاساسي باسبوعين وبعد اصراري اني مارضيت، قلت لها ابي يوم موعدي، يمكن يتغير وينولد طبيعي ، ولو على افتراض ان وضعيته ماناسبت الطبيعي بعدين افكر اما الحينفي القيصرية، لااااااا، وبما انها مصرة، حددت لي قيصرية على يوم موعد ولادتي ، مصرة على القيصرية ماادري ليش وعلى فكرة سوت لي تخطيط بحثا عن الم او بداية طلق على الرغم من اني مادخلت التاسع وقلت لها ماعندي الم ماصدقت، :confused: لكن طلع التخطيط ممتاز:)
الحين سؤالي، اروح خاص اجيك الوضع كل فترة لو اترك الموضوع لين موعدي بعد 20 يوم!!!