المقادير
2 ك عدس اصفر
بصله متوسطه مقطعه
طمطمايه صغيره مقطعه
2 فص توم مقطع
قرن فلفل حامى مقطع
جزره متوسطه مقطعه
ملح _ كمون _ شطه
1/2 ك شعيريه
بصله متوسطه
2 فص توم
الطريقه
نغسل العدس كويس ونصفيه
نحط العدس والبصله والجزره والطماطم والفلفل والتوم فى حله مع مايه على النار علشان نسلقه مع الملح والكمون والشطه
لما يبدا يغلى نشيل الرغاوى البيضه اللى على الوش ونوطى النار عليه ونسيبه لحد ما يستوى
لما يستوى كويس نضربه بالخلاط او الهاند بليندر
وبعدين نصفيه ونرجعه على النار تانى
فى طاسه على النار نحط شويه زيت او سمنه ونحمر فيها الشعريه ولما تتحمر نضيفها عليه
وعلى ما تستوى الشعيريه فى الشوربه فى طاسه تانيه نجهز الطشه :-o ودى اهم حاجه فى العدس طبعااااااااااا هههههه
وهى عباره عن البصله الصغيره مقطعه صغير قووى وتحطها على النار فى شويه ويت او سمنه لحد ما تبدا تصفر وبعدين نحط عليها فصين توم مببشورين لحد ما يتحمروا كويس ونحصهم على العدس (( للاسف الصوره بتاعت الخطوه دى مش واضحه خالص ))
سمك و قوام الشوربه انتى اللى بتحدديه حسب ذوقك يعنى ممكن توزديها مايه او تسيها على النار لحد ما تتقل
وبتتقدم مع عيش محمص بالزبده ((ودا بيتعمل تفتحى الرغيف نصين الوش لوحدوا والضهر لوحدوا وندهن كل وش بالسمنه كويس يعنى تديلوا حقوا علشان يتحمص كويس وبعدين تحطوا تحت الشوايه لحد ما يتحمص مع التقليب على الوجهين))
ودا الشكل النهائى للشوربه مع العيش المحمص المكسر والبصل الاخضر وليمون
ودا زوووم على الشوربه
وبالهناء والشفاء ويا ريت تعجبكوا وتجربوها بس مش تنسوا عاوزه شويه دعوات حلوه كدا وتقيمات بقى مش هوصيكوا ;) هههههه
