ولدي متسلط علي لاحول ولاقوة الا بالله

الله يسامحج
الي يشوفج تتكلمين عن ولدج يقول انه رجل بالغ
ولدج صغير
ولازم تعاقبينه بالاشياء الي يحبها
وحاولي تخبرينه ان الي يضرب امه ما يدخل الجنه
ولا تنسين تدعيله طول الوقت ان ربي يصلحه ويهديه لك واستغفري كثير بنية هدايته
ومع الاستمرار تقدري تعدلي من سلوكه السيء
الله يصلحه لك

لاتضايقين مهما كان هو بعده صغير وبعدين انتي امه واكيد يحبج .. بس الياهل ساعات يتصرفون بعصبيه ... حاولي تكلمينه واذا مافاد عاقبيه .. الله يخليه لج

شيء طبيعي حبوبة انه تصرفات الاطفال في بعض الاحيان تصير :thumbs_down::thumbs_down:

وحتى بعمر سنة بعض الاطفال يمدون يدهم على غيرهم ...


يعني للحين ما يعون تصرفاتهم ..


انتي حاولي معاه بالطيب ودائما حاولي تشغلينه بشيء غير لو حاول يمد يده بدون ما تعصبين عليه


وفهميه انه الضرب شيء خطا وما يصير تعلمينه ان هالضرب خطا وتضربينه

حاولي تعاقبينه لو سوى شيء غلط بزاوية العقاب او بيني له انش زعلااااااااانة وما تكلمينه


والله يخلييييييييييييه ان شاء الله

اااااااااامبن

لاتلوموني بنات من حبي وشفقتي عليه وربي ماعطاني غيره

عادي ولدي الله يحفظه عمره سنه ونص يمديده علي اذا زعلته الطفل يعبر عن الي بداخله بهذي الحركات ماله حول ولا قوه لكن بشرط ماتطور وتكون على طول حاولي تكلمينه انو مايصير وعيب وهكذا وهو صغير ولدك لا تحطين في بالك وادعيله في صلاتك والله يرزقنا برهم امين

لا تزعلي منه يا قلبي هدا ولدك فلذة كبدك .. الله يهدي و يحفظه و يخليه لك

يمكن انتي مضغوطة و بتمري بأوقات عصيبة مشان هيك مانك قادرة تستحملي

بس مهما كان مو لزم تقولي بكرهو .. أنا عارفة انك مو قصدك يها !

بس حبيبتي هو لسة عمره 4 سنين يعني لسة مبيعرف شي بعده طفل و يحتاج منك الرعاية و التوجيه

الله يهديه ديماً ادعي لربك ... و إن شاء الله لم يكبر يكون بر بك و يشيلك فوق راسه

لا تنسني من دعواتك لي بالدورية الصالحة أنا محرومة !

جربي نصائح الاخوات من تطبيق ركن العقاب او الحرمان وانا متأكدة من النتيجة بترضيج

تعرفين .. قسم بالله يوم قريت العنوان
فكرت ان ولدج بعمر العشرينات او اكبر !

ما استصغر همج ومصيبتج ..
لكن انتي مكبره الموضوع ..

ولدج غير متسلط
ولدج عنيد
ويبي له تكسرين شوكته
عاد شلون ..
ماعندي خبره لكن اقري وتثقفي والحريم ما بيقصرون معاج

الله يهديه لج

سامحينى اختى على الكلام اللي بقوله ,,,,, احيانا الدلع الزائد للطفل هواللى يخليه يتصرف هالتصرف , حتى انه البكر وما عندك غيرة المفروض من البدايه انك تعاقبينه مو تخلينه على كيفه صج انتين تخافين عليه وهذا ضناك وصغير في نفس الوقت بس من الحين شدى عليه وعاقبيه فى البدايه خليه يعرف ان هالتصرف عيب وتكلمي وياه واقرئ ليه قصص عن احترام الكبار والله يهديه ان شاء الله . ولا تزعلين من كلامى .

والله ع بالي كبير
حرام توه صغير توه يربى
انتي علميه الصح والغلط مو هو يفرض عليج الي يبيه وخلاص غلط حبيبتي
الله يهديه لج انشالله

اولا اختي الله يهديه لكي
ثانيا انتبهي من الرسوم المتحركة اللي يتابعها
أنصحك تشتري كتاب المربية المثالية سوبر ناني لها تعلمك شلون تتعاملي مع ولدك بهذا العمر
ثالثا أبدا لا تتهاوشين مع زوجك امام ولدك لان الأولاد يقلدون الكبار
رابعا اشتري له سيديات تعليمية وخليها له حببيه بالكلام الحلو والمكافات اذا صار مؤدب
خامسا في قناة اناشيد اسمها طه دائماً يخلون فيها عن اناشيد الام خليها له عشان يتعلم
حاولي تلعبين معاه واذا ضربك ازعلي ولا تكلمينه
ولدك للحين صغير تقدري وتتحكمي فيه

بارك الله فيكم استفدت من نصايحكم

الله يهديه ويصلحه .. انا ولدي عمره سنتين و7 شهور .. ويمد يده على أي أحد يعترض عليه بشئ ..!!

طفل .. ما عليه شرهه .. لكن عليك توجيهه للصح والخطأ باللين ..

وعاقبيه لو عرف يميز بين الصح والخطأ ..

وأهم أهم نقطة لازم تشوفينها .. هل زوجك في البيت يرفع صوته عليك ؟ أو أبوك ؟ أو أخوانك ؟..!!!

ترى الطفل .. خاصة " الولد " دايماً يقلد تصرفات أبوه تجاه أمه ..

انتي شوفي كيف زوجك يتصرف ومن تصرفاته بتعرفين سبب مد اليد اللي عند ولدك .. !!

:)

يا اختي استهدي بالله و لا تحسين ان هذا الشي تمرين فيه بروحش من دون كل الناس ترى كل الأطفال جدي و الطفل طفل ما يختلف اذا امه عانت او لا ولا يفرق اذا كبر بيهدأ ان شاء الله و يبرش ان شاء الله

شوفي اني مع ولدي الأول بعد نفس الشي بس الفرق ان اني جبته من بداية زواجي ما تأخرت بس اكتشفنا لما صار سنه و 8 شهور انه عنده لين عظام و ما تتخيلين نفسيتنا شلون تعبت اني و ابوه و بكاء متواصل وعلى طول ادعية ونذورات و تحملنا تعليقات الناس ليش ما مشى و الي يقولون من زود متنه ما يقدر يمشي الصلاة على النبي مع ان كان جسمه مثل باقي الأطفال في سنه و معروف ان هالمرض يسبب العصبيه فقام يعض اذا اي احد يعصبه على طول يعضه وتبهدلت في هالفتره اقرب المقربين هواش ويايي بهالسبب ويتهموني ان ما اعرف اربي تخيلي!!!! لو ام من الغابات ما بترضى احد يقول لها هالكلام

كنت احس ديك الفتره احسها نهاية الدنيا

بس الحمد لله الله شافاه و صار طبيعي مثل باقي الأطفال و ترك العض عنه و استقرينا


لكن الحين صار عمره 4 سنوات مثل ولدش و احسه يطول لسانه بعض الأحيان مع ان يحبنا و حنووووون علينا اني و ابوه بس كل عمر له حالاته سمعت من اختي ان بعمر 4 سنوات يكون الطفل عنيد و كانت تشتكي من ولدها و الحين شفت هالشي بعيوني

ومثل ما قالت وحده من الامهات يعتمد على تصرفاتش وياه و اقول لش الدلع وعدم الجديه في العقاب او التراجع عن العقاب بسرعه يأثر

اني صح يعاندني و ممكن يرفع صوته او اي شي من هالقبيل بس مستحيل يمد ايده عليي لكن ابوه يمد ايده عليه لأن يدلعه و حتى لو يعاقبه بسرعه يتراجع من جدي يتجرأ عليه اكثر

مثل ما قالوا البنات اقول له قصص دائماً و قناة طه و غيرها على طول يطالعهم و اتقرب منه و اسولف وياه و كل شي بس بعد هذا شيء عابر و بيمر فلا تعقدين نفسش و لا تتكلمين و تتشكين عنه لاسمح الله يصير فيه شي ادعي له على طول بالهداية و الله يحفظه


طولت عليش بس حسيت ان تجربتش تشابه تجربتي

اذا كان زوجج يرفع صوته عليج قدام الولد فأكيد هو راح يقلد أبوه ، و أغلب الاطفال يسوون جذي
نصيحة حاولي تمسكي اعصابج و لا تضربينه أو تعصبين عليه ، أدري انه صعب بس حاولي و اذا غلط عليج امسكيه و كلميه كانج تكلمين واحد عاقل ترا هم يفهمون كل شي

بارك الله فيكم والله استفدت جدااا منكم ويارب يهديه ويهدي عيالكم ويرزقنا برهم
هي ياعمري يمل ولاعنده اخوان