انا انهاردة هانزل ليكم طريقة عمل المقلوبة بتاعتي
ودي تاني مرة اعرض طبق ياريت لو عجبتكم الطريقة تدوني رأيكم
وكمــــــــــــــــــــــــــــــــان تقيموني
نبدأ بالمقادير
1-كيلو بذنجان رومي
2-كيلو لحمة او ممكن فراخ
أنا عملتها بالفراخ بس هي أحلي باللحمة
3-جزرة مبشورة
4-4 بصلات كبار
5-رز بسمتي منقوع حسب العدد (انا عملت كوبيتين)
6-بهارات ملح-فلفل -معلقة ك قرفة-نصف م ص كركم-حبهان-ورق لورا
7-حمص شام للتزين او حسب الرغبة
الصورة من ع النت لان مش عارفة انزل الصور علي الكمبيوتر من موبايلي
الطريقة بقي
1-اول حاجة هانسلق الفراخ في ميه مغلية ونكون حاطين في المية وهي بتغلي بصلة كبيرة مقطعة جوانح وورق اللورا والحبهان وشوية فلفل اسمر
نسيبها لحد ماتستوي ونرفع الفراخ منها علي جنب
ولو هانعمل اللحمة الاول بنشوحها مع البصلة وشوية فلفل وبعد مالونها يغير نضيف المية وورق اللورا ونسيبها لما اللحمة تستوسي ونصفيها علي جنب
2-نقطع البذنجان شرايح سميكة سمكها تقريبا واحد سنتيمتر
نقليها في الزيت نص قلية يعني يادوب تبدأ في التحمير ونصفيها علي ورق نشاف
3-ونقطع باقي لبصل شرايح متوسطة ونقلية في الحلة اللي هانعمل فيها المقلوبةفي شوية زيت صغيرين لحد مايحمر ونشيلة نصفية علي ورق نشاف
4-ونحط مكانة الجزر المبشور نشوحة شوية ونرفعة علي جنب في طبق لوحده
5-نرفع علي النار المرقة اللي شلنا منها الفراخ ونحط معلقة كبيرة قرفة وملح حسب الرغبة ونسيبها لما تغلي
6-وهي بتغلي المرق نرص البذنجان في قاع الحلة بحيث انه يغطي القاع و الجوانب
وبعد كدة اللحمة (انا ماحطتش الفراخ لانها هاتتهري )
7-وبعد كدة البصل المحمر وبعد كده الجزر
و8-نضيف الرز بعد مانصفية ونخلط معاه الكركم
ونصب عليه المرقة المغلي لحد ما يغطي الرز ونغطي الحلي ونحطها علي نار عالية لحد مالرز يتشرب المرق وبعد كده نهدي النار خالص لحد مايستوي الرز
ونخلي بالنا وأحنا بنقلب مانقلبش لاخر الحلة عشان نخلي البذنجان مكانة .
8-انا بقي حمرت الفراخ اللي اتسلقت في الفرن مع بصل وطماطم وكانت لذيذة وقدمتها مع المقلوبة بجد روعة جربوها
بالهنا والشفا
ممكن تقيموني ماتنسوش