بقول لكم قصة حياتي كنت لاصقة بال TVزمان وامي كلة تعصب على وتقول بتنعمي من الشاشة يؤ يؤ مااخلى كرتون يتفوت علية وكنت اتضارب مع اعمامي وعماتي كنا ساكنى مع العيلة اول ومافية غير جهاز واحد هم يبغو الاخبار وبرنامج زمان مع الناس والناس والصيف وهروووج الكبار
وانا واخوي بس نبكي نبي الكرتون ,,,
المهم بحط لكم الصور وقصتي مع كل كرتون هههه:lol::lol:
1- سالي
<<محبوبة الكل والمظلومة الكل معنا كان يطالعها صغير وكبير كنت انقهر من حركات البنات معها تذكرني وانا صغيرة بحركات بنت المديرة وكنت اتمنى مثل عروستها لحد الحين ببالي على قد ماجمعت عرايس وانا صغيرة مااقتنعت ..
F:F:
2-بشار
بشار يابشار هيا الى العملي <<ههههههه ولا الكتب كل كرتون ودقتة براسي وجلس 90 حلقة ولا المسلسلات التركية وبالاخير مدرى لقى امة اولا
هالمسكين المحروم كرهت الدبور من هالمسلسل وصرت احب كل الحشرات واعطيها اكل
مابقى حشرة برا مادخلتها البيت واحط لها اكل واليوم الثاني ميتة وامي تخاصم اتضح اني اسكر عليها بعلبة واحط فى العلبة موية على بالى تشرب هههههههه
F:F:
3- الصياد رامي
هالبطل الى مابقى سمكها ماكبروها كانها حووووت بالمسلسل وكنا خايفين علية كل مانزل للموية والخوف كل مامر ببحيرة تطلع لة سمكة كانها بتاكلة ونجلس على اعصابنا لحد مايصيدها الى يضحك بالموضوع انة سويت لى سنارة انا واخوي ولو تدرو السنارة من وين بتفطسو ضحك كان عندنا بيت يبنى والعمال بيستخدمو ليات موية كان لونها برتقالى اذا تتذكرو واروح واسرق لى واحد واقصة بالنص بيني وبين اخوي وادق براس كل خرطوم موية مسمار واربط خيط وخلصت صار سنارة واروح لاابوي اقول ودنا للموية ابصيد سمك لانة عندنا بالجنوب اودية تتجمع فيها المويات ويكون فيها سمك صغاااااار مرة بعد الامطار وكم شهر وتجف المهم مسكين ابوي وربي كان مطول بالة علي ويودينا من قدنا ونجلس لحد المغرب ماصدنا شي ههههههههه
F:F:
4- الليث االابيض وسامبا مختلطة على الاثنين بس كانت حلوووووة
F:F:
5- الرمية الملتهبة
وسامي الصغيرووووون هو ورمياتة ولا يطلع من الكورة نار ولهب ومصدقين وابوي كان مدرب رياضة جلسنا فوق راسة لحد ماجب لنا كورة طايرة قلنا لا نبي مثل حقت سامي عليها شعار قام اخوي ورسم عليها واستغربنا مانقدر نمسكها وتنعفص بيدنا مثل هالبطل قال اخوي لازم نتدرب مثلة طفشت وتركت السالفة هههههههه
F:F:
6-روبن هود
وهل يخفى القمر اتذكرة وتونا بديت اكبر سادس ابتدائي اظن كان امير احلامي واغار من الى يحبوة بالكرتون البنات يعني ويوة اذا احد ضربة او طاح يوقف قلبي
F:F:
7- فلونة
كانت حلوة والترجمة بعد حلوة كانت خليجية بلغة عربية فصحى لها طابعها الحلو
بس ياحرام كانت عليهم معانة ..يحزنو .. ومن حبي لاي كرتون كنت اطبق كل شي معهم واعيش احداثهم المهم لا احد يضحك سوالفى غير شكل ...جدي الله يرحمة كان عندة مزرعة وكانت فيها شجرة كبيرة مرة بالمزرعة من جنب البركة حط فوقها لوح خشب كبير تصير ظل زين لة يجلس فيها ويتكي يرتاح لما كان يسقى المزرعة المهم فلونة كان لها بيت فوق الشجرة وانا صار لى بيت فوق الشجرة بمزرعة جدي هههههههههه ولا اخذت نص اغراض مطبخ جدي يقال لى بااعيش هناك واسوي مثل فلونة واذا جعت او جاء الليل هربت لبيت جدي
F:F:
8-كابتن رابح + ماجد
حدث ولا حرج انقلبت ولد بس امشي مع العيال والعب كورة وارفع رجلى لحد السماء يقال لى بقلد رميات الكابتن رابح رمية الصقر واجلس اتدرب واتدرب واروح معى ابوي لما يروح يحكم مباريات كورة بالمنطقة عشان اشوف واطبق وارجع البيت اخلى ابوي يدربي على الكورة ابوي استغرب من شوتات الكورة اتحمس قال ليش كذا قلت ابي اسوي مثل الكابتن ماجد فطس ضحك صدمني قال هذا كرتون مافية شي كذا تشوفيني وانا كبير اقدر اسوي كذا ..
F:F:
9- ماوكلي
عاد هذا بطل الغابة وخرو عنة
ولما كان صغير يرضع من الذيبة اقول ياحظة اذا رضع يعرف يتكلم مع الحيوانات
وجلست افكر عندنا بمزرعة جدي اروح اخذ من الماعز والغنم بس هذي مسكينة بصير مثلها ضعيفة ابي شي مفترس وقوي واروح لكلبة الحراسة يقال لى بمسكها ابي من حليبها وتخيلو هذاك اليوم بغيت اموت طردتني لحد ماقلت امييييييييين كانت الكلبة جديدة وماتعرفني وقف قلبي وطلعو علينا الجيران واهل جدي وامي وابوي وانا ابكي وابكي المهم كبر ماوكلي وصار معة ادات صيد الى هي العصا الملتفة عرفتوها واروح لعمي كان شاب وعلية حركات صيد قلت سوي لى مثلها مالى دخل قال كذب وماعندنا مثلها كيف اسوي لك ويروح يجيب لى عرجون من النخل صغير ومبسوطة فية انة ملفوف ومابقى احد ماصقعتة براسة فية ارمية يقال برجع لى وبس ضربت خلق الله فية تدرون وش الى قاهرني انة اخر حلقة ماشفتها على قد ماتابعت المسلسل بحماس وانقهرت مرة وقهرني عمي شافها وجلس يقول لى الاحداث وانا ابكي لانة هذاك اليوم كنت برحلة المهم العام شفتها على قناة سسبستون والحلقة الاخيرة بغيت اتجنن رجعت لاايام الطفولة ...
F:F:
سقى الله يوم انا طفلة الله مااحلى الطفولة وذكرياتها شكرا يالغائبة رجعتينا ايام حلوووة:'(
<<< بيتر هيا الى الجبل والماعز تبعها احلى شي الصغار 
