نعم او لا .. النظره الشرعيه

السلام عليكم ورحمة الله وبركاته


حبيت اقول لكم شو يصير معايه ها الفتره وابغي رايكم ومشورتكم


اول شي ان ولد عمي طلبني للزواج

لكن انا ما جفته من يوم كنت اصغيره يمكن من 10 سنوات
وانا الحين 19 سنه

طلبت اني اجوفه النظره الشرعيه .. وها من حقي ..
لكن استحي اظهر جدامه ففكر عمي يطرشه بيتنا بحجة انه اييب النا غرض معين
ويا ولد عمي وكنا فهذاك الوقت انا وامي برع البيت

خلصنا اغراضنا وصلنا البيت وحصلنا سياره واقفه جدام باب بيتنا
وكان هذا هو ولدعمي

نزل من السياره وتكلم مع الولده وانا دخلت بالسياره داخل البيت ..
كنت منزله دريشة السياره واسمع حسه وادوره في المناظر السياره ما كان ينجاف بالمره

والوقت كان لليل بعد
حاولت فيه امي تدخله البيت ما طاع بحجة انه عنده ملابسه ويبغي ياخذهم قبل لا يسكر المحل

وراح وانا بس سمعت حسه

وشعوري كان عادي وما كنت متقبلتنه بالمره ويت امي وقلت لي
عيوبه سبحان الله ...

انه شخص قصير و متين ومكرش .. لكن طيب ومسولفجي بعد

انا من قالت لي جذه امي ابد ما تقبلته وسويت طاف ولا كانه يا بيتنا وقلت لامي خلاص انا ما ابغيه جذه بس ها الي احس فيه

ومن بعدها قلت ما ابغي اظلمه واظلم نفسي دعيت ربي قبل ما ارقد قلت يارب لو كان هذا الشخص فيه الخير لي فحاتي وديني ويعوظني كل الي افتقدته طول ها السنين
ابغي احلم به واحس بتاجاه بشعور حلو حتى من بعد الحلم واميل صوبه اكثر

وما حلمت بشي ولا حسيت بشي مثل ما كانت الاوضاع

وبعدها قعدت العب لعبه جبت 2 فولومستر اصغار واحد وردي و الثاني اصفر
حطيت ف بالي الاصفر ولد عمي و الوردي مب لولد عمي.. وقعدت اخلط ابهم ولعبتها بكل امانه
كل ما اشل اللون الاصفر احس بشعور مب حلو وطبعا كنت مغمضه عيني ومركزه ع الشعور و الحساس وكنت ادعي ربي طول ما العب ها اللعبه
ولعبتها 7 مرات 6 وردي واحد اصفر (3 وردي واحد اصفر 3 وردي )


والين اليوم شعوري بتجاه مثل ما هو ما تغير
رغم امي قالت لي يا(.....) عمج يقول ان ولده يبغيج وجايفنج وهو بلسانه قال انا ابغي بنت عمي (.....) يعني حدد وبغاني انا
لكن كلامهم ما دخل مزاجي ولا اثر فيه بالعكس شعوري هو هو ما اميل صوبه بالمره



شو رايكم وشو اسوي بعد عسب اعرف اذا هي ولا لا ...