حب الانترنت والزواج

السلام عليكم ورحمة الله وبركآته

امممم مدري اذا هي مشكله أو وشو مدري بصراحه
بس حبيت أخذ رأيك فيها F:





أول شي آنه عمري 21 سنه
اما المشكله هي
هذا الله يسلمج آنه في الايميل ماستقبل إي ايميل الا لما آكون عارفته
وفي يوم جاني ايميل ماعرفه بس مدري ليه قبلتها الاضافه
آنزين صاحب الايميل طلع ولد كان في قمة الأخلاق المهم طبعاً آنه قلت له ابيك تحذفني وهو مايبي وظليت وياه آبيه يحذفني وإنو آنه خلاص بحذفه قال آوكي بس بطلبك قلت له وشو الا كتب آيميل آخته وقال آنه غرضي شريف وهذا ايميل آختي


ضحكت عليه قلت له تفكر مانعرف هالحركآت جايب لي ايميلك الثاني وتقول ايميل اختك وطبعاً قسم ليا إنو ايميل اخته وإنو اذا آنه ابي احذفه احذفه بس اهم شي اكلم آخته
آنه ماضفتها اليوم الثاني جاتني اضافه من ايميلها وقبلتها لأني وعدته آنه ماحب اجرح آحد أو افشل آحد عشان كذا وعدته

المهم لما كلمت آخته ظلت طول الوقت تقول ليا إنو اخوها حبني وعلى طول قال لها وقال لأمه يبي يخطبني :lol:
<< مسلسل تركي آدري :lol:


قلت لها شدعوه حب من خمس دقايق جان تقول ليا هذا اهوا يصير حب من أول نظره
المهم آنه كنت آكلم آخته عادي بس مع مرور الوقت حبيتها يعني حسيتهم اوادم ينحبوآ وحلوه الجلسه وياهم :L:


آنزين عقبها بأسبوع آنه سافرت ولما جيت هم كانوا مسافرين
ورجعوآ طبعاً من أول محادثه وهم يبون رقم بيتنآ
آنه ماكنت مصدقه السالفه أقول شكو وين حنا فيه للعلم
<~ هم مش سعوديين


آنزين عقب قلت لاخته آنه ابي اكلمه ورجعته وكلمته وقلت له
إنو آحنآ ماعندنا كذآ ومايصير هالشي وأنت بتلاقي لك آحسن مني والله يوفقك اهوا قال ليا آنه احبج ليه تبي تعذبيني قلت له خلاص بتلاقي وحده آحسن اهوا طلع وراح اتصل على اخته لأنو اخته وأمه كانوا مسافرين

ودخلت اخته المسن وظل يقول لها ليش ماتبيني آنه احبها وشاريها ومن هالكلآم اخته تكلمه وتنسخ لي الكلآم
عقب تقول عصب وطلع وخلاها آنه خفت عليه يصير له شي
صحيح كنت ماني مصدقه السالفه وكأنها مقلب
بس حطيت احتمال إنو حقيقه وخفت عليه يصير له شي وآنه ابتلش


قلت لاخته اتصلي عليه وظلت تتصل وهو سكر فونه وبالموت لقيناه بعد مااخته اتصلت على اخوه الثاني
انزين قلت لها هم ابي آكلمه ورجعته وتكلمنا وتفاهمنآ مدري وش جاني وقبلت خلاص آكلمه يعني يظل بأيميلي


مادري صراحه كنت ماحبه بس مرتاحه له عقب اهوا مرض
وظل بالمستشفى اسبوع وكانت اخته كل يوم تقول ليا كلميه ترى اهوا محتاج لج هالحين ويبي وقفتج وياه
لانو حالته الصحيه كانت سيئه وبغى يروح من ايدينهم


كنت كل يوم آكلمه وآحآول آوقف وياه صار آوكي وطلع من المستشفى يومين بس عقب رجعت حالته تسوء آكثر وآكثر
ودوه المستشفى وقرروآ يسفرونـه وسافروا آنه مادري بديت آحبه أو مادري بصراحه

اللي ادري به إنو كنت كل يوم اصيح عشآنه وكنت خايفه عليه وآحآتيه عقب دخلت اخته المسن وقالت لي آنو صار آوكي الحمدلله عقب كم يوم صار يدخل المسن وآكلمه


هذآ كله بعلم آهلي يعني هم عارفين بالسالفه من البداييه
آنزين هو الحمدلله صار آوكي ورجع البلد بعد رمضان بعشرة ايام تقريباً
طبعاً هذا كله صار له اربعه شهور بسس يعني من عرفتهم اربعه بس
أهلي قالوا لآ تكلميه خلاص بس آنه وش سويت ظليت آكلمه لحد اليوم


وأقسم لج بالله العلي العظيم إني وآنه آكلمه كنت مش مرتاحه لأنو مخبيه عن اهلي وشلون آكلمه وهم مايدورن
بس قلت خلاص كفايه لآزم نحذف بعضنا انزين وكلمته وحذفته وحذفني
بس عقب ردينا لبعض :-#

آنزين اهوا كل يوم يحن إني اعطيهم الرقم لأنو غرضه شريف
بس آنه ماأرضى ليش ؟؟ آولاً من النت والطريقه مو حلوه

ثانياً : اهوا من وين وآنه من وين وبعدين اهلي مو موافقين يقولوا
شنقول للناس من النت جآ ؟؟!!!
بس يرجعوآ يقولوآ اذا من نصيبج بتأخذيينه


ثالثاً : بصراحه ولأني اعتبرج آختي ماراح آستحي منج آنه حبيته :o

صار لهم ايام وهم يحنون على الرقم وماني عارفه وش اسوي
إحس إني مرتاح له وآبيه :o بس مادري والله
ولأنو كله يجونآ خطاطيب ومن الله يروحوآ ولا يرجعوآ تقول امي
هم بيجون وبيروحوآ اذا يبوآ خليهم يجون يغيروآ جوهم متعقده فديتها خخخخخخخ :lol:


وبعد أمه ضافتني بالمسن وقالت لي ولدي يحبج ومن عرفج وهو يبيني اخطبج وإنتي فكري زين وآنه ماشفت منج الا كل خير واتمناج لولدي
شوفي آهلج وشوفي نفسج وعطينا الرد
وبس عقب فتره هم كلمته وقلت لهم خلاص احذفني وحذفني عشان راحتي بس آنه مادري ماقدرت آحذفه وكانت آمه تقول لي كلميه وتفاهمي وياه وكذآ
انزين وافقت ورديته ولحد هاليوم واحنا نكلم بعض واهلي مايدروآ إني آكلمه هالفتره
وأمه اقول لها آنه مابي آكلمه إحس كأنه نسوي شي غلط تقول آنه معاج
غلط بس دام أهله وأهلج عارفيين ماعليه
هم على بالهم أهلي يعرفوآ إني آكلمه :-#
وصحيح آنه آكلمه بس والله والله كل المحادثه مافيها شي غلط يعني مانتعدى الحدود
اهوا كل يوم يحن يبيني اعطي آخته الرقم وآنه اطول السالفه
يعني آنه شسمه :o واهلي مايبوآ ف ماادري ماادري
والله مادري شسوي بدنيتي آنه إحس إني ضااااااااااايعه وفي حيره كبيره وكلي على بعضي باللي سويته غلط اقصد إني كلمته يعني مشيت ورا مشاعري
والله مادري شسوووي :(

ايه صح آنه وياه نفس بعض يعني اقصد كبر بعض بس آنه آكبر منه بشهرين تقريباً
وطبعاً هو يدري وبعد على إني إحس احبه الا إني أفكر آقول مابيه لييش
اهما ماشاء الله من عائله الله منعم عليهم واحنا على قد حالنا الحمدلله
اقوله يقول آنه مابي شي ولا يهمني حتى شكلج مايهمني
آنه حبيت قلبج النظيف

آدري طولت عليج
يعطيج العافيه وانتظر ردج F: