طلبتكم لا تخيبوني

السلام عليكم خواتي العزيزات عضوات منتديات عروس

جيتكم وكلي أمل وثقة انكم مابتحرموني من نصائحكم المفيدة

مشكلتي طبعا مثل معظم البنات وزني الزايد

وزني في أقل من سنة زاد12 كيلو:'(

طولي 157سم
قبل كنت دبدوبة وحاولت انزل وزني بس عمري ماتعديت 62كيلو
وبرجيماتي كنت اوصل ل60 او 57كيلو الحمدلله

لكن المفاجأة يوم انخطبت
عقب اسبوع بس صار وزني 64:!!:
سكتت ماسويت شي لروحي
لكن عقب 4شهور تزوجت وهني صار وزني68-69
الناس الي ماشافوني لفترة طويلة تعجبوا وماعرفوني من كثر ماتغيرت

في شهر رمضان زدت طبعا وية القيمات حبيب قلبي 70 وحسيت اني بزيد أكثر
المهم .. بعد العيد وين وصلت؟؟ 72:thumbs_down:

قررت اني لازم انزل مايصير اظل على هالحال
خصوصا ان زوجي يطالع الشحوم الي عندي ويقول لي شوفي شلون وووو:o
وهو لما فكر يخطب قال لأهله يدورون له ع وحدة ضعيفة ورشيقة وانا الحين غير الي يبغاه
قبل عيد الأضحى بديت أصوم مستحب عشرة ذي الحجة وهني بديت أخفف أكل
يوم العيد كنت 72 وهذا دليل اني وصلت لأكثر من هالوزن لأني مستحيل اكون مانزلت ولا شي
بعدين بدأت ريجيمات لكن ماالتزمت
وهالأسبوع كنت اسوي رجيم الشوربة الحارقة والحمدلله كنت مصرة وعندي إرادة قوية اني مااخرب الرجيم
المهم لما وزنت تشققت من الفرح لأني صرت68.8:)
هذا مو وايد ف أكثر من شهر لكني كنت أتمنى أنزل عن ال70

الحين سؤالي شلون أثبت وزني بعد كل رجيم^o)

خايفة أرد أزيد وانا أبي أستمر عشان ما أتحبط

وأتمنى اني انضم لأي قروب وياكم حبيباتي
بس احس يعورني راسي لما ادور ع القروب المناسب لي بين الصفحات

سوو لي اعلانات عن قروباتكم الي مشتركين فيها
واذا في قروب بيفتح جديد بيكون تمام التمام

مشكورين وسامحوني طولت عليكم
سلامووو