كل عام وانتم بخير وعساها سنة فرح وفرج من كل هم
موضوعي يمكن البعض يعتبره سخيف لكن يشهد الله انه حيل هامني وصاير من اكبر المشاكل اللي قاعده اواجها
مشكلة السكن
متزوجة صارلي 18سنه واكبر عيالي في الثانويه العامة
ولهالحظات عايشة في شقة من ثلاث غرف وصالة صغيرة ومطبخ 3*3 وحمام واحد نصف بالدور اذا بغينا ندخلة
والله اني جادة من يصدق خليجية وبنت ديرة وعايشة بهالوضع والحمدلله على كل حال
عيالي ينامون بغرفة ضيقة 4*3 وعلى الارض
والصغار مشاركيني بغرفتي
والخدامة بالغرفة الصغيرة
والسالفة مو سالفة عدم الحصول على بيت السالفة ان امي كبرت وعايشة عند اخوي ومرت اخوي مو ذاك الزود معها دايما تضايقها ولاتحبني انا وخواتي واخواني الثانين كل واحد لاهي بعايلته
وامي ما ترتاح الا لي انا ولاني قادرة اجيبها عندي
زوجي على قدحاله ولا يقدر يشتري بيت البيوت عندنا حيل غاليه كأنها مبنية من ذهب فووق قدرتنا
حاول المسكين اكثر من مرة يتلمس او يبادل مع احد محد ساعده:thumbs_down:
ناس اقل مني في كل شي رزقهم الله البيوت كل بيت احلى من الثاني اشوف بيوتهم او اروح ابارك لهم ما ادري عن نفسي الا والدموع مغطية وجهي:'(
يطري علي الف طاري امي اللي مو قادرة اجيبها عندي ’عيالي اللي اسم الله عليهم كبروا ضاق عليهم المكان واشياء ثانية
الله كريم يعجل بالفرج