كيف أعرف إذا كانت رجل أبني مقوسه أرجوكم ساعدوني خايفه عليه

وديه عند دكتور اخصائي عشان ايطمنج وانشالله مافيه الا العافيه

حبيبتي الافضل تعرضينه على دكتور مختص .. وانشاء الله مافيه الا العافيه ...

في جهال طبيعي يكون عندهم تقوس وكل ما يكبرون يعتدل واحيانا يكون لمشكلة معينة
اعتقد احسن حل تعرضينه عالدكتور وهو راح يقرر وضعه ان كان طبيعي او لا
وما عليه شر ان شاء الله

ان شاء الله مافيه الا العافيه

ان شاء الله ما فيه اى شئ ويكون عادى .

تسلمون حبايبي إن شاء الله ما يكون فيه شي أول بيبي وكل شي جديد عليه

الله يكون فعون الجميع يارب

ما عليه شر الحبوب

امم بسالش ليش تعطينه فيتامين د

بوصفه الدكتور او من عندش ؟؟؟ >> افكر اعطي بنتي بس محتارة وخصوصا الدكتورة ابدا ما ذكرت الفيتامين الى بنتي

وعن التقوس يصير رجل الطفل مايلة للداخل بشكل واضح اما اذا اشوي او غير ملااحظ يعتبر طبيعي وهذا من قلة توازن الطفل

ومع المشي راش يمشي طبيعي

بس ما يمنع ان تعرضينه على الدكتور افضل :)

خيوو كلش عادي

لانه اول مايمشي الجاهل مايمشي عدل

وتكون رجوله جدي

اني حمود اول مامشى جدي وغربلوني المستشفى يقولون ليي رجوله مقوسه ولازم تودينه علاج طبيعي

الحين مشيته كلش عاديه ولافيهم شي رجايله

ورد انعادت ليي نفس السالفه

الحين حسون يمشي ويبطل رجول مثل الافشح والكل لوع جبدي يقولون ليي رجايله مقوسه

بس اني ماعليي منهم عقب فترة بصير عادي مثل اخوه

ياسمينه

إذا ترضعين ولدج طبيعي وما كنت تعرضينه للشمس كثير لازم تعطينه الفيتامين دال لأن حليب الام لا يحتوي على هذا الفيتامين

وهو ضروري لإمتصاص الكالسيوم

يعني العظام ما تمتص الكالسيوم إلا إذا توفر فيتامين دال

وتسلمين حبيبتي

حبي

تسلميييييين ي قلبي طمنتيني الله يطمن قلبج وفعلا ولدي ضعيف البنيه يمكن عشان جي

والله يعطيج الصحه إنتي وعيالج يارب

انا ولدي كان عنده تقوس اول مامشى عرضته للشمس ومعا الوقت صارت رجوله عاديه يعني لاتخافين اكثر الاطفال اول مايمشون تصير ارجولهم مثل المقوسه وشوي شوي تصير طبيعيه واذا تبين ترتاحين اكثر اعرضيه على دكتور معا اني اشوف ان الحاله طبيعيه

أفدتوني كثير جزاكم الله خير

^^

والله يعطيكم الصحه أنتو وعيالكم يارب

انا ولدي عندو تقوس برجوله لاحظت لما بدء يمشي من عشر اشهر او يوقف عرضته للدكتور سوى له اشعه قال فعلا عنو تقوس خفيف
كتبله فيتامين د وتعريضه للشمس ع طول
بس الفتامين بس شهر قالي استخدميه
ولدي الان سنه وخمس اشهر ومازالت رجوله متقوسه ويمشي تمام بس رجوله مايله مدري وش اسوووي

ماعطيته فيتامين د كثير والشمس ماعندي بالشقه
بس بروح اشتري واعطيه 6 اشهر مثلك وان شاء الله يارب ربي يشفي ولدي وولدك:'(:'(

اختي اكيد انتي توديه المستشفى حق التطيعمات وهناك يفحصونه كامل لو كان تشوه خلقي لا سمح الله بيعرفونه من قبل بس هذا شي عادي ..لان عضلاتهم بعدها ما تشكلت وعظامهم موب ذاك الزود قوية مع المشي بتحسينه تعدل انا ولدي ما شاء الله عليه مشى بسرعة من عمر 9 شهور وكان عنده تقوس خفيف بس الحين راح وصار حده طبيعي ..
ما عليه شر ان شاء الله ..الله يطمن قلبج عليه يارب