المعلومات اللي هقولهالكم من طبيب بيطري كنت وديت عنده روبي مره تاخد التطعيمات .
1-اولا القطه كائن نظيف جدا وبتتعود علي اللي انتي عاوزاه زي الطفل بالضبط يعني القطه اذا عرفتيها مكان الحمام(اعزكم الله )هتتعود علي مكانه ولا يمكن تعمل براه وكمان الطبق اللي بتاكل او بتشرب فيه والمكان اللي بتنام فيه وكده.كل ده بتعرفه بالتعود.
2-كل يوم الصبح لازم تمسحي عيونها بميه دافيه علي القطنه طبعا.
3-النظافه بالماء والمطهر مثل السيتافلون او البيتادين او الديتول كل اسبوعين مره علي الاقل.
4-اهم شىء انك تبعدي الماء عن اذن القطه لان الماء عدو القطه واذا دخل في ودانها هتموت.
5-التسريح دائما بالفرشاه الخاصه بالقطه وهي متوفره في محال بيع القطط والسمك ومحتاجاتهم.
6-للقطه تطعيمات خاصه كل اسبوعين تقريبا لكي لا تصاب بالطفيليات او الحشرات.
7-الحرص عي عدم تناول القطه للسمك الا كل اسبوع مره واحده فقط لان السمك يصيب القطه بتساقط الشعر علي عكس الشائع ان السمك هو الغذاء الوحيد للقطه.
8- القطه ممكن تعوديها كمان علي اكل البيت وخصوصا لو كانت لسه صغيره.
9-بعد الشاور لازم تنشفيها كويس جدا بالفوطه مش بالسيشوار ابدا ابدا.
10-ممكن تقصي للقطه اطراف الاظافر فقط يعني سن الظافر بشكل لا يتجاوز 2مللي لان باقي الظافر حي وممكن تحس بيه وتصرخ او تتجرح.
القطه تبدأ بالتزاوج من اول ما يكمل عمرها سنه والقطه الشيرازي في اول مره تولد 2 فقط وبعد كده ممكن يزيدوا.
ارجو انكم تكونو استفدتم ولو حصلت علي اي معلومات مش هبخل عليكم بس كمان لا تبخلو بتقييمي...F:F:F: