kanzy1;13907149:
انا حسيت ان البرشور الجديد عروضه مش مميزة اوى
بس الحاجات ال عجبتنى وعملت بيها اوردر منو
التندر كير
والكريم بتاع رائحة عرق القدم
الروج الثلاثى ده قلت اجربة شكله حلووووو اوى بس مخدتش بالى انو كان نازل بعرض اقل خمسة جنيه فى البروشو القديم
مع انى لسة طالبة حاجات من البرشور القديم يلا مش مهم مفرقتش الحمدلله انو مكنش سعره اقل بكتير
وكمان طلبت اقلام محدد العين الواحد ب39 وعليه واحد هدية طلبت اللون الرمادى والبنى
ولما يجى الاوردر الجديد هقولكم رأى فيه
اما القديم طلبت الكريم المضئ بتاع فيرى مى وروج فيرى مى
وماسكرا جوردانى ال غطاها بنى يارب تطلع حلوة؟ لو حد مجربها يقولى رائيه فيها؟
لانى انا مجربة ال كلها دهبى وكانت عجبانى اوى بس قربت تخلص
الاوردر بتاع الكتالوج القديم وصل النهاردة بس عند اختى لانها هى المشتركة فى الشركة
بخصوص البيس بتاع اوريفليم يا بنات ال هو الفيس بريمير
ده بيدى لون للوش وال مجرد لوشن للترطيب وبسسسسسس (شفاف يعنى)؟
بوصي هو مليان منتجات حلوة لكن للاسف عروضه مش حلوة يعني غاليين المفروض يعملو تخفيضات اكبر واعتقد ان في عروض داخلية هتنزل عالبرفيومز في نص الشهر التاني عشان يحركو المبيعات
التندر كير ممتاز طبعا
وكريم رائحة القدم المجموعة كلها روووووووووعة .. كريم القرفة دا يجنن بجد والجيل كولينج فالصيف ممتااااااااز
الروج الثلاثي شوفت درجاته وفيها الوان جميلة موت بس مش جربتهم لما تجبيه قوليلنا تقرير مفصل وياريت بالصور :D
اقلام العين تحفة بصراحة انا عندي الاسود والاخضر والازرق جنان .. خطيبة اخويا جابت الموف وطلع لونه فاتح يعني مش غامق خالص ياريت لما تجيبي الرمادي والبني تقوليلنا عجبوكي وباينين فالعين ولا الوانهم مش واضحة
الكريم المضيء دا جل ملون ومرطب جميل على فكرة وبينور الوش كان نازل في مجموعة فيجنز القديمة بس مشكلته عايز بشرة قمحية فاتحة مش بيضا اوي لانه ملون
روج فيري مي عامل زي روج فيجنز طبق الاصل بس الالوان مختلفة شوية .. بس نفس الكواليتي لازم ترطيب تحتيه
ماسكرا جيورداني اللي غطاها اسود دي للتطويل انما اللي غطاها دهبي للتكثيف
البرايمر بتاع اوريفليم عبارة عن لوشن ابيض بيتحط بيختفي تماما يعني شفاف
ومبروك عليكِ مقدما الاوردر بتاعك يا حبيبتي F::L:F:
mozynah;13907780:
مبروك الجزء الجديد
تتهني بمشترواتك ياانوش ان شاءالله:)
هو الكريم المضئ ده ينفع للبشرة الدهنيه ؟؟
الله يبارك فيك حبيبتي وتسلمي يارب
الكريم المضيء هو جيل خفيف مرطب وملون للبشرة
حلو اوي وبيدي لوك ناتشورال اكنك مرطبه وشك وحطاله فاونديشن خفيييييف وحتى الامورة ( مديرة عروس ) كانت مره دخلت وشكرت فيه جدا سوا هو او مجموعة جوز الهند بتاع الشعر
بس المهم قبل ما تجبيه تجربي لونه عشان هو ملون وممكن يغمقك
lasposadelnilo;13910046:
مبرووووووووووووووووووووك الجزي الجديد يابنات
انا اعلن الحرب على افون
هههههههههههه
وهركز مع اورفليم الفتره الجايه
انوشه ياقمر انا جبت كريم الاساس والمبارد
بس ش عرفت استعمل المبارد ازاي ياريت تقوليلي
وكريم الاساس انا شلته واقف في درفه الدولاب مع بقيه البرفانات وحاجات المكيب اللي بشيلها في كرتونه في الضرفه
كده كويس ولا يجراله حاجه
الله يبارك فيكِ يا قلبي
واه ايفون هتجننا بصراحة هنبقى ضحايا ايفون ههههههههههه
مبرووووووووك مشترياتك تتهني بيها يارب
المبارد اول واحد هتساوي بيه ضوافرك عادي زي المبارد العادية
التاني هتنعمي بيه سطح الضوافر والتالت هيلمع سطح الضوافر ويبان اكنك حطالها ملمع شفاف
وتمام كده طريقة التخزين سليمة 100% F:
lasposadelnilo;13910052:
اه على فكره جبت البرشور الجديد ومعلش يا انوش كان ليا كام سوال كده بخصوص حاجات من البرشور بليز ساعديني فيها ربنا يخليكي
انا كاتباهم بارقام الصفحات
اولا
مجموعه تفتيح البشره
الكريم للبشره العاديه واللوشن للبشره الدهنيه والصابونه اللي نازلين صفحه 55
ايه رايكم فيها
ثانيا
الماسكرا اللي في صفحه 63 بيوتي رفيليوشن
ثالثا
الروج اللي بالنكهات اللي نازل في صفحه 78 و 79
شكله جامد
وسعره كمان حلو
ايه رايك فيه يا انوش
ثابت وبيفضل ولا اي كلام
وفي كريم اساس كده نازل في صفحه 80 ب 29 جنيه بخلاصه التوت والزبادي
اختى بتفكر تجيبه وهي بشرتها دهنيه
وفي كمان ماسك مقوي للشهر نازل في صفحه 94 بزيت الزيتون ايش رايكم فيه وهوا بيناسب انهى نوع للشعر
وفي كمان معطر للناطق الحساسه بخلاصه زهره البرتقال في صفحه 109 ده حلو ولا ايه وبيستخدم ازاي
والهناد كريم والصابونه اللي بالربتقال اللي في ظهر الكتللوج من ورا
معش اسئلتي كتير
بس بيليز حاولو تسعادوني باللي تقدروا عليه
وخصوصا الروج اللي بالنكهات لاني كنت بفكر فيه من زمان وفرحت لما لقيته في اورفليم وبالسعر ده كمان فعاوزه اجيب منه كذا لون وانا بشرتي بيضه اجيب انهى
مجموعة التفتيح
الصابونة ممتازة ... الكريم حلو ... اللوشن مش اد كده
الماسكرا انا مش جربتها لكن في بنات بتحبها جداااااا واعتقد مزينه جايبه منها اللون الاخضر ياريت تفيدك فيها بردو :D
الجلوس اللي بالنكهات جميل جدا وكمان الجلوس اللي في صفحة 64 وااااااااااو اللي لونه اورانج بطعم المانجه واللي لونه بني بطعم التوفي ( التوفي بتاع اللبن يخبل ) والفوشيا بالفراولة دول اللي شميتهم بس على فكرة هو ملون اه بس لما يتحط تحسي اكنه شفاف يعني لونه فاتح موووووووووووت ... التاني اللي بالنكهات كنت جبت منه لخطيبة اخويا وبتقولي جميل بردو وهو مش روج يا قمر دا جلوس بيدي لمعة ملونة خفيف للشفايف
كريم الاساس بتاع فيري مي هيكون هو هو بتاع فيجنز القديم وانا مكنتش مقتنعه بيه بس في ناس بتقول حلو .. ممكن تعملوله تست الاول بس ماعتقدتش هيناسب البشرة الدهنية
ماسكات الشعر انا مش جربت منتجات شعر من اوريفليم خالص بس عايزة اجرب مجموعة جوز الهند خصوصا الشامبو ريحتة تجنننننننننننننننننن جوز هند اصلي اصلي :lol:
المعطر بتاع المنطقة الحساسة دا نازل جديد وهجيبه باذن الله شكله لذيذ ومنعش للمنطقة دي وبتستخدميه انك بترشيه عالمكان من برا طبعا
الكريم وصابونة البرتقال دول جداد بس انا عندي كريم منهم باللمون وريحته لمون فعلا هههههههههههه هما ميتوصوش بالروايح بصراحة F: