ولدي واللهايه

انا مو مجربة اقطع الهاية عن اولادي بعمر صغير يعني على السنتين

بالنسبة لابنك لا تعطينه اياها راح ياذيك يومين و بينسى

و اذا تبين رايي حرام بعدة صغير

بالتوفيق

بنتي قطعت اللهايه عنها بعمر ولدك تقريبا ..,,


قلتله نانا < اللهايه اكلتها ميااو < قطوة وارميها ورا واصيح اقلد القطوة واقول لها بححح بس الحلو ان بالبيت كان اطفال كثير وخليتها تلعب معاهم وتنسيها ..,,

حبووووووووووووووووبة نصيحة اذا تبين تقطعينها من الحين
انا تاذيت مع بنتي ما تركتها الا من فترة بسيطة
ولا بعد تعب وسهر بالليل معاها
عشان تنام بدونها فقطعيها الحين افضل

انا ودي اقطعها الحين لانو سمعت كثير ناس تأذوا بقطعها
وقلت دام ولدي بعده ماينتبه وبما انو ماياخذها غير اوقات بسيطه اقطعها احسن
بس مشكلته لما يبي يحاول ينام وهو على صدري لازم يمصها عاد لاداخ يرميها عادي
بس يبغاها وقت اللي يحاول
وامس حاولت اني اهزه ولا الهيه بالرضاعه مارضى يبيها
عطيتها ياها بس شويه إلا هو نايم
هل احط فيها مره قالي ريلي خل نحطها بالمره وراح يشوف طعمها مر ولا راح يبغاها .!
هل هي فكره حلوه

الغائبه .. الحاضره;13902159:
بنتي قطعت اللهايه عنها بعمر ولدك تقريبا ..,,


قلتله نانا < اللهايه اكلتها ميااو < قطوة وارميها ورا واصيح اقلد القطوة واقول لها بححح بس الحلو ان بالبيت كان اطفال كثير وخليتها تلعب معاهم وتنسيها ..,,

ولدي وايد صغير بعده مايفهم عشان اقول اكلتها القطوه ..؟
انا بعدوا شهرين

وتد

اووو صرنا امهات و قمنا نحط مواضيع في قسم التربيه :p

احس ولدش صغير يعني ما يحتاج مره ولا شي بس لا تعطينها اياه و خلاص اكيد بيصيح يوم يومين و خلاص يعني حتى لو حطيتين عليها شي صح بيرفضها بس بعد بيصيح نفس النتيجه

توه صغير خليها معاه اذا صار عمره 6 شهور او 7 قطعيها عنه

توه صغير وتقدرين تسيطرين عليه اقطعيه عنه وخلاص مايحتاج مرة بعدين حتى الحليب يكره

مسز عادل;13905995:
وتد

اووو صرنا امهات و قمنا نحط مواضيع في قسم التربيه :p

احس ولدش صغير يعني ما يحتاج مره ولا شي بس لا تعطينها اياه و خلاص اكيد بيصيح يوم يومين و خلاص يعني حتى لو حطيتين عليها شي صح بيرفضها بس بعد بيصيح نفس النتيجه

:01: ايه والله شفتي شلون
اها فهمت عليج .. انا الحين اجرب بالنهار مااعطيه ياها
واحاول اقللها عنه
بشوف حبه حبه وانشاء الله مايطولها معاي

ام السيدان
مشكوره حبيبتي بجرب انشاء الله

..

مكرونه
صعبه وايد اطولها الين 6 شهور بيكون كبر وتعلق فيها

نصيحة مني لج اذا اهوا مب صياح وايد قطعيها وافتكي

انا قطعتها عن ولدي وعمره بالضبط 4 شهور جم يوم قام يصيح ونساها

صديقتي وياي والدة وللحين بنتها تستخدمها ومتغربله مب قادرة تقطعها مع انها كملت سنيتن

اذا هو مومتعود عليها واجد ما بيكون قطاعها صعب ومثل ما قالوا البنات يعني يوم يومين بيصيح وبينزعج وبعدين بينساها

لكن الافضل تصبرين عليه شوي معروف ان الاطفال هالفترة يكونون عرضة للغازات بشكل كبير والمصاصة تساعده في تهديء اي آلام ممكن تسببها له الغازات فاذا ماكانت عنده هالمشكلة احس بيكون اوكي ان تقطعينها والله يوفقش ان شاء الله

انا مشكلتي اكبر من مشكلتك بكثييييييييييييييييييير
بنتي عمرها سنتين وشهرين وللحين متعلقه فيها ماتنام الا فيها واذا طاحت من فمها وصحت قعت تصيح تبيها مدري شلون اقطعها عنها تعبت وانا احاول وهي تفهم الحين
حطيت عليها بودره كاكاو وماعجبتها اطعم قالتلي روحي غسليها يعني تفهم بس مدري شلون اقطعها عنها
عشان كذا انصحك تقطعينها عن ولدك
مع اني ائيد ان اللهايه تخلي البيبي هادي بس فطامه عنها صعب
وربي يكون بعونا

تسلمون جميعاً ..
انا بديت رحلة فطامه منها

..

تقريري
اول يوم كان صياحه يعني ينبلع ومشيتها وتحملت << هذا كان يوم يحاول ينام
وصبرت على صياحه الين نام
ثاني يوم اللي هو امس اخ خ خ تعبني زاد صياحه بشكل مزعج تحملت عادي جداً
بس اللي خرب علي زوجي << مايبيني اشيلها عنه الحين
جا قال وش فيه يصيح عطيتيه لهايته قلت مايبي < < جذابه الام
ويوم زاد حيل ولدي اضطريت اعطيها اياها واول ماحطيتها بفمه جان ينام خخخ
شلتها على طول
بس يوم سدحته جلس ولاني كنت وايد تعبانه اضطريت اعطيه ياها مره ثانيه خذاها شوي ونام ..

..


سندرلا ..
عشان هيك انا ماودي انتظر لانه لو انتبه راح ابلش فيه
بما انو لسى مايفهم افضل وقت الحين
.
.
ضحكتيني يوم قلتي بودرة كاكاو الحين المفروض تحطين شي طعمه مقزز عشان تكرهه نهائي
بنتج تحتاج حرمان قوي يعني جربي نقعيها بمره خلي مره في صحن يمج وخليها فيها
وهي كل ماخذتها راح تشوف طعمها مو حلو ..

شوفي يا حبيبتي انسب ميعاد لترك التيتينا لما يكون عمر ابنك 6شهور وده علشان مايلحقش يتعلق بيها اوي لان ابني الكبير فضل متعلق بيها لحد ما كان عمره سنتين او كتر وعذبني لحد ما شالها

حرام ولدك صغير
خليه لمن يسير 9 شهور و بعدين اقطعيها

سندريلا الكون;13909881:
انا مشكلتي اكبر من مشكلتك بكثييييييييييييييييييير
بنتي عمرها سنتين وشهرين وللحين متعلقه فيها ماتنام الا فيها واذا طاحت من فمها وصحت قعت تصيح تبيها مدري شلون اقطعها عنها تعبت وانا احاول وهي تفهم الحين
حطيت عليها بودره كاكاو وماعجبتها اطعم قالتلي روحي غسليها يعني تفهم بس مدري شلون اقطعها عنها
عشان كذا انصحك تقطعينها عن ولدك
مع اني ائيد ان اللهايه تخلي البيبي هادي بس فطامه عنها صعب
وربي يكون بعونا

هلا خيتوو حبيت افديك بتجربي مع بنوتي في الهايه
طبعا بنوتي عمرها سنه ونص ومتعلقه مره في الهايه بس سويت حركه والحمدالله فادتها
وهي انك تقصين الهايه من النص وعطيها ايها

وهج فديتك واللله والفكره هذي بعد فكرت فيها بس مترردده اني اسويها
بس ان شاء الله اجربها
وصفي لي بنتك شلون كانت متعلقه فيها وشلون شعورها بعد ماشفتها مقصوصه

شوفي بنوتي متعلقه فيها مره حتي اكل ما تاكل ولاتشرب حليب كل تبي للهايه وقت النوم ماتنام لافيها
يوم كلمت سنه صرت احط الها ملح بس مافي فايده وبعدين صرت اعطتيها ايها وقت النوم وفاده شوي معي بس سافرت وتعبت وصرت اعطيها للهايه بس شفت بدت تكبر وبتكمل السنه ونص وقلت الزم افطمها وجلست احواس بالنت والقيت وحده مسويه نفس الحركه حق بنتها
صدق في البدايه خفت
اولا كانت عندي 2 للهايه طيب خذت وحدها منهم وقصيتها من النص كان ودي احط لج الصوره بس لاسف رميت للهايه
طبعا كانت في العصر بنوتي تنام وعطيتها ايها ماعجبها شكلها وحطتها بفمها ومصت ورمتها وصرت شوي شوي الين تعودت بدونها كل ماتطبها اعطيها ايها وترميها ماتبيها
الحين بس ترضع وتنام وبعد افكر افطمها بس قالت الين تكمل السنتين
بس والله الحين الحمدالله صارت تشرب وتاكل وتنام عدل
بس بقولج اذ قامت تصيح عطيها ايها وهي بترميها وكل مره سويها
وان شاء الله تتركها واي سوال انا حظرها
وبشريني اذ تركتها