لو كنتوا في مكاني اش حتكون ردة فعلكم

السلام عليكم ورحمة الله وبركاته

كل عام والعرايس بخير مع بداية السنه الجديدة والله يجعل هذي السنه كلها خير وبركه يارب

انا لي متزوجه سنتين وعندي احلى دحموني الله يخليه ليا يارب ومشكلتي اني هذي السنه قدمت على الإبتعاث على

حساب خادم الحرمين الشريفين الله يشفيه يارب عشان اكمل ماجستير والحمد لله طلع اسمي مع المقبولين لكن للأسف زوجي

رافض الغربه ويقول انو هو حاليا مالو نفس يكمل ماستر خاصه انو متخرج له سنه ودوبو متعين فيقول صعب اروح وانا ما ابغى اكمل

حيروح علي من سنوات الخدمه والعلاوه وللعلم هو جدا طيب وحنون ومايقصر علي

وانا قبل ما اقدم استخرت وراضيه باالي كاتبوا ربنا وهو اول ماقدمت قالي لاتقدمي ماانت رايحه مو اذا طلع اسمك تزعلي بس هو

مراعاة لمشاعري واصراري اني اقدم واطابق اوراقي رضي بس لمن جا وقت الجد وخروج الفيزا قال انا قلتلك من قبل وحاولت كذا مره

معاه بس هو رافض

المطلوب : ابغا كل وحده تحط نفسها مكاني لو كانت هي اش حتسوي واش حتكون مشاعرها

خاصه انو بعض الأحيان اقول في نفسي انو حرمني من اكبر فرصه جات لي وماحتتكرر وازعل ويحز في نفسي بس مااقدر اسوي

خاصه انو طيب ويقدرني ومتعلق بولدو مره