ماهي افضل الروضات والمدارس في بلدك ؟؟ ج2 حيـــاكم &&&

زهرة ايامي;14064814:
تسلمي خيو زهووور


ان شاء الله نجوف الأحسن


انزين خيو ما تعرفين روضات احسن بعد في نفس المنطقة

لأني حدي متورطة

روضة النجاح بعد واجد زينة

منوى;14065188:

وش رايكم بروضة الهادي بالبديع

رسيل الورد بنتها كانت هناك ممكن تسألينها

كلمة الحياة

كانو يقبلون من 3 سنين حق نيرسري شوفي يقبلونها للسنة القادمة او شنو بس وايد لوود في التسجيل حاولي تشوفين متى يبدأ التسجيل عشان تحصلين جانس وبالتوفيق

mo0omo;14064068:
خيتو كلمة الحياة شنو هاي الحضانه وكم سعرها؟؟؟ ومن متى ياخذون البيبي من كم عمره يعني؟

اسمها فيرست ستب في مدينة عيسى
وياخذون من عمر 6 شهور الى 4 سنوات
ورسومهم 67 دينار شهريا

زهور يانعة;14065545:
كلمة الحياة

كانو يقبلون من 3 سنين حق نيرسري شوفي يقبلونها للسنة القادمة او شنو بس وايد لوود في التسجيل حاولي تشوفين متى يبدأ التسجيل عشان تحصلين جانس وبالتوفيق

مشكوورة يااقلبي اتصلت قالو لي فل وما ياخذون الا من عمر 3 سنوات
يعني بنتي ما يقبلونها
والله محتارة وين اوديها اخليها في نفس المكان على ما يفضى ينقلونها

لان ابي مدرسة يدخلون من عمر سنتين مو محصلة يااااريت الي تعرف تخبرني
بليييييييييييييز

رسيل الورد εïз;14055564:
بسمة اطفالي بتودين زهور الروضة؟ مو كانها بعدها صغيرة؟ او لعلاوي

ام علاوووي شكرا على الرد كان عندي موقعهم وناسيتنه

بنات اي افضل ملاك الصغير او انوار الغدير ؟

واني متحيرة بينهم بس بيصير بعيد عليها انوار الغدير ومايندرى يمكن اني اللي اوصلها مثلا؟

لا مو حق زهور قاعدة افكر انقل علاوي السنة الجاية في حال حصلت روضة احسن من الروضة اللي هوه فيها
:clock::clock::study:

ام عــلاوووي;14007289:
هلا خيو حالي من حالش هههههه

وبجاوب عليش بالا اعرفه :D !

التسجيل يبداء شهر 1 او2 بهاي لحدود ..


:

اما عن روضة انوار الغدير الاهل كلهم فيهاا وممتازه من ناحية التعليم !

بس الانج ما يعطونه الا مستوى ثالث فقط ..

وهذا عيبهم من وجهة نظري وحسب ما سمعت ياريت الا ولادهم فيهاا ..

يأكدون لنا هالمعلومه !

والغدير سمعت انها تبع اخت مديرة روضة انوار الغدير !

يعني مثل الشي تقريبا !

وتقع في لبديع بالقرب من بعض قبل دوار القدم ..

وبثث ..

والا عنده شي يفيدنا فيه يتفضل مامات سنه اولى :cool: احنا ماكو خبره كلش !

انوار السماء;14008578:
عن روضة انوار الغدير

الانج يعطونهم من المستوى الاول بس شفوي او نظري وعلى السبورة الحروف وكلمات

ومن مستوى ثالث كتابة وواجبات

زهور يانعة;14064466:
الي في الدوار الأول هي الأقدم وكثيير ضغط عليها ومن اول يوم تسجيل يصير فل وفيها واسطات انتي وحظش والي في الدوار السابع توها يمكن 4 سنوات او 5 وانا اسمع ان ثنتينهم زينين ويمدحونهم بس الضغط اكثر الي في الدوار الأول وبالتوفيق

جنان الآئمة;14082897:

أحد عنده معلومات أكثر عن روضة الجنان ؟؟

و طاقمها اللي تغير هل انتقل لروضة ثانية ؟!!!

انا الي اعرفه ان بس المديرة هي الي تغيرت اما باقي الطاقم هذا هو

المدرسة البريطانية دراستهم قوية وممتازة لكن رسومها مرتفعة يعني الكي جي يقارب الألفين

وكوالتي ايديوكشن اسمع انها زينة وتصير في حدائق كانو بالسلمانية

احد يعرف شي عن روضة الناصرية الي بالدوار الخامس مدينة حمد؟؟؟

الي عندها ولد او احد تعرفه فيها تقول لي عنهم شي!!

بسمة أطفالي;14077022:
لا مو حق زهور قاعدة افكر انقل علاوي السنة الجاية في حال حصلت روضة احسن من الروضة اللي هوه فيها
:clock::clock::study:

بسوم أسألي عن روضة القمر لأني مرة قريت في المنتدى كأن يقولون زينة أو بعد أسألي عن النوراء والبتول هذين معروفين عنهم زينين بس ما أدري لأني ما جربتهم بالنسبة لي بودي بنتي النوراء لأنها تقدرين تعتبرينها رابع جار يعني قريبة بس القمر أعتقد زينة أسألي إلي ودوا عيالهم وعندج أبجد هوز اشوف الكل ينعتها بس العيب إنها في العكر يعني بعيدة بس فيه الظاهر باص يجيهم لأن أشوف ناس واجد يسجلون عيالهم فيها لدرجة إن التسجيل ينتهي قبل ما يجي وقت التسجيل بس يعطونهم واجبات واجد هذا إلي سمعته طبعا

ثلج ونار;14085352:
احد يعرف شي عن روضة الناصرية الي بالدوار الخامس مدينة حمد؟؟؟

الي عندها ولد او احد تعرفه فيها تقول لي عنهم شي!!

هلا ام عبود..
بنتي معصومة فيها من بداية السنة..

والا شقول لج.. المستوى الدراسي ماقدر احكم عليها..
المعلمة تقول انها ف الصف تقول ويا الاطفال..
وغير جذي مديرتهم تقول بهالعمر الاطفال مو لازم يكتبون!
اشوفها تردد الاناشيد والاشياء اللي يعلمونها اياها..

بس انا هدفي الاول اني اعلمها ع النظام، واخليها تتعود على الجو الدراسي..
بنطر الكورس الجاي وبشوف مستواها..

مرتاحة على هالروضة حالياً..
لأن الحمدلله ما قط جت وقالت كلام وصخ.. وهذا الشي كنت متخوفة منه قبل لا اوديها الروضة..
وحركاتها الحمدلله ماشوف اختربت مع الروضة..
يعني مرتاحة من الناحية التربوية من جهتهم..
غير جذي الرحلات الترفيهية مو وايد مثل باقي الروضات.. كل اسبوع.. انا ماحب..
اهم شي تستانس ويا الاطفال ف صفها.. وكفاية مرة ولا مرتين بالشهر بالنسبة ليي..!

شوفي انتين وش تقررين يعني..

ان شاء الله افدتش وافدت الباقيات.

أحد يعرف عن روضة النورين الي بكرباباد .. عن طاقم الروضه الإداره والمدرسات ... المناهج ... التدريس

اختي جناان

الي نسمعه عن هالروضة ان هي كلش قوية و زينة

و حتى اللغة النجليزية عندهم قوية
و المدرسات كلهم زينيين

و المدرسات هم نفسهم الي كانو في انوار الغدير

Um Noor;14085611:
بسوم أسألي عن روضة القمر لأني مرة قريت في المنتدى كأن يقولون زينة أو بعد أسألي عن النوراء والبتول هذين معروفين عنهم زينين بس ما أدري لأني ما جربتهم بالنسبة لي بودي بنتي النوراء لأنها تقدرين تعتبرينها رابع جار يعني قريبة بس القمر أعتقد زينة أسألي إلي ودوا عيالهم وعندج أبجد هوز اشوف الكل ينعتها بس العيب إنها في العكر يعني بعيدة بس فيه الظاهر باص يجيهم لأن أشوف ناس واجد يسجلون عيالهم فيها لدرجة إن التسجيل ينتهي قبل ما يجي وقت التسجيل بس يعطونهم واجبات واجد هذا إلي سمعته طبعا

تسلمين ام نور

وللحين قاعدة ادرس الموضوع

خصوصا ان روضة عيالي يقال ان منهجهم لمستوى ثالث اقوى شي !!!

وولدي السنة الجاية مستوى ثالث

فاخاف انقله واتورط !!!

بسمة أطفالي;14091858:
تسلمين ام نور

وللحين قاعدة ادرس الموضوع

خصوصا ان روضة عيالي يقال ان منهجهم لمستوى ثالث اقوى شي !!!

وولدي السنة الجاية مستوى ثالث

فاخاف انقله واتورط !!!

بسوم دام روضة ولدش زينة ليش تنقلينه ؟؟