بنات الامارات الي بتساعدني بدعيلها من كل قلبي بنات الامارات

:confused: :confused: :confused: :confused:

هلا اختي اللة يوفقج يارب

المهم بالنسبة للصالونات انا هذا راي الشخصي

سيلفي انا سانعة عنها ايقول زين ومرة شايفة ربيعتي بس مب عروس
عمرو ماسمعت امسوين للعروس عندهم
مورا عرايس ووايد ويمدحونة وخصوصا العرايس اتسويلهم زين
ايمان زين مكياجهم ماعلية كلام وخبرة من اجدم الصالونات في دبي
غوطيس ما انصحج ابهم مول لان مكياجم مول مب زين الصراحة شفتة على وحدة من الاهل
مادونا الخوري يقولون زين بس غالي وووايد اتبالغ في الاسعار

هلا اختي

عمرو و مورا و ايميان شايفه مكياجهم مانصحج بعمرو اما ايمان اذا رزينه روحها تسوي لج هيه تسوي اوكي

انا انصحج تروحين صالون باريس غاليري في سيتي سنتر و اطلبي كلود و جومانه ربيعتي قبل شهر عرست وراحت عندها سارت بروفه اكثر من 7 صالونات و آخر حجزت عند باريس غاليري عند كلود ترا بروفه ببلاش
تقدرين تروحين و تسوين بروفه سوي و شوفي مابتنددددددددمين



مادونا و غويطس مادري عنهم



نصيحه مني لج روحي باريس غاليري و سوي بروفه وشوفي بعطيج رقمهم اتصلي و خذي موعد حق البروفه


ممنوع اضافة ارقام التليفونات في المشاركات
اطلبي كلود فرصه ترا ببلاش بروفه عندهم

كلهم حلوين
مورا معاملتهم مب حلوة
ووايج يأخرونج...ونتي طبعا اعصابج مب ناقصة اي ضغط هييج الساعة
شغلهم حلو...لكن مب حق كلحد....حق حبايهم وبسسسسسسسس
جان ما يعرفونج والله تطلعين لوث
يحطولج لون على عيونج...وتحت العين خط بنفس اللون...يعني شي بسيييط وتافه روحج تسوينه فالبيت


طاح سوقه خلاص


هو حلو
لكن في الاحلى




سيلفي حلو
انا اخترته


ونصيحتي لج تسيرين عند هيفاء صفر
احب شغلها وايد
خط العين عندها ممتااااز


تحياتي لج : شمس الامارات

السلام عليكم.. السموحه الغاليه انا ما اعرفهن ولا جربت عند اي وحده فيهن..

بس في وحده اسمها لينا .. في بافان.. صراحه روعه مكياجها.. واصلا مكياج صالون بافان غاوي.. حتى اللي في دبي..

عندج مثل ما ذكرت الاخت شمس الامارات.. هيفاء صفر فنانه.. بس مادري اذا تي الفندق او البيت.. :)

والسموحه
ومبروووووووووووووك مقدما

ابصراحة أنا ربعي كلهم يمدحون سيلفي .. ويقولون فوق كل شي هي فنانة في التعامل .. وكلها ذوق وأخلاق ...
وبصراحة أنا في عرسي .. حطيت الميكب عند وحدة اسمها ميمو .. ابصراحة كان روووووعة .. وستايلها للعرايس يجنن ...
وعلى ماأعتقد ومثل ماسمعت إنها ألحين تشتغل عند صالون رافال في الشارجة .. اسإلي وشوفي .... ابصراحة مابتندمين ...:up:

اشحالج الغاليه ..
اول شي لا تحاتين ، ثاني شي انا انصحج اتسيرين عند هيفا صفر ، انا يوم ملجتي سرت لها ومن بعدها 4 من ربيعاتي سارن عندها والصراحه كل وحده كانت غير عن الثانيه .. واذا تبين غراشيب في دبي ، مكياجها واايد حلو ، انا شايفتنه ع ربيعتي ، هيه عيونها صغااار وااااايد ، بس يوم سرت اسلم عليها والله انها حلوه وعيونها كبار ..
حتى مشكوبار تغير العرايس ..
بس تبين رايي هيفا اللي بتريحج
والله يوفقج ويوفق الجميع

مرحبا بنات.
شخباركم؟؟؟؟ انشالله تمام....
بالنسبة للعروس الحلوة اللي تسأل..... أنصحج ب جيتا... اللي في صالون عروس الخليج وهو في بوظبي....... بس بصراحة مكياجها روعة بمعنى الحرف....... جيتا إيون لها من برع تسويلهم...... من كثر ما مكياجها يجنن....... وهي بتغيرج 360 درجة...... بتكبرلج العين بطريقة روعة ...... وبتخطلج مكياج وايد فنان....... يعني اللي بيشوفج أول شي بيشوف مكياجج...... وهي وايد فنانة..... تشوف الويه على أساس إنه صورة تنرسم.... يعني تتفنن بطريقة وايد حلوة....... وبتبيضج بالكريم الخاص مل العرايس يعني إذا بتييبينها لاتحاتين إذا بتطلعين بيضة ولا لأ.......... هي بتحطلج كريم بيخليج ثلج ويبين طبيعي..... وترا هي حق الشعر بعد ممتارة...... وايد مشهورة هي..... أنصحج تييبينها في عرسج... ومبرووووووووووك لج انشالله........

هلا الغاليه

الصراحه من يومين رحت ويا اختي صالون مورا علشان اتسوي بروفه

والله انه روعه واسم اللي حطتلها ( ندى ) فنانه ومكياجها حلو شوفي في الكتالوج وبتعرفين شغلها حلو ومرتب

أرجو اني افدتج

ألف مبروك .. على الزواج

مرحبا
انا رحت عند سيلفي و كان عندها عروس شفت العروس قبل المكياج و بعد المكياج تبون الصراحه بنيته قبل المكياج كانت احلى بوايد مادري انا ماعيبني لين الحين مالقيت احسن من كلود اللي تشتغل في صالون باريس غاليري في سيتي سنتر

اما هيفاء صفر ماعرف ماشايفها مكياجها بس سامعه عنها

مرحبا
انا رحت عند سيلفي و كان عندها عروس شفت العروس قبل المكياج و بعد المكياج تبون الصراحه بنيته قبل المكياج كانت احلى بوايد مادري انا ماعيبني لين الحين مالقيت احسن من كلود اللي تشتغل في صالون باريس غاليري في سيتي سنتر

اما هيفاء صفر ماعرف ماشايفها مكياجها بس سامعه عنها

اي مكان تبين تحجزين سوي بروفه عقب احجزي

أقدر أقولج عن صالون مورا بس ...لان الباقين ماجربت عندهم ... نحن سرنا عندها في عرس أختي ... طبعا اول شي سوينا البروفه انا وأختي كانت البروفه الصراحه ماعلييها كلام الميكب واااايد حلوو ...وفي ليلة العرس أختي العروس طلعتها وحده ثانيه الصراحه كلمة المكيااج حلوو شويه ....واااايد كان مكياجها حلو ...بس انا غيرته لي ...يعني مب مثل الي سوته لي في البروفه وماعيبني لين هناك....

هلا والله انا اليوم امسجله فالمنتدى والصراحه وااااااااااايد عجبني...

انا انصحج عزيزتي المكايج اتسوينه عند سلفي والصراحه ما بتخسرين ابدا او بتدعيلي انشاء الله لانه صدق مكياجها روووووووووووووعه وتغيرج خاصة في ليلة العرس..انا كل ربعي سوا عندها او كلوحده طلعت احلا عن الثانيه..والف مبروك ويجعله انشاء الله زوجا مباركا ويرزقج الذريه الصالحه انشاءالله

اختج المــــــــــوج

و لغير العرايس بكم تسوي لهم سيلفي المكياج؟؟

هلا حبيبتي انا اصوت لسلفي لاني وعن تجربه مكياجهم وايد حلو صح ما كنت عروس بس اللي قالتلي عن الصالون قبل اروح كانت شايفه عندهم عروس وتقول وايد احلوت بعد المكياج ... و اسعارهم 1500 للعروس 300 لغير العروس بس لازم تحجزين عندهم قبلها بمده ورحي سوي بروفه عندهم واذا ماعجبج غيري بس لاتضيعن وقتج بس في الروفات اول ما في شي يعجبج احجزي و نصيحه اخيرة ترى مو دوم يطلع مثل ليله العرس

الغاليه توكلي على الله واختاري الي يريحج..

* مورا
* ايمان

اختاري واحد منهم.. ترى الاثنين روعه للعروس.. :)