حااسة بالوحدة ... يارب رحمتك

السلام عليكم...

عزيزتي استغفري ربج .. سبحانه متى ما اراد ان يرزقج بالذرية بيرزقج.. وما أخر عطيته الا لشي في صالحش.. سبحانه علام الغيوب.. يعلم ولا نعلم.. ولو نعلم بما سوف يصيبنا لما فعلنا بأنفسنا ما نفعله.. ولا تقنطي من رحمة ربج.. ترى رحمته وسعت كل شي سبحانه..
بإذن الله سوف يأتي اليوم الذي نلاعب فيه أطفالنا ونضمهم الى احضانا.. الله كريم خيو..
أعذريني على الإطالة..
عفواً خيو كم صار لج متزوجة؟
الله يرزقج ويرزقني ويرزق كل أخواتنا المحرومات بالذرية الصالحة..


تحياتي..

عزيزتي

توطلي على الله وربي متى كتب لج الحمل بتحملين
والله كريم

امس شفت وحده في المستشفى بعد 9 سنوات من زواجها حملت .,.

فربج كريم ولا تيأسين


انتي كم صار لج متزوجه ؟؟

ربي يعافيكم بنات انا كنت متفائلة خير هالسنة بس ربي ما كتب وكل شهر اعطي نفسي الامل بس بالاخير انكسر ونفسيتي تتعب جدااا وخصوصا اليوم ..


صار لي اربع سنوات متزوجة

الله يرزقك يارب .. ويعطيك اللي تتمنينه ان شاء الله باذن الواحد الاحد

الفرد الصمد .. الحي القيووم .. ويفرح قلبك .. ونششوف بتجمع الحواامل

والله يااختي اني مثل حالتج البارحه نزلت الدوره وكنت ماخذه علاج بحيث كانت موجوده 3 بيضات واحجامهم جدا مناسبه وضربت الابره التفجيريه بس قدر الله ان نزلت الدوره البارحه ونفسيتي حيل تعبانه وصارلي 3 سنوات متزوجه اوووووووووف يارب رحمتك والله اني حاسه بمعاناتك بس الله كريم ما ينسى عباده اكثري من الاستغفارلان سبحان الله نفسيتج راح تهدئ وترتاحين والله كاتبلنه يجي هذااليوم ويصير عندنه اطفال عسى ان تكرهو شي وهو خير لكم الله يرزقني ويرزقك ويرزق كل محرومه ربي لاتذرني فردا وانت خير الوارثين يالله يارحمن يارحيم ارحمنا برحمتك امييييييييين

الله كريم يارب لاتفقدين الامل والله حاسه فيكم بكل وحده نفسها بالطفل اللي يعبي وقتهااا ..

أنا كنت مثلكم أول ماتزوجت وأنا آحلم بالطفل اللي يجي وكل شهر احط آمل وكل مانزلت الدورة تتعب نفسيتي غير العلاجات والادويه
والابر اللي آخذهم والحمد الله بعد الله سبحانه كنت فاقده الامل ..
بس جربت العلاج اللي كانوا الكثير ينصحوني فيه بالاضافه الى الادويه اللي كنت آخذها كنت بالليل لما زوجي ينام كنت آجلس واستغفر ربي إلين يطلع الفجر
وأقوم وآصلي وفي السجود كنت ادعي ربي واستغفر والحمد الله كانت نفسيتي تتحسن وبالظهر كنت آقراء سورة البقرة ..

والله يابنات يتجدد الامل سبحانه وربي رزقني بالحمل واللحين صار عمر ولدي سنه ونص والحمد الله تبارك الرحمن جربوا يابنات إستغفروا بكل وقت ..

آسفه للأطاله بس والله ماحبيت أمر ولا آخبركم بنعمة ربي ..

الله يصبرك
ويرزقك بالذرية الصالحة

الله يصبرك و يرزقك باحلا طفل انشاالله

لا حبيبتي لا تقنطي من رحمة ربنا ولا يسيطر على قلبك الحزن تذكري قوله تعالى ( ان مع العسر يسرا ) وما بعد الضيق الا الفرج
الله يفرجها علي وعليك وعلى كل متأخرت يارب

الله كريم خيو والله ما ينسى عباده وكل واحد يعطيه على قد نيته
حبيبتي هدئي نفسيتك واستغفري ربك ولا تيأسين لأنه لا ييأس
من روح الله الا القوم الكافرون ، تدرين انك باللي تسويينه كأنك
تاخذين حبوب منع الحمل ، انتبهي لحالك وفوضي امرك لله وتوكلي
عليه فانه هو الرزاق وهو ميسر الأمور ،في ناس واجد تأخرو مثلك
واكثر بعد ومع هالشي ما يأسو والله رزقهم ، اعرف وحدة الله رزقها
بعد 17 سنة ، فخلي عندك امل ودائما تفائلي والله يرزقش في القريب
العاجل يارب ويرزق جميع المحرومين.

بأذن الواحد الاحد الفرد الصمد بيرزقك وبيرزق كل اخت تنتظر الحمل

الله يصبرك ياختي..والله حاسه فيج حبيبتي...
لاتياسي ابدا وتوكلي على الله...حبيبتي انتي عالجتي؟؟؟وشو قالوا لج؟؟؟ وزوجج سوا فحوصاته؟؟؟
اختي ثقي ان لكل شي وقت معين ولا تفكري بكلام الناس..خلي ثقتك بالله كبيره ولا تنسين الدعاء والاستغفار..
والله يرزقنا جميعا فالقريب العاجل يارب.

الله يعوض عليك الشهر الجاي
الله يرزقك بالذرية الصالحه يااارب العالمين

الله يرزقك يارب اكثري من الاستغفار والصدقه

لا اله الا انت سبحانك اني كنت من الظالمين