ابغي مشورتكم .. احب وخطبني شخص اخر

السلام عليكم ورحمة الله وبركاته


حبايبي قصتي مثل الروايات .. ومثل الافلام الهنديه ... انا بقول الي اعيشه ونتو احكمو وعطوني المشوره


بقول سالفتي بالمختصر ..

انا يوم كنت طالب في الصف الثاني ثنوي .. ظافني واحد من اهلي
ما كنت اعرف ان حد من اهلي عنده ولد اسمه (كايد )

اول الحكايه تميت اقول له ما ابغي ارمسك ونحن ما نصير لبعض .. بعد فتره تاكدت انه يقربلي
ويا بيت يدتي وجفته .. وبنفس عمري وقال نبغي نتساعد ف الدراسه ..

نحن فعايلتنا عادي نسولف مع اهلنا اولاد كانو او بنات

و واصلت معاه الين ثالث ثنوي وكل يوم كنت ارمسه

وخلصت سنه ثالث ثنوي .. وكل ما نبغي نقطع بعض نقطع مده قولو كم شهر ونرجع نتواصل
لان تعودنا على بعض حيل حيل ..


الحين انا ثاني سنه جامعه .. وهو بعد يدرس في احد الكليات

اخر مره رمسته فيه كان يسالني اذا مخطوبه ولا لا .. رغم انه كان يعرف اني مخطوبه ولكن انا ما اعرف يعني رمسه عائليه قلتله لا .. ونهينا المووضوع ها الكلام اكثر عن 8 اشهر و من فتره بعد رجع رمسني قال انا اعرف من زمان انج لولد عمج .. وانا ابغيج شو اسوي .. قلتله انا ما اعرف شو اسوي الي اعرفه اذا احترت بشي اصلي استخاره صليت استخاره وتبين لي كم حلم



هو تقدم مرتين وانرفض و الحين رامس عند عمتي الكبيره اذا رديت الموافقه على ولد عمي تخبرهم واذا لا بعد تخبرهم .


وما اكلمه قولو من فتره طويله وايد




وشي ثاني عمي ف نفس السنه يوم كنت ثاني ثنوي ,, خبر اهلي انه يباني حق ولده ويبغي يخطبني رسمي لكن امي قالت له بنتي تدرس وتم سكت الين تخرجت من الثنويه العامه

قالت لي امي لكن انا خذتها من باب المداعبه وماخذت الموضوع بجديه

يوم جفتهم جادين انا خفت من الموضوع


محتاره اخذ ولد عمي ولا الشخص الي تعلقت فيه وكانت حجتي ابغي اكمل دراسه اذا ولد عمي يبغي يتزوج ابرايه .. عمي ما عيبته رمستي يبغي هي ولا لا ..

الي يردني ان اخاف كايد باجر يقولي تذكرين يوم رمستج .. عادي اترمسين غيري اليوم

وربي يشهد انه كان مثل اخوي لان انا ما عندي اخوان واصلن انصدمت انه يبغيني كزوجه له

وهو اعلم كيف كانت رمستنا .. سطحيه جدا وما نتعمق حيل حيل .. حتا ما اعرف اذا هو يحبني او يعزني كاخته بس

حلمت احلام لكن .. ما لقيت من يفسر لي احلامي ,,

وما احس باي شعور بتجاه ولد عمي .. لكن كايد احس اشتاقله حيل حيل ابغي ارمسه لكن اقبض عمري .. لانه ما يصير .. اذا برمسه بشو بعد برمس اول شي تحججنا عسب الدراسه ف اليف سولفنا شو سوينا طول ها اليوم او اليومين .. وشو نحب وشو ما نحب ..وبس



للعلم ..

كايد انرفض لان عمي طلبني قبل كايد وبس ما في سبب غيره

وانا مب متاكده ومب عارفه من فيهم الافضل عن الثاني ..
شو اسوي ...