CATS_ANGEL;13889128:
لا لا يا دمشقية بعرفك قوية دايما و اهم شي تبقى نفسيتك مرتاحة و اعصابك هادية هيدا اول علاج لكل مرض يا عمري و اكيد بكون اجهاد و عصبية و اذا بتقدري تنزلي على سوريا على المكان يلي قلتي عنه في مياه معدنية فهو علاج للاعصاب كلها و خليكي على قراءة القران على مكان الوجع و ان شاء الله خير و بتطلع الامور ابسط من يلي بتحكي فيها :L::L::L:
كوسا محشي :adore: الي كم يوم جاي على بالي الف صحة و هنا يا رب و المجدرة زوجي حرمني اياها لانو بياكلها غصب عنو و الملوخية نفس الشي يعني انتي عملتي 3 اكلات بموت عليهم الف صحة و عافية يا رب :thumbs_up:
و تسلميلي على وصفة المخلل بس مشكلتي بالمقادير ما بعرف قدر تقدير ;) يعني مو سلامة فهمي :D
و صفة اليالنجي كتييييييير حبيتها حأجربها اذا مش بكرا فبعد بكرا ان شاء الله يسلمو يا عمري F:F:
و الله كلامك عين العقل انا مو قصدي بس تفوت المدرسة قصدي حاليا يعني بعرف وحدة ابنها لما عرف يحكي بلشو في بالانجليزي و اذا غلط وحكى عربي ببهدلو انو يعني دليل على الحضارة و التقدم اما بنوتك شام اكيد ما بدها شهادة حدا خصوصي بالعباي بتخيلها بتجنن اسم الله عليها و اذا شفتيها ما تقدمت بالانجليزي متل ما بدك جيبيلها معلمة او شوفيلها معلمة بتعطي دروس انجليزي في البيت انا اختي هيك بتعمل لانو المدارس العالمية محدودة و غير هيك اسعارها غالية كتير و غير كل هيدا نشاطاتهم كلها مهرجانات و رقص و حفلات و رحلات و هي اصلا مختلطة فبعد الدوام بتاخدهم على معلمة بتقويهم باللغة لانو متل ما قلتي كل الدراسة بالانجليزي عندنا بس على الاقل اخدو حسنات المدارس العادية ولا شو رأيك :!!:
اول شي يسعدلي هالصباح يارب
وتاني شي يسعدلي المروء والكووول :) يارب دائما تكوني بافضل حال ياعسل F:
وحلوة نكتة دقيقة صمت هههههه
والاحلى اغنية ماجدة الرومي زوجي كتير بحب صوتها انا بحسها غريبة الاطوار خخخخ بس صوتها رائع ... يسلموا يارب والله يبعت الخير دوم عليكم وعلى الجميع يارب
يوم الجمعة صلاة استسقاء بسوريا فالله يرحمنا برحمته يارب
والحمد لله انا بخير لا تشيلي هم ... والنفسية تمام والدكتور مبارح طمني بس قال لازم استمر على كورس الابر مدة 7 ايام كمان مبارح اخدت 3 ابر وباقيلي بكرا وبعده والحمد لله على كل حال
ويالله تعالي اتغدي عندي اليوم ههههه .... ياليت والله
بس المجدرة اكلة مقدرة يعني خخخخخ غريب زوجك ليش مابحبها ؟
والملوخية انا بعملها ورق يعني بالطريقة الشامية مابحبها تاعمة ومتل المرئة ... والله الاكل اجمالا بحير بتمضي اليوم بيجي اخوه وهكذااااا ههههه
هلأ بخصوص المخلل يعني شوفي اذا مرطبان وسط مو كبير حطيلك ملعقتين كبار ملح والافضل يكون ملح خشن ليش مابعرف :D بس هيك امي وحتى حماتي بقولوا
وشوفي انتي طعم المي بتبين معك كاتي ولووو كانها طبخة اذا مالحة ضفتي مي واذا لاء ضفتي ملح وتؤبشي قلبي بتوزعي فهم على الكل حيوووتي اتي .... وبالنسبة لليالنجي ربي يسلمك بدنا خدمة تحرز
شوفي كاتي هلأ في كتير ناس مابتقلي البصلة على النار وبتحط الباقي متل ماقلت بيطبقوا المقادير كلها فوق بعض من غير نار
والنتيجة برايي وحدة فشوفي انتي شو بتفضلي .... على فكرة مرة مونو وبيرل قالولي انهم بحطو ملعقة صغيرة نسكافية للحشوة
اي نسكافيه لا تستغربي على قولتهم انها بتعطي طعم مميز لليالنجي انا والله ماجربتها خوفا من حماتي ههههه بقى مابضمنلك ياها على مسئوليتي خخخخخ
وبخصوص الانكليزي ومتل ماقلتي ان بخانقوا الولد اذا اتكلم عربي فلاااااااااااااااااااا اكره هالاسلوب وشفته كتير هون بجدة عارفة بحس الشغلة صارت رياء ومفاخرة قدام الناس وعلى ايش ياحسرة شي مو مستاهل ياليت لو نتفاخر بدينا وبحجابنا وبحفظ القران بس للاسف الله يرحم حالنا ويعفو عنا لك ومنزعل انو ليش ربنا ماعم يرزقنا المطر وليش امورنا معسرة ... وليش وليش
وان الله لا يغير مابقوم حتى يغيروا مابانفسهم ...
وماشالله برافو على اختك تمام هيك وانا ان شالله ناوية اني ادخل شام دورات انكليزي وحتى ابوها ماشالله شاطر كتير باللغة فهو كمان قاعدلها بالمرصاد;) وان شالله محمودي كمان بيساعدها ,,, وربك كريم
CATS_ANGEL;13889202:
ايه حبيبتي خلي املك بالله كبير و مو شرط كلشي نقرأو يكون صحيح كل شخص الو ظروفو الخاصة و ان شاء الله متل ما حكى الدكتور يروح الالم نهائي طمنيني شو صار معك اليوم عم استنى ردك :L:
الحمد لله اللي بيجي من ربك يامحلاه وعندي يقين انو ماحدا بموت ناقصه عمر ..
والحمد لله كتير اتحسنت عن اول ربي لك الحمد ومتل ماقلتلك باقيلي اليوم وبكرا ومنشوف شو بيقول الدكتور وعلى ربك:017: ههههههه بحب هالسمايل