مشكله متعبتني نفسيا - منتديات عروس

السلام عليكم

اكتب المشكله وانا في حيره وهم

المشكله زوجي تزوجته وانا مو مقتنعه فيه مادري شكان تفكيري حزتها ليش وافقت وانا مو مقتنعه كنت كله اخاف اني ارفض واندم او ما يتقدم لي احد ثاني مع اني كنت صغيره مو كبيره بس وافقت لانه اخلاقه زينه ومن بداية الخطوبه( ملكه ) كنت ما اتقبل شكله والوم في داخلي واقول ليش وافقت لييييش يعني عذاب نفسي اعانيه بروحي كنت اخشى ان احد يشوفه مثل الي استعر منه والله غصبا عني وغير في اشياء ثانيه مو متقبلتنها مع انه في صفات حلوه طيب حنون ما يقصر علي بس والله غصبا عني لمتى بضل جذي لمتى بضل عايشه معاه ومو متقبله شكله في اشياء ثانيه بعد بس احس سالفة الشكل الاهم فيهم وكان يجي في بالي سالفة الطلاق بعدين اقول لا من بيسمعني اصلا واذا قلت لابوي اكيد بيعصب وبيرفض الين ما مشيت حياتي معاه الين ما تزوجت وصار لي معاه سنتين سنه خطوبه بملكه وسنه زواج وكانت الافكار تروح وتجي الين هالوقت خلاص مادري شنو صادني صرت افكر بدرجه كبيره لدرجه مو عارفه اسوي اي شي ثاني اكلم منو ؟؟ اقول لمنو وانا من طبعي كتوومه ووايد اتحفظ على خصوصياتي يعني ولا مره طلعت زوجي بصوره مو زينه قدام احد مع انه اكيد فيه عيوب الين خلااص قررت اكلم ابوي وانا ولا مره في حياتي فاتحة ابوي في مثل هالمواضيع وماكنت ادري اصلا شنو ردة فعله بس استغررربت جدا يوم كلمته وسمعني قال ليش ما قلتي من البدايه كان قدرتي تنفصلي الحين شالفايده بعد ما تزوجتي ومن هالكلام يعني تندمت اني ما تكلمت في هالموضوع من قبل وكتمته في قلبي وسكتت آآآآآخ شقول شخلي شنو الحل وزوجي هالمسكين شنو ذنبه مو عارفه شقول بعد بس صج تعبت والله تعبت يمكن ماحد يحس بحجم المشكله الي امر فيها واصلا مو عارفه شلون اوصلها

ارجوج مشرفه ساعديني قولي لي شسوي شنو الحل

السلام عليكم ورحمة الله وبركاته

اختي العزيزه
تعوذي من الشيطان الرجيم
ماهو ذنب هذا الرجل اللي يحبج ويخاف عليج
ومعاملته زينه معاج

يصلي ...؟؟ يصوم ...؟؟ يخاف الله ...؟؟
يشرب الخمر ...؟؟ يتعاطى المخدرات ...؟؟ لاسمح الله

؟؟؟

اختي الغاليه الشكل طبعا مهم ولكن الاخلاق اهم واهم

تخيلي انج اخذتي رجل وسيم وجميل ولا قدر الله صابه حادث سياره او حريق وتشوه وجهه واخلاقه منحطه فلن تستطعين العيش معه ابدا

ولكن صدقيني الاخلاق تجمل الانسان سبحان الله وادعي الله واستخيري

وقولي اللهم جمل زوجي في عيني وجملني في عينه
وألف بين قلوبنا اللهم امين
كرريها كثيرا

دمتم سالمين
اختكم شريفة