السلام عليكم
شخباركم بنات
بنات حبيت اطرح عليكم مشكلتي او مأساتي اذا صح القول !
مادري شقول , اصرخ ولا اصيح
والله اكتب لكم وعيني ترس دموع
يمكن محد راح يحس بالي انا احسه , ابدا
الله لا يخيلكم في هالموقف
مادري شلون ابتدي
بس بعطيكم نبذه عن حياتي
انا شابه .. في مقتبل العمر .. بداية العشرينات
مثقفه , متدينه , خايفه ربي واقوم بواجباتي
الله انعم علي بجمال اللهم لك الحمد والشكر , من شعري لي اظافر ريلي وانتوا بكرامه
جمال انحسد عليه !! وراح اشرح لكم التفاصيل بعدين
عندي احساس ومشاعر , رومنسيه لابعد درجه , قلبي طيب حبوبه من قبل الكل
انا مثل اي بنت في العالم
ارتبط في شخص حبيته .. واهو حبني
عشت حياتي سعيده معاه وعمري ما فكرت ان راح ايجي يوم واندم على شي معاه
مع مرور الايام لاحظت زوجي تغير معاي
صار ما يقرب مني الا قليل , واقصد هني العلاقه الحميمه
استغربت وشكيت في عمري وانا الي ابدا ما اشك في روحي
لان 24 ساعه مهتمه في شكلي حتى وانا في المطبخ
لدرجه ساعات وانا برقد انسى التراجي في اذني والخاتم في يدي
استغربت .. وخصوصا انا ملاحظه حركاته معاي ما عادت مثل قبل
سكت وقلت بناقشه في الايام اليايه مع قعده رومنسيه لاني من عشاق الرومنسيه
مرت الايام .. ودار نقاس بيني وبينه . بنات والله ثم والله سمعت الكلام وتمنيت الموت اقسم بربي
ريلي قالي بصريح العبااره .. فلانه انا ما يعجبني جسمج انتي وايد ضعيفه وانا حاولت اتقبلج وما قدرت .. والحين انا افكر انفصل عنج لان انا احب البنت المربربه المليانه
اقسم بالله خنقتني العبره . سكت وتميت اطالع في عيونه ودي اصدق ان اللي جدامي ريلي بشحمه ولحمه
قلت له خير يا فلان ما سمعتك عيد كلامك , ورد قال نفس الكلام
بنات انا ذاك الوقت كنت ضعيفه صج بس جسمي مرتب ومفصل
وزني كان في بداية الاربعين بس بالنسبه حق طولي مو ماساه لا وربي
بس زوجي ما يعجبه جذي , قلت له انشالله بزيد وزني انا ابي اصير في عيونك كامله والكامل الله , قالي لا مستحيل تصيرين . قلت له ليش , مافي شي مستحيل . قالي امبلى لان انا الي اتمناها تكون متينه وايد وعريضه وانا ابيها في الاساس متينه مو تمتن روحها!!!
بنات اقسم بالي خلقني ان ذا الوقت ذبح مشاعري ذبح قلبي طعني
قلت له اعتقد يوم تخطبني جفتني ان ما كنت متينه شنو معنى كلامك قالي الحين حسيت يوم اخذتج قبل ما كنت احس ان هاي الشي اللي في خاطري مستحيل يتغير ..
من ذاك اليوم وانا ما عدت انا , انسانه مو واثقه من نفسها , خايفه وفي بالي الف سؤال , مضايقه ومجروحه وقلت لازم ازيد من وزني
اللي صار ان فعلا زاد وزني ! زاد 15 كيلو عن الوزن السابق تخيلو ! بالنسبه لي كان انجاز وكل من يجوفني يستغرب عبالهم حامل . صرت جميله في عين الكل الا زوجي . نظرته ما تغيرت عني ابد . ومازال ما يعجبه جسمي
مرت الايام وزاد البعد اكثر , جفاف تمام في العلاقة الجنسيه لو مهما حاولت اتقرب له كلمته قلت له ان جسمي تغير وتغيرت مقاساتي بس هالمره طعنته لي كانت اكبر من قبل تخيلوا شنو قال لي ؟
قالي اي انتي متنتي صح بس ما زال في مناطق في جسمج ما تغيروا بشكل ملحوظ , واهو هني يقصد منطقة الصدر قلت له وانا داخلي نار تحرقني انشالله حبيبي اذا حملت بتكبر عندي منطقة الصدر . قالي شنو الي يضمني .؟!! انا هني خلااااص ما تحملت .. يودت اعصابي قد ما اقدر .. بس اخر كلامه ما تحملته تهاوشت معاه وقلت له اذا قاعد ادور لك اعذار علشان تهدني خبرني ارحم بوايد من انك نجرحني ترى والله حرام الي تسويه وين ضميرك .. انا زوجتك
محتاجه منك حنان وعطف وحنيه واهتمام .. ودارت الايام واحنا ما زلنا في بعد مستمر
اللي صار ان زواجي كان سنه وحده بس ! وبعدها طلقني .. قالي اسمحيلي لي ما اقدر اواصل معاج . انا مازلت احب الجسم المربرب والي فيه معالم انوثه بااارزه ! وسامحيني ما اقدر اتقبلج
حبيته والله العظيم من كل قلبي . عشقته وتمنيته كنت اوله عليه وايد وانا معاه . وكنت اتصبر بس شنو عقب الصبر ؟ راح وتركني
اللي كتبته فوق مو المشكله .. المشكله اهيا ان بعد ما طلقني .. عقب شهر رجع اتصل لي يصيح . يقول سامحيني انا اسف والله العظيم ان انا ما كنت احس فيج والحين متندم .. رحعي لي ؟! وانا احس قلبي مات داخل واحس ان اذا رجعت لي ما برتاح خصوصا ان قبل ما يطلقني تخلى عني فوق العشر مرات .. كله مره يرجعني بيت اهلى يقولي خل ننفصل !
الحين رجع لي ندمان ؟! شسوي ؟! بنات صحيح ان الانسان يغلط واحنا لازم انسامح . بس زوجي ما غلط مره غلط مراات جرحني الاف المرات وطعني ملاين الطعنات وكل الي كتبته مختصر مفيد جدا عني
ودي اعيش نفس الناس . ودي احس ان زوجي يحبني يحب جسمي يتلهف علي يشتاق لي .
شوروا علي ؟!
شخباركم بنات
بنات حبيت اطرح عليكم مشكلتي او مأساتي اذا صح القول !
مادري شقول , اصرخ ولا اصيح
والله اكتب لكم وعيني ترس دموع
يمكن محد راح يحس بالي انا احسه , ابدا
الله لا يخيلكم في هالموقف
مادري شلون ابتدي
بس بعطيكم نبذه عن حياتي
انا شابه .. في مقتبل العمر .. بداية العشرينات
مثقفه , متدينه , خايفه ربي واقوم بواجباتي
الله انعم علي بجمال اللهم لك الحمد والشكر , من شعري لي اظافر ريلي وانتوا بكرامه
جمال انحسد عليه !! وراح اشرح لكم التفاصيل بعدين
عندي احساس ومشاعر , رومنسيه لابعد درجه , قلبي طيب حبوبه من قبل الكل
انا مثل اي بنت في العالم
ارتبط في شخص حبيته .. واهو حبني
عشت حياتي سعيده معاه وعمري ما فكرت ان راح ايجي يوم واندم على شي معاه
مع مرور الايام لاحظت زوجي تغير معاي
صار ما يقرب مني الا قليل , واقصد هني العلاقه الحميمه
استغربت وشكيت في عمري وانا الي ابدا ما اشك في روحي
لان 24 ساعه مهتمه في شكلي حتى وانا في المطبخ
لدرجه ساعات وانا برقد انسى التراجي في اذني والخاتم في يدي
استغربت .. وخصوصا انا ملاحظه حركاته معاي ما عادت مثل قبل
سكت وقلت بناقشه في الايام اليايه مع قعده رومنسيه لاني من عشاق الرومنسيه
مرت الايام .. ودار نقاس بيني وبينه . بنات والله ثم والله سمعت الكلام وتمنيت الموت اقسم بربي
ريلي قالي بصريح العبااره .. فلانه انا ما يعجبني جسمج انتي وايد ضعيفه وانا حاولت اتقبلج وما قدرت .. والحين انا افكر انفصل عنج لان انا احب البنت المربربه المليانه
اقسم بالله خنقتني العبره . سكت وتميت اطالع في عيونه ودي اصدق ان اللي جدامي ريلي بشحمه ولحمه
قلت له خير يا فلان ما سمعتك عيد كلامك , ورد قال نفس الكلام
بنات انا ذاك الوقت كنت ضعيفه صج بس جسمي مرتب ومفصل
وزني كان في بداية الاربعين بس بالنسبه حق طولي مو ماساه لا وربي
بس زوجي ما يعجبه جذي , قلت له انشالله بزيد وزني انا ابي اصير في عيونك كامله والكامل الله , قالي لا مستحيل تصيرين . قلت له ليش , مافي شي مستحيل . قالي امبلى لان انا الي اتمناها تكون متينه وايد وعريضه وانا ابيها في الاساس متينه مو تمتن روحها!!!
بنات اقسم بالي خلقني ان ذا الوقت ذبح مشاعري ذبح قلبي طعني
قلت له اعتقد يوم تخطبني جفتني ان ما كنت متينه شنو معنى كلامك قالي الحين حسيت يوم اخذتج قبل ما كنت احس ان هاي الشي اللي في خاطري مستحيل يتغير ..
من ذاك اليوم وانا ما عدت انا , انسانه مو واثقه من نفسها , خايفه وفي بالي الف سؤال , مضايقه ومجروحه وقلت لازم ازيد من وزني
اللي صار ان فعلا زاد وزني ! زاد 15 كيلو عن الوزن السابق تخيلو ! بالنسبه لي كان انجاز وكل من يجوفني يستغرب عبالهم حامل . صرت جميله في عين الكل الا زوجي . نظرته ما تغيرت عني ابد . ومازال ما يعجبه جسمي
مرت الايام وزاد البعد اكثر , جفاف تمام في العلاقة الجنسيه لو مهما حاولت اتقرب له كلمته قلت له ان جسمي تغير وتغيرت مقاساتي بس هالمره طعنته لي كانت اكبر من قبل تخيلوا شنو قال لي ؟
قالي اي انتي متنتي صح بس ما زال في مناطق في جسمج ما تغيروا بشكل ملحوظ , واهو هني يقصد منطقة الصدر قلت له وانا داخلي نار تحرقني انشالله حبيبي اذا حملت بتكبر عندي منطقة الصدر . قالي شنو الي يضمني .؟!! انا هني خلااااص ما تحملت .. يودت اعصابي قد ما اقدر .. بس اخر كلامه ما تحملته تهاوشت معاه وقلت له اذا قاعد ادور لك اعذار علشان تهدني خبرني ارحم بوايد من انك نجرحني ترى والله حرام الي تسويه وين ضميرك .. انا زوجتك
محتاجه منك حنان وعطف وحنيه واهتمام .. ودارت الايام واحنا ما زلنا في بعد مستمر
اللي صار ان زواجي كان سنه وحده بس ! وبعدها طلقني .. قالي اسمحيلي لي ما اقدر اواصل معاج . انا مازلت احب الجسم المربرب والي فيه معالم انوثه بااارزه ! وسامحيني ما اقدر اتقبلج
حبيته والله العظيم من كل قلبي . عشقته وتمنيته كنت اوله عليه وايد وانا معاه . وكنت اتصبر بس شنو عقب الصبر ؟ راح وتركني
اللي كتبته فوق مو المشكله .. المشكله اهيا ان بعد ما طلقني .. عقب شهر رجع اتصل لي يصيح . يقول سامحيني انا اسف والله العظيم ان انا ما كنت احس فيج والحين متندم .. رحعي لي ؟! وانا احس قلبي مات داخل واحس ان اذا رجعت لي ما برتاح خصوصا ان قبل ما يطلقني تخلى عني فوق العشر مرات .. كله مره يرجعني بيت اهلى يقولي خل ننفصل !
الحين رجع لي ندمان ؟! شسوي ؟! بنات صحيح ان الانسان يغلط واحنا لازم انسامح . بس زوجي ما غلط مره غلط مراات جرحني الاف المرات وطعني ملاين الطعنات وكل الي كتبته مختصر مفيد جدا عني
ودي اعيش نفس الناس . ودي احس ان زوجي يحبني يحب جسمي يتلهف علي يشتاق لي .
شوروا علي ؟!