للى مخطوبة والى مكتووب كتابها تعالى هنا اقولك حاجة فى ودنك

بسم الله الرحمن الرحيم

دلوقتى يابنات ياحلوين ربنا يرزقنا جميعا بالازواج الصالحين .. انا بقالى فترة كل ما بدخل موقع او اشوف رسالة فيها مشكلة ايه بقى الى يحصل انا مخطوبة وخطيبى بيطلب منى يمسك ايدى وكمان بيقولى كلام مينفعش يقولوا8o| طبعا الرد الطبيعى ان ده حراام.. ويزودا من عندهم سيبه فورا وده مش يؤتمن عليكى صحيح بتبقى فى ناس مش كويسة وداخلة علشان تتسلى يوميين ويلا ياحبيبتى مع السلامة ومبقاش فيه حد يتامنله بسهولة الايام دى بس برضه فى نفس الوقت فى ولاد كويسيين بس دى غريزة طبيعية وهو بيحبيك وعاوزك بس ظروفه مش مساعده لسه مجبش شقة لسه مش مستقر فى الشغل لسه مش عارف تشطيب الشقة هيتصرف فيه ازاى طيب ياحاجة انتى عاملة تتكلمى وترغى ما احنا عارفين الكلام ده كله وبعدين لما يجى ياجميل يقولك امسك ايدى قوليله انتا عاوز تمسكها دلوقتى ومش تعرف تمسكها بقيت حياتنا لما يجى يقولك حاجة مش عاجبكى كانك مسمعتيش بتقول ايه لو قالك احنا لوحدنا محدش شايفنا قوليله لا فيه ربنا ياباشا واحنا عاوزينه يباركلنا ونتلم بقا فى بيت واحد وقول الى انت عايزه
متخديش الموضوع قفش لو لاقتيه بقى صمم اطلعى ياحبيبتى بالوش الابلاكاش مره والتانيه وصدقنى هو لو محترم من نفسه هيتكسف على دمه .... الى عنده افكار تانية بس من غير خنااق وكل الى على لسان حرااام خلى كلمة حرااام هى اخر وسيلة نلجاء ليها هو عارف انه حرام زى مانتى عارفة بس انتى بتقدرى تتحكمى فى نفسك عنه ودى دراسات وممكن كل واحدة تدوررر.....

بالنسبة بقى للى مكتووب كتابهم انا شخصيا بحقد عليهم من معاميقى :o:-# مش معنى ان فترة الخطوبة فيها حاجات احنا محروميين منها نلاقى نفسنا هوب كتابنا الكتااب لازم ندرس البنى ادام الى هنرتبط بيه ده واحنا هنقدر نعيش مع عيوبه قبل مميزاته ولا لا وهو كويس ولا لا لان لا قدر الله لما كتب الكتاب بيحصل فيه انفصال يعنى طلاق والطلاق فى مجتمعنا يعنى نظرات شفقة وشوية نظرات شك وانتى مكتوب كتابك مش متجوزه بقالك كذا سنه علشان يبررلوك ان فيه مشاكل يعنى نظرات الشك هتبقى اكتر..
انتى عاوزه تخدى عليه واحده واحده وهو حاسس انه بقى ليه عليكى حقوق وومن حقه ياخد براحته معاكى اولا ليكى ياجميلة لازم تحسسيه بفرق من كتب الكتاب والخطوبة يعنى مافيش مانع من كلمتين حلوين زيادة ولو مسك ايدك وانتوا ماشيين انتى هتبقى مبسوطة اكتر منه هو بقى لو غوط اكتر من كده شوية دلع بقى
عاوزين ياحبيبى الى بينا لما نتجوز نحس بكل حاجة اول مرة
هتتبسط اكتر ;) متخلهوش يركز كل كلامه معاكى فى كده
لو ليه فى الندوات والحفلات عندك ساقية الصاوى بتحط جدول كل شهر لحاجات زى دى والفلوس بتاعتها مش غالية خالص(بالنسبة للمخطوبين دوسوا فى الحوار ده بس مع قرايبكوا واصحبكوا بقا:))
لو ملوش بقى وهيقعد يقولك انا مبحبش الجو ده طيب ياحبيبى انتا تشاور بس نروح فيين ياسيدى احنا مكتوب كتابنا يعنى بنجهز شقتنا نروح نتفرج على الحاجات الى عاوزنها تبقى فى شقتنا العفش السيراميك الاجهزة الازواق الاسعار قبل ما مامتك تنزل معاكى ومامته وكل واحد ميه راى وانتى وهو مشتتين ومش عارفين عايزين ايه وفى الاخر هتبقوا عارفين بتختاروا ايه ومافيش مانع من كل فترة فى خروجة رومانسية كده فيها كلام حلو بس هتبقى وسط الناس واخرة يعنى هيحط ايده على كتفك يابنتى ما هو جوزك برضه :lol: معلش سيبه..وفى الاخر صدقنى لازم يبقى فيه بينكوا حوار
فى كل حاجة الى يضايقك ويضايقه
بس حبييت اشارك فى الى بسمعة وبشوفة كل يوم الى عندها افكار حلوة تقول الى هتدخل تعقد الدنيا يارييت بلاش عاوزين نرضى ربنا واحنا مبسوطين اننا بنرضيه