أبني عمره شهرين ومصاب بالزكام

خيو فيكس للاطفال استخدميه مجربته لولدي لما كان عمره شهر انشالله تستفيدين
ما عليه شر

الفكس ببطن القدم والبسيه جوارب


كان أقولك امسحي على خفيف على صدره بس
مابيتحمل ريحته القوية

وبداله دفي زيت زيتون وامسحيه على صدره يرتاح عليه

الله يشفيه ويحفظه ..

مساء الخير اختي ..

انا ولدي تو داخل الشهر الرابع .. ومن اسبوع فيه كحه وزكام .. وراجعت الطبيب طمني ان صدره سليم وقالي الكحه 80 بالميه علاجها بالبيت ومايحتاج اي ادويه

غير قطرة الماء والملح قد ماتقدرين استخدميها ينظف انفه..وعطيه بابونج او نعناع تغلين الماء وتحطين كميه بسيطه يا ببونج يانعناع بيريح صدره وانصحج مرتين مره بالصبح يرتاح ومره بالليل وواذا حلبه زينه للبلغم..

عن تجربه زيت الزيتون دافي على صدره وباطن رجليه بيريحه وااايد ... وانا بصراحه استخدمت له دواء بروسبان بو ورقه خضراء اختي قالت عن الكحه بنتها الدكتور معطنها اياها وهي بعمر الشهر وكلمت الدكتور قالي هذا عباره عن اعشاب مايضر واعطي ابني مقدار ملي ونص ..

واليوم بصراحه احس ولدي تحسن بفضل من رب العالمين ... وان شاء الله مايشووف شررر

بس نصيحه راجعي الدكتور عشان تتاكدي ان صدره سليم مافي اي شي..لان توو صغير لاتهملينه..

تحيااتي

اسالي الدكتور اذا دوااء بروسبااان زيين له او لااا


لانه ولدي عمره 7 شهور واعطيه منه يبيعوونه في الصيدلياات عن البلغم وااايد زييين

وعن الكحة دفي زيت الزيتوون او الزيت اللي تستخدمينه له ودهني فيه جسمه

مايشوف شر الكتكوت

وفيكس في القدم مع تلبيس الجوارب يفيد مثل ماقالوا البنات

ياااقلبي الله يشفيه يااااربF:F:


مثل ماقالو لك البنات ونوميه على مخده عاليه شوي

واعطيه علاج مكتوب عليه مذيب للبلغم بس مدري وش اسمه
ولدي لما كان عمره شهر صرفه الدكتور له مع قطره ماء وملح

وقالي نوميه على مخده عاليه على ظهره

ودهنيه بالزيت ودفيه ولا تروشيه ابداااا امسحي له بس

ماعدا الحفاظ طبعا غسليها عشان الاحمرار

ودهني خشمه بالفازلين العادي دون عطر
من برا ومن جوا عشان لا يتجرح من السيلان

وبنفس الوقت يدفي خشمه وتروح الزكمه طوالي

والاعشاب مريح البابونج واليانسون

اعطيه رضعه منها

ومايشوف شرررر يااااااااااارب:L::L:

حبيبتي ..
الله يشفي ولدج إن شاء الله

وديه دكتور أطفال و خليه يوصف لج علاج له..
ولدج بعده صغير لا تعطيه اي دوا من غير و صفة طبيب..
دامج من عمان أنصحج تروحي عند دكتوره روهيني جوشي في عيادة الرماح (روي) وايد زينه نصحوني بيها و صرت دوم أودي بنتي لها...
ربي يشفيه و يعافيه و يحفظه يا رب..

حتى انا ولدي 3 شهور ومزكم الله يعين اطفالنا ويشفيهم ..

مايشوف شر العسل

ماله علاج الا قطره المويه والملح

مع شفط الانف لاخراج الافرازات بالشفاطه اليدويه

ومن بعد القطره والشفط لازم ترضعيه حتى تمشي الافرازات لان القطره تذوب البلغم وبينزل مع البراز اكرمكم الله

ونوميه بوضعيه يكون راسه شوي مرتفع حتى مايختنق اذا استفرغ البلغم وحتى تنزل الافرازات ماتطلع لفوق
ودفي زيت زيتون وادهني صدره وجسمه ودفيه

وسوي له تمارين اقلبيه على بطنه وربتي على ظهره برفق لحد مايطلع البلغم

وسلامته

و منكم نستفيد اخواتي
الله يشفي لك ولدك و يحفظه لك

الله يشفيه يا رب

انا بعد بنتي مريضة من هالجو

عطاني الدكتور لها بخاخ ماء البحر
لخشمها عشان ينظف خشمها

واااايد زين

وبعد نصحني اني آخذ ماكينه بخار
واسوي لها بخار بالبيت
احط في الماكينه نوعين من الدوا
ولازم اسوي لها بخار
3 مرات باليوم


والحمد الله

رب العالمين بنتي اللحين احسن

الله يشفيهم ان شاء الله

انا ولدي ما كمل شهر وعنده بلغم وااااجد في صدره!!

اختي نووره البلغم علاجه الحلبه تنقعينها في ماء وتشربينه مايتهاااا .. بس لازم تستشيرين الدكتور اول شي لانه طفل صغير وبعدين تطمنين على صدر ابنج لا تهملينه

وسلاماااااااااااات