السلام عليكم و رحمة الله
كيفكم يا بنات و عرايس و مخطوبات و عازبات >>>>لا للعنصرية
من هواياتي بمنتدى عروس اقرأ قصص الولادات و مغامرات النسوان و همه بيخلفو
و انا مرت شهور حملي الثاني و انا بستنى بس ايمتى بدي خلصهم و اولد لعدة اسباب
منها اني بدي اعرف شعور الوحدة و هي معها طفلين و كمان عرفت انه معي بنت
فانجنيت بزيادة و صرت بدي اولد منشان شوفها وطول ما انا قاعده بتخيل شكلها كيف
و كان حملي متعب جدا و تقيل الحمدلله على هالنعمه
دخلت التاسع و صرت احسب الايام و كل يوم بقول اليوم بولد و برتاح
و كان البيبي عنده حصر بول يعني المثانة ممتلئة و قالتلي الدكتورة اذا ما فضيت مضطرين نولدك
و كان الوضع تمام و ما احتاج لولادة و كملت شهري و و انا بروح المستشفى و بيرجعوني
و صابني احباط و صرت ابكي كل شوي بدون سبب
طبعا في تقلصات و اوجاع و هيك بس خفيف لا يذكر و شفت علامة مخاط مع دم لكن ما
كان في ولادة
و آخر موعد كان 4 11 و مهلة ل 7 11 اذا ما صار ولادة بدخل المستشفى للتحريض
المهم تاني مشوار على المستشفى حطوني على التخطيط و كان في طلقتين خفاف جدا حتى ما شعرت فيهم و قررتلي الدكتورة انه اذا ما صار طلق بنفس الليلة ارجعلها على السبعه تاني يوم لتدخلني تحريض ولادة و اول ما سمعت هيك انبسطت كتير كتير كتير اني راح اولد و اخيرا و يومها ما نمت اطلاقا و الفجر اتحممت و صليت و نمت نص ساعة و رحت مع جوزي و ماما
(حماتي) عالمستشفى كان معي توسع تلاتة الى اربعه سانتي و اعطوني هديك الابرة >>المجربات بيعرفوها ههههه
و صرت متدايقة بدي فوت الحماااام وهمه بياخدو مني بيانات الادخال و انا كل شوي بروح الحمام و بيطلعوني و خليكي كمان شوي لحد ما قلتلها للنيرس انا مو متحملة و بدي فوت و فتت
و طلعت من الحمام و انا برررررررردانة جدا و دخلت غرفة الطلق و الولادة على التمنية و معي حماتي و بندردش و بنضحك عادي و انا ميتة برد و غطوني و اعطوني ابرة مغذي مع طلق و اجت دكتورة نزلت مية الراس و بلش بسرعه الطلق منتظم و متقارب و اجت دكتورتي على التسعة و قالت توسع 5 سانتي و انتي مو مطولة و شجعتني و هيك و اعطوني مسكنات و مخدر صرت شبه دايخة(شعور حلو اني طايرة ههههه) و استمر الطلق للعشرة كان قوي بس متحملة
و بعدين فجأة فاتت الدكتورة مع مساعدة و 3 نيرسات و طلعو ماما برا قالولها ولادة و انا كنت بحكي تلفون مع جوزي ولا عبالي و فجأة صار احساس الدفع عندي و انجنيت خدروني خدروني و الحمدلله خدروني و ولدت مباشرة على العشرة و ربع او و تلت و صحيت عال 11 الا ربع من البنج و شعور حلو الله يطعمه لكل مشتهية يا رب
و جبت سارة حياتي يوم 3 11 نفس يوم ميلاد ابوها الله يخليهم الي
و حسون 1 11 يعني كل الاعياد متقاربة
و بس كان نفسي اكتب تفاصيل اكتر بس بنتي على ايدي و بكتب بايد وحدة
و بس.....
كيفكم يا بنات و عرايس و مخطوبات و عازبات >>>>لا للعنصرية
من هواياتي بمنتدى عروس اقرأ قصص الولادات و مغامرات النسوان و همه بيخلفو
و انا مرت شهور حملي الثاني و انا بستنى بس ايمتى بدي خلصهم و اولد لعدة اسباب
منها اني بدي اعرف شعور الوحدة و هي معها طفلين و كمان عرفت انه معي بنت
فانجنيت بزيادة و صرت بدي اولد منشان شوفها وطول ما انا قاعده بتخيل شكلها كيف
و كان حملي متعب جدا و تقيل الحمدلله على هالنعمه
دخلت التاسع و صرت احسب الايام و كل يوم بقول اليوم بولد و برتاح
و كان البيبي عنده حصر بول يعني المثانة ممتلئة و قالتلي الدكتورة اذا ما فضيت مضطرين نولدك
و كان الوضع تمام و ما احتاج لولادة و كملت شهري و و انا بروح المستشفى و بيرجعوني
و صابني احباط و صرت ابكي كل شوي بدون سبب
طبعا في تقلصات و اوجاع و هيك بس خفيف لا يذكر و شفت علامة مخاط مع دم لكن ما
كان في ولادة
و آخر موعد كان 4 11 و مهلة ل 7 11 اذا ما صار ولادة بدخل المستشفى للتحريض
المهم تاني مشوار على المستشفى حطوني على التخطيط و كان في طلقتين خفاف جدا حتى ما شعرت فيهم و قررتلي الدكتورة انه اذا ما صار طلق بنفس الليلة ارجعلها على السبعه تاني يوم لتدخلني تحريض ولادة و اول ما سمعت هيك انبسطت كتير كتير كتير اني راح اولد و اخيرا و يومها ما نمت اطلاقا و الفجر اتحممت و صليت و نمت نص ساعة و رحت مع جوزي و ماما
(حماتي) عالمستشفى كان معي توسع تلاتة الى اربعه سانتي و اعطوني هديك الابرة >>المجربات بيعرفوها ههههه
و صرت متدايقة بدي فوت الحماااام وهمه بياخدو مني بيانات الادخال و انا كل شوي بروح الحمام و بيطلعوني و خليكي كمان شوي لحد ما قلتلها للنيرس انا مو متحملة و بدي فوت و فتت
و طلعت من الحمام و انا برررررررردانة جدا و دخلت غرفة الطلق و الولادة على التمنية و معي حماتي و بندردش و بنضحك عادي و انا ميتة برد و غطوني و اعطوني ابرة مغذي مع طلق و اجت دكتورة نزلت مية الراس و بلش بسرعه الطلق منتظم و متقارب و اجت دكتورتي على التسعة و قالت توسع 5 سانتي و انتي مو مطولة و شجعتني و هيك و اعطوني مسكنات و مخدر صرت شبه دايخة(شعور حلو اني طايرة ههههه) و استمر الطلق للعشرة كان قوي بس متحملة
و بعدين فجأة فاتت الدكتورة مع مساعدة و 3 نيرسات و طلعو ماما برا قالولها ولادة و انا كنت بحكي تلفون مع جوزي ولا عبالي و فجأة صار احساس الدفع عندي و انجنيت خدروني خدروني و الحمدلله خدروني و ولدت مباشرة على العشرة و ربع او و تلت و صحيت عال 11 الا ربع من البنج و شعور حلو الله يطعمه لكل مشتهية يا رب
و جبت سارة حياتي يوم 3 11 نفس يوم ميلاد ابوها الله يخليهم الي
و حسون 1 11 يعني كل الاعياد متقاربة
و بس كان نفسي اكتب تفاصيل اكتر بس بنتي على ايدي و بكتب بايد وحدة
و بس.....