الحمد لله على كل حال.

السلام عليكم و رحمة الله و بركاته

عزيزتي شريفه ..


انا احتاج اني افضفض و احتاج نصيحتج..


عمري 28 سنه .. اشتغل في جهه حكوميه .. حبيت واحد معاي في الشغل ..

انا ما كنت حاطه فبالي الحب و اني اتعلق باي شخص لاني كنت اخاف على قلبي .. اخاف اني اتضايق .. و كنت بيني و بين نفسي اقول حتى يوم بتزوج بحاول اني احب بحدود .. الانسان ما يضمن العلاقات و الاشخاص و لا الظروف فما كنت اريد اتعلق بشخص و اتعب معاه ..

هالشخص كنت الاحظ انه يميل لي بس ما كنت ابين له اي شي عقب فتره حسيت اني قمت اتعلق به بس بعد ما كنت ابين له لدرجه اني قلت بصبر فتره و اذا ما تقدم و شفت بعدني متعلقه فيه بستقيل و ببحث عن عمل مكان اخر بس خوفا من اني اتعب..

كنت احس باهتمامه .. صليت استخاره .. و كنت ارتاح اكثر و اتعلق به اكثر .. لدرجه اني وصلت لمرحله كنت احس خلاص هذا هو زوجي و احنا انخلقنا لبعض و مستحيل شي يفرقنا.. و اللي كنت اعرفه انه ما يقدر حاليا يتزوج لانه يبني بيته و بيتزوج عقب سنتين .. وايدين في المؤسسه لاحظوا ان علاقتنا مش طبيعيه.. في منهم لمحولي و في منهم متاكدين..

طلع قرار نقلي لمنطقه ثانيه يعني افترقنا و يعلم الله بالحزن الي حسيت به .. تعبت وايد .. كنت اشتغل و في نص الشغل عيني تدمع و اسير الحمام وانتي بكرامه و اصيح و ارد اشتغل ... صحتي اتدهورت و الحمد لله عقبها ارتحت بس ما مر يوم ما اتذكرته .. طيفه ما كان يفارقني .. اتولهت على كل شي فيه .. كنت انتظر يوم الله بيجمعنا قلت بوصفله شو كان شعوري و كيف عشت بدونه ..

دايما كنت احلم احلام و افسرها يقولون بتزوجون .. شعور متبادل .. هو يباج ..

الحين كملت سنه بالضبط من نقلي .. وصلني خبر انه عقد قرانه على وحده اشتغلت معاناقبل 3 سنين لمدة 8 شهور و استقالت .

سمعت الخبر حسيت اني مب فاهمة شي احاول استوعب الموضوع مب قادره .. تميت يومين على هالحال عقبها ياني شعور بالفرح كاني متاكده هذا كله كذب هذا بس مقلب منه لانه يبا يتاكد اذا اريده و لا لا .. و اتوقع اي وقت اسمع خبر انه يبا يخطبني.. الين ما وصلني ايميل رسمي من جهه العمل تهنئه على زواجه.

شفته عقبها اطالعته و صديت عنه و هو ارتبك و تم يطالعني و هو ساكت .. اول مره نشوف بعض بدون سلام و لا حتى ابتسامه.

احس بجرح .. احس ان فيني شي انكسر .. احس الحياه مالها طعم .. احس مالي رغبة باي شي .

احيان اقول يمكن خير و احيان اقول يمكن انا سويت شي و ربي ابتلاني .. و لا ليش بنفضح .. الناس لاحظوا حبي له . و انا رزينه و ما احب حد يلاحظ مشاعري لدرجه ان قبل لا اتعلق به كانوا يقولولي انتي ما فيج قلب .

لين الحين احيان اشك اقول بيي يخطبني .. احس اني بتخبل..

لا حول و لا قوة الا بالله ارجوج انصحيني.


و البنت اللي خطبها غير عني .. استغرب كيف يعني هو كان يحبها اذا تعجبه مستحيل انا اعجبه انا غير و هي غير في كل شي ..

يوم حد كان يضايقني في الشغل يعصب و يقول لا تضايقونها .. و اليوم هو ضايقني اكبر ضيقه ف حياتي.كنت اشوفه رحيم و اليوم بدون رحمه تركني .