السلام عليكم ورحمة الله وبركاتة
اشحااالكم خواااتي
مشكلتي بنت خالة امي ... الله يهديها .... بيتها ملاصق لبيتنا مايفرق بينا وبينها الا باب ... المهم .. انها يوميا عندنا وقت الضحى والعصر وبالليل يعني عادي احنا متعودين عليها .. بس المصيبة انها اتكلم في الناس وااااايد
وتنتقد فلانة وفلانة وتكلم في اعراض البنات .. مثل اتقول هذا شكلها اتكلم شباب وهذة تطلع مجمعات ومدري شنو... وهذة اتخون زوجها والله يابنا ت كلااااام قوووي.. مدريمنوين يبونة اذا قلت لها خالتي حرااام عليج .. رمي المحصنات او لاتغتبين احد .. اتقووول اص ولا كلمة ... شوفي الله شنو سوا فيج كل البنات اللي في عمرج تزوجوا الا انتي...محد يبيج L او اتقول بس تكلمت المطوعة ... انا ماهمني كلامها انا خاايفة على امي .. احس امي تمشي معها واتردد نفس كلااامها ... عيزت وانا اقول لهم خافوا الله عندكم بنات ... تخيلوا يدعون علي ويقولون انتي اتفولين على بناتنا .. او اذا خلصوا من الغيبة .. قاموا يدعون على الناس :(
انا اعرفهم قبل ماكانوا جذي كانوا يسولفون سوالف حلوة والله ماودكم يسكتون لكن الحين استغفر الله .. اقوول يالله متى بتروح بيتها ..واذا راحت بعد اتكمل على التلفون ..
صار حقد وغبية في الناس
انا كتبت مشكلتي لان خلااااص وصلت لباب مسدود ...اذا كلااام الله والنصيحة ماجبتهم تتوقعون شنويفيد معاهم ؟؟ انا خاايفة لاني مرة قريت حديث عن الرسول (ص) يتكلم عن الاعراض .. الخ مب حافظتة
يليت احد يقدر يقول لي شنو الحل معاهم ؟؟؟ وان شاءالله اتفيدوني عشان افيدهم ... واهديهم يااارب
حبيبتي لا تجلسين معهم ودام نطقتي وهذا شي زين ولا فاد خلهم يحملون وزرهـــــــــــــــــــــم !!! أهم شي تبرين نفسج قدام رب العالمين !!!
ولاتزر وازرة وزر أخرى وبنت خالة أمج يجيها يوم تصير علج بحلوج النااااااااااس>> ما احب النااااااااااس اللي كذا !!!
ترى هي ما تحس الا لما الله يذ وقها الشي !!!
بالنسبه لأمج كلميها على انفراد وقولي لهاااا
اليوم تتحجون في اعراض الناس بكره انا وخواتي في من يتحجى علينا وانتي ما ترضينها وترى راح تتعاقبين فينا !!!
وانا مابي يطيح شي على راسي بسبب اغلاطكم وجهلكم بالعقاب انا حذرتج وابري ذمتي قدام رب العالمين وانتي بكيفج تحملي الا تسونه كل شي وله عقاب
تكفين يمه ترى الدنيا دواره ومحد يضمن عمره !!
على قولة أمي العوده الله ما يعاقبهم يعاقب عواقبهم يعني يبليهم في اولادهم وهم ما يحسووووووون !!!
ح
حبوبة البحرين الحلوة
عروس مشرقة
02-12-2010 | 12:10 PM
مناكير احمر كفت ووفت اعرف وحدة مثل خالة امج لسانها اعوذ بالله تصدقين هي تتكلم في اعراض الناس والناس من وراهم يتطنزون ويتحجون عليها الدنيا دوارة واللي يسوى شي لو صغير الله يرده له شلون لو اعراض ناس
حبيتي الله يخليج ويحفظج انتي خوش بنية والدليل نصحتي امج وخالتها واذا عايرتج وقالت ما تزوجتي قوليها على الاقل احسن من غيري اللي لا شغل ولا مشغلة تحش في الناس
انتي احسن منها اصلا اللي يتكلم في الناس في نقص يبي يسده بارك الله فيج ووقفج يارب ونشوفج عروس يارب
&
ღღ دريـــم ويــب ღღ
عروس ركن النساء والحمل والولادة
02-12-2010 | 12:25 PM
حرررررررررام مايجوز هذا قذف بكرة ربي يبليهم في بناتهم وبأنفسهم
ربي يهديهم بس
قولي لهم اتحب ان تأكل لحم اخيك ميتا ؟ كذا الغيبة والنميمة
وفي مثل دايم اقوله للناس اللي يحشون
من حكى لك حكى فيك
انتبهي بكرة تطلع سوالف عليج
مناكير أحمر;13850295:
حبيبتي لا تجلسين معهم ودام نطقتي وهذا شي زين ولا فاد خلهم يحملون وزرهـــــــــــــــــــــم !!! أهم شي تبرين نفسج قدام رب العالمين !!!
ولاتزر وازرة وزر أخرى وبنت خالة أمج يجيها يوم تصير علج بحلوج النااااااااااس>> ما احب النااااااااااس اللي كذا !!!
ترى هي ما تحس الا لما الله يذ وقها الشي !!!
بالنسبه لأمج كلميها على انفراد وقولي لهاااا
اليوم تتحجون في اعراض الناس بكره انا وخواتي في من يتحجى علينا وانتي ما ترضينها وترى راح تتعاقبين فينا !!!
وانا مابي يطيح شي على راسي بسبب اغلاطكم وجهلكم بالعقاب انا حذرتج وابري ذمتي قدام رب العالمين وانتي بكيفج تحملي الا تسونه كل شي وله عقاب
تكفين يمه ترى الدنيا دواره ومحد يضمن عمره !!
على قولة أمي العوده الله ما يعاقبهم يعاقب عواقبهم يعني يبليهم في اولادهم وهم ما يحسووووووون !!!
حبيبتي انا ماجلس معاهم .. بس لازم امر او اشوف التلفزيون ... او اقهويهم ... عيزت وانا اقول لهم عندكم بنات وعيال وهم يقولون لا تفاولين على عيالنا ... المشكلة اهني اهم مب مقتنعين .. بسالفة العاقب اللي بترجع لعيالهم ... الله يهديهم ... اااامين
حبوبة البحرين الحلوة;13850434:
مناكير احمر كفت ووفت اعرف وحدة مثل خالة امج لسانها اعوذ بالله تصدقين هي تتكلم في اعراض الناس والناس من وراهم يتطنزون ويتحجون عليها الدنيا دوارة واللي يسوى شي لو صغير الله يرده له شلون لو اعراض ناس
حبيتي الله يخليج ويحفظج انتي خوش بنية والدليل نصحتي امج وخالتها واذا عايرتج وقالت ما تزوجتي قوليها على الاقل احسن من غيري اللي لا شغل ولا مشغلة تحش في الناس
انتي احسن منها اصلا اللي يتكلم في الناس في نقص يبي يسده بارك الله فيج ووقفج يارب ونشوفج عروس يارب
فديت روج تسلمين يالغالية ... تبين الصج انا خااايفةعلى سمعتي وسمعت خوااتي بس
ولا انا من زماان ماتكلم في اعراض الناس ... اموووت من الخوووف من هالكلام .. ابعي امووت
وانا مرتاااحة .. وابغي امووت وانا مستووورة ... الله يسترعلينا وعلى بنات المسلمين
{ لا حول ولا قوة الا بالله......~
ياكرهي لهذي الاشكال
والله يخربون بيوت الناس من كلامهم
واغلبه مبني ع الشكوك وسوء الظن بالناس
ان لله وان اليه راجعون
انتي انصحي وذكريهم ان هالشي حرام مايجوز
ولكن لاتجلسين معاهم
لانك تاخذين من اثمهم
تجنبي مجالس اللغو
علشان لاتحطين بذمتك
الله يهديهم ويصلح شانهم
ويستر علينا وع جميع المسلمين
مرة قريت في كتاب الروح أن اكثر الناس تعذب في القبر بسبب الغيبة و النميمة و القذف ... الله يهديهم و يهدينا .. لازم تنصحينهم بأي طريقة و اذا ما فاد تجنبي الجلوس معاهم و لا تسمعينهم و اهم اذا ما حصلوا حد يسمعهم بيسكتون و بيتفشلون
اختى الكريمة
بعض النساء يجهلن مدى بشاعة ما يفعلونه اثناء التكلم عن اعراض الناس ويستهينون بالامر
قال تعالى ( تحسبونه هين وهو عند الله عظيم )
والبعض يعلم ولكنه يكابر ويعاند عندما تأتيه النصيحة ممن يظن انه اقل منه سواء عمرا او علما او خبرة فى الحياة وانا اعتقد ان قريبتك احد النوعين
اولا: عليكى بالحديث مع امك عن الغيبة والنميمة والخوض فى اعراض الناس واخبريها انك تخافين عليها غضب الله اكثر من خوفك ان يبتليها الله بكم استعملى معها الكلام الحنون والطيب اكثر من الاوامر والنهى فلا تنسى وانتى تكلميها انها امك
ثانيا : عند زيارة قريبتكم اجلسى انتى واخواتك و بناتها معهم واخلقى مواضيع للحديث انتى وباقى البنات عن امور عادية ومسليه
ابتكروا العاب ومناقشات تجدب امك وقريبتك
غيروا اجواء الجلسة ... تكلموا عن امور الدنيا والاخرة
اى تحكموا فى الحديث قدر الامكان وعندما تفتح هى موضوع فيه غيبة ونميمة لا تتجابوا معها وان فعلت العكس شجعوها بالمشاركة معها فى الكلام
وان شالله بمرور الوقت ستتعود على مجلسكم وكلامك
ا
انفاسـﮱگ دخـﮱون
عروس ماسية
02-12-2010 | 05:06 PM
ولاترموا المحصنات الغافلات صدق الله العظيم اختي اذا سمعتيها تقول جذيه وقفيها عند حدها وقولي لها انتي شفتيهم بنفسج عشان تتكلمين عليها وحتى لو شفتيهم من ستر مسلم ستر الله عليه في الدنيا والاخره قولي لها ان الغيبه تحبط الأعمال وتأكل الحسنات ,نجرح انسان ,نفرق بين أصحاب ,نفرق بين الناس ,حامله على القتل وقطع أرزاق الناس . والله تسبب مشاكل كثيييره ..ومثل هي ماتغتاب الناس الناس يغتابوها حطي نفسك مكان اللي تغتابينها , ماودك أحد يجيب طاريك بالشينه ولو جاك كلام بتزعلين وتعصبين الله يهديها يارب
.
.. أمــ عــلــيــ ..
عروس ماسية
02-12-2010 | 07:44 PM
ماشاءالله البنات ما قصروا
الله يهديهم
طيب حاولي اولاً تتكلمين مع امك وذكريها بعقاب الله اولاً وابتلاءه ثانياً .. وقولي لها تنصح بنت خالتها .. يمكن تسمع منها اكثر منكم .. بحكم انهم حريم كبار في السن فشئ طبيعي ما يتقبلون النصيحة من أحد اصغر منهم عمر بسهولة .. !!!
الله يهديهم ويبعدهم عن كل شر
:'(
أختى الكريمة
فعلا المشكلة دى مشكلة خطيرة وخاصة إن امك
طرف فيها
وبرا بأمك لابد ان تفكرى بكل ماليدك من قوة وعقل
فى إبعادها عن هذا الشر
حاولى ان تبحثى على النت عن قصبب لعقاب الله
للمتكلمين فى الأعراض والمغتابين والنمامين
وإحكيها لامك عندما لا تكون هذه المرأة معها
حتى يسهل عليك التأثير عليها لأن واضح ان هذه
الاخرى شيطانها مسيطر عليها سيطرة كاملة
وتضعف امك عندما تكون معها
ولا تتكاسلى ولا تملى أمك وجب عليك برها ومن
برها صونها عن الطريق الخطر
ربنا يعينك وييسر لك امرك
اختك فى الله أم سلمى